Ezara 8:21 - KITABU KITAKATIFU

²¹ Maku kumugera gwa Ahava ndahaana lilaga kukunyi vosi kohonga lilia kandi kusaala. Kunyi kwegehiza aveene kandi nikuteeva Nyasaye akwiranyie mu Jerusalemi ni mirembe harara navana viitu ni miandu jiitu josi.

Ezara 8:21 ပူးပေါင်းရင်းမြစ်များ

2 Kyetsinyinga 20:3

Hene yaho mwami Jehoshafati yaali nu vuti ma niyenya uvulariri vwa Yahova. Mwami Jehoshafati yalandiza lilaga lio kohonga lilia mu Ivuyuda mwosi.

2 Kyetsinyinga 20:4

Kutura mu madaala manene goosi gi Ivuyuda, avandu vosi vazia vwangu ku Yahova mu Jerusalemi kwenya ovokonyi.

Ezara 8:15

Ndaavungiza muganda gwosi kumugera gwazizaa mu lidaala lia Ahava, kandi kwamenya yo madiku gavaga. Lwa ndahenzeriza mu muganda yigwo, avasaalisi vaali mu navuzwa avandu va Levi si valimu mba.

Ezara 8:31

Ku lidiku lia komi na mbiri liu mweli gwukutanga kwa tula ha mugera gwa Ahava nikuzia Jerusalemi. Nyasaye wiitu yaali harara nikunyi kandi yakohonyia kutura ku vasigu viitu kandi kuyavo avakogoneka kunzira.

Nehemia 9:1

Ku lidiku lia 24 liu mweli mulala mwere, avandu va Isiraeli vivungikiza harara okohonga lilia nukwivika zinguvu zia magunia kandi nukuviika luguchi ku mitwi jaavo kumanyia vovereri kigira uvwoni vwavo.

Esther 4:16

“Zia, uvungizi Avayuda vosi harara mu Susa; muhonge lilia na mumbiki mu lisaala. Mutalia anoho munwi kindu choosi ku madiku gavaga, umbasu nuvudiku mba. Avakaana vatumikiri vange harara ninzi kulakola malala mere. Inyima wa yago, inzi ndazia ku mwami, kali niiva lilago silimbugiliranga mba. Niiva nditwa, nzitwi.”

Zaburi 137:1

Kwikala hasi ku lujinga lwi migera ja Babiloni, hene yaho kwasioma lwa kwizuliza lidivizwa lia Ziyoni.

Zaburi 5:8

O, Yahova, unzimiliri mu vulungi vwuvwo kigira avasigu vange, ulungikizi inzira yooyo imbiri wange.

Zaburi 5:9

Avasigu vange si vavola agiligali mba. Zing'anagani ziavo ziveeye ziu kwononyia, amakuva gaavo gaveeye gu vugadi kandi madoto, navuzwa galetaa likuza ligali ku vandu.

Zaburi 8:2

vukumi vuvwo vwizominywa na avayaayi, kandi avana vadoto. Ivi wayumbaka imbinga ukwikinga kutura ku vasigu vovo vosi, kandi ukiring'anyia yavo avahing'anaa nivi, kandi avavanzi vi kisaalia.

Tsing'ano 3:6

Wizulizi Yahova mu vindu viosi viokolaa, kandi alakumanyia inzira inungi.

Isaya 30:21

Lwa mugendagendaa kutura kunzira yu mukono mulungi anoho kunzira yu mukono mumosi, mulahulira umwoyo gwigwe kutura inyima winyu nigovoora, “Inzira ni yiyi, mulonde kuyo.”

Isaya 35:8

Halakaveho ninzira enene ilangwa, “Inzira yu Vutakatifu.” Umundu mwoni sialakagende kunzira yeyo mba; kandi mundu musiru sialimilira avandu valonda kunzira yeyo nu kuvagotiza mba.

Isaya 42:16

“Ndimilira avandu vange avavoku, kandi ndavamanyia inzira ya vakikiri kolonda ku. Ndagirung'anyia kisundi chavo kugwa uvulavu, kandi ndalungikiza kivala keveeye chamajichi kuva kilahi imbiri wavo. Yili nilio lisuuvirizwa liange ku vandu vange, kandi sindavaleka mba.

Isaya 49:10

Sivalakave ninzara anoho uvuluhu mba. Sivalasalirizwa nuluya lwu muchangalangwe anoho umuvasu sigulavasamba kandi mba, valimilirwa nu mulala uvayaanzaa. Alakavimiliri kali kuduuka ha visenukiru via amazi.

Isaya 58:3

Avandu vateva, “Kigira ki kunyi kohonge lilia niiva Yahova sialola mba? Kigira ki kwegehiza niiva ivi si uvugulaamu logendo mba?” Yahova avavolera, “Agiligali gaveeye ndi, ku ing'inga ndala nzere ya muhongaa lilia, munyi mwenya vuzwa lieyanziza lienyu aveene, ni mudambiza avayinziri vinyu vosi.

Isaya 58:5

Lwa muhongaa lilia, mwisalirizaa aveene. Mwinaminyaa mitwi jinyu hasi kuli lulimu, kandi mwalahasia zinguvu zia magunia nukwuhula ku ligoke muduuki kogona ku. Agene yago nigo aga mulangaa lihonga lilia? Muganaganaa ndayanzizwa nagene yago goosi?

Jeremia 10:23

O, Yahova, manya ligali livamwoyo liu mundu siliveeye lilie mba; sihaveeyeho nu mundu kali mulala oveeye nuvunyari kulimenya lilie mba.

Jeremia 42:3

Ukusaaliri ku Yahova Nyasaye wiitu akumanyie zinzira ziduukanaa kolonde ku kandi vindu viduukana kokole.”

Danyeli 9:3

Ndasaara vudinyu ku Yahova Nyasaye, nimugoonya vugira lilia ni nziviki zinguvu zia magunia kandi ni nzikaye muligoke.

Joeli 1:14

Uhaane lilaga liokohonga lilia; ulange livugana! Vuganyia aviimiliri kandi avandu vosi vi Ivuyuda mu Litembeli lia Yahova Nyasaye winyu na mwaniri kuye.

Kyavalevi 16:29

Yili lilava lilago lie mihiga ni mihiga ku munyi. Ku lidiku lie likomi liu mweli gwa Saba, avandu va Isiraeli vosi navageni vosi avamenyaa hagati haavo, kuduuka vahonge lilia kandi vatakola miyinzi josi mba.

Kyavalevi 16:31

Lidiku yilio lilava lidiku litakatifu ligali, lilara lisabato, liokohonga lilia kandi lia mutakola miyinzi josi mba. Malago yaga galalondwa kazozo.

Kyavalevi 23:29

umundu woosi ulia kindu choosi ku lidiku yilio sialavalizwa kandi kuva mulala ku avandu vange mba.

Jona 3:5

Avandu va Nineve vasuuvira likuva lia Nyasaye. Kunangwa valandiza ndi, mundu woosi kuduuka ahonge lilia; kandi avandu vosi, kutura ku munene kuduuka ku mukekeeke, viviiki zinguvu zia magunia kumanyia ndi, vamali kwiganira.

Jona 3:7

Kunangwa, yaatuliza lilago kulandizira avandu va Nineve ndi, “Yili liveeye lilaga kutura ku mwami kandi ku vatumikiri vaveeye hasi hehe. Mundu woosi atazazama kindu choosi kali hakuzu mba; avandu vosi, noho zing'ombe, noho magondi: vitalia noho kunwa amazi mba.

Livalidza 14:3

Kigira ki Yahova akuhilaa mu kivala yiki? Kunyi kulitilwa mu vulwani, avakali viitu na vana viitu valagumirwa. Si vwakaveeye vulahi kunyi kwirana Egebeti?”

Livalidza 14:31

Navuzwa vana vinyu avamwavoola valagumirwa, ndavaviika mu kivala cha mumali kusuura yiki, na kilava chavo.

Vikolwa 2:39

Kigira lisuuvirizwa lia Nyasaye lialomberwa munyi, nu ku avana vinyu, kandi ku vosi avamenyaa ihale, nuku vosi avu Mwami Nyasaye wiitu alaangaa vaze kuye.”

Vakalagi 20:26

Maku vandu va Isiraeli, avandu vosi, vanigira ha Bezeli niviikuuraa. Vahonga yo nivikaye imbiri wa Yahova vugira kali kulia ichukulia kuduuka hamugorova. Vahaanira Yahova kihanwa chukusambwa kandi kihanwa chi murembe.

1 Samweli 7:6

Kunangwa vosi vavugana harara ha Mizipa vadaha amazi kandi nivagasundula ichova kuli kihanwa ku Yahova kandi ni vahonga lilia lidiku liosi. Vavoola; “Kumali kwonera Yahova.” Haali ha Mizipa ha Samweli yahuliriza lisolana lia vandu va Isiraeli nokoleta mirembe hagati haavo kandi kuvakalagira.