Ezara 7:25 - KITABU KITAKATIFU

²⁵ “Ivi Ezara, utumikiri ovogeri vwa Nyasaye yakuha, ma otovole aviimiliri kandi vakalagi kwamiiha vandu vosi vi Imadioli wa Efurate avamenyaa kigira lilaga lia Nyasaye woovo. Ivi kuduuka wigizi lilaga yilio ku umundu woosi utalimanyi mba.

Ezara 7:25 ပူးပေါင်းရင်းမြစ်များ

Litanga 41:38

Mwami yavolera vatumikiri veve, “Kunyala konyoora mundu kuli Josefu, oveeye na Roho gwa Nyasaye muye?”

Litanga 41:39

Kunangwa mwami yavolera Josefu, “Nyasaye umali kuvulira ivi vindu yivi viosi. Siaveeye ho nu mundu kali mulala oveeye novogeri kandi nilimanyiriza kuvita ivi mba.

1 Avami 3:28

Lwa avandu va Isiraeli vahulira amakuva gi likalaga lia Solomoni, vosi vaaha Solomoni uluyali lonene ligali, kigira valora ndi Nyasaye umali kumuha ovogeri kukalaga ovosooro nuvulungi.

2 Avami 17:27

Kunangwa, mwami yavoola: “Tuma mulala ku vasaalisi va kwatuliza yo kuli avahambe; mumukole yirane komenya yo aduuki kwigiza avandu lilaga lio munyasaye wi kivala yicho.”

1 Kyetsinyinga 22:12

Yahova Nyasaye woovo akohe limanya linyingi, kandi ovogeri kunangwa uduuki kwamiiha Isiraeli kolondekana ni Lilaga lilie.

1 Kyetsinyinga 23:4

Yavoola, “Ku yava, 24,000 valaviikwa mu vulindi vwi miyinzi ji Litembeli lia Yahova, 6,000 navo valava vaviiki va mang'oda kandi avakalagi;

Ezara 10:4

Singira vudinyu kigira uvunyali voveeye ku ivi. Kunyi koveeye harara nivi na kulakokonya. Ove mugulu na okole miyinzi.”

Ezara 6:6

Maku mwami Dariasi yahaana mativuli yaga: “Ku Tatenai, mwamihi wi Imadioli wu mugera gwa Efurate, Shezari Bozenai harara na vache vanene vinyu avaveeye Imadioli wu mugera gwa Efurate mwisundi ihale kutura ku Litembeli;

Ezara 7:10

Ezara yihaana kosooma nokohenzeriza mu mang'oda gi lilaga lia Yahova, kugaviika mu vikolwa, kandi kwigiza malago galio goosi ku vandu va Isiraeli.

Ezara 7:14

Inzi harara na aviideli vange saba, mutumaa kutunyiriza iliiva mu Jerusalemi kandi Ivuyuda kunangwa mulole lilaga lia Nyasaye winyu liamwahevwa nililondagwa.

Nehemia 9:3

Vasingira ku zisa zivaga nivahulirizaa amakuva kutura mu kitabu chi Lilaga lia Yahova Nyasaye wavo, ma kandi ku ing'inga yi zisa zivaga izialonda ku, viganira uvwoni vwavo, kandi nivasigamira Yahova Nyasaye wavo.

Zaburi 19:7

Lilaga lia Yahova liveeye liduukiru, liheezaa mundu zinguru zimbia. Amalago ga Yahova ahaanaa gaveeye gukusuuvirwa, gahaanaa ovogeri ku yavo avatali navwo.

Tsing'ano 2:6

Yahova niye uhaanaa vogeri, kutura kuye ahaanaa limanya kandi limanyiriza.

Tsing'ano 6:23

Amalago gaavo gaveeye kuli ling'ereng'ana liu vulavu ku ivi, amigizu gaavo galakumanyia limenya.

Malaki 2:7

Miyinzi ja vasaalisi nu kwigiza agaveeye gagiligali ga Nyasaye. Avandu gavadukiraa vazie kuvo kwiga liiva liange, kigira vaveeye vatumwa vange.

Matayo 13:52

Yeso yavavolera, “Ku lwa yago, Mwigizi wi Lilaga samulala, umali kwigizwa amakuva gu vwami vwu mwigulu, aveeye kuli mundu mwene inyumba, utuliza mu kedeera chiche ivindu vihia kandi ivindu vikulu.”

Marko 6:34

Lwa Yeso yika ku lujinga lwinyanza, yalora ikiduma ekenene cha vandu navavererera, kigira vaali kuli amagondi gataali nu mwayi. Yaatanga kuvigiza ivindu vinyingi.

Kwidzulitsa 16:18

“Mutovole avakalagi na vatumikiri vandi mu vuli lidaala lia Yahova Nyasaye winyu amuha. Avasaza yava kuduuka vakalagili avandu vugira liyaanzilira.

Vakolosai 1:28

Kunangwa kwilwazaa Kristo ku vandu vosi kutumikira vogeri vwosi kuviganihiza kandi kuvigiza, kuduuki koleta vuli mundu imbiri wa Nyasaye, kuli mundu muduukiru mu Kristo.

Yakobo 1:5

Navuzwa niiva mulala ku munyi adaka ovogeri gamudukira asaale ku Nyasaye, uhaanaa nu mwoyo gwosi kandi ni zimbavasi ziosi ku avandu vosi.