Ezara 6:22 - KITABU KITAKATIFU

²² Avandu yava valia nivasangalira lisavo liu mugadi gutaveeye mu na mamera ku madiku saba. Vaali nuvusangali ligali kigira Yahova yaali nagirung'anyi zing'anagani ziu mwami wa Asiria kuva ni liyaanzilira kuvo. Yaavadinyiriza kandi navakonya ku miyinzi jaavo jukumbaka uvuhia Litembeli lia Nyasaye wa Isiraeli.

Ezara 6:22 ပူးပေါင်းရင်းမြစ်များ

2 Avami 23:29

Lwa Josia yaali mwami, mwami Neko wa Egebeti yimilira liihi kuduuka ku mugera gwa Efurate kuzia kokoonya mwami wa Asiria kulwaana. Lwu mwami Josia yageriza kwigalira liihe lia vandu va Egebeti ha Megido, yamanya ni yitirwa mu vulwani.

2 Kyetsinyinga 23:18

Maku Jehoyada yavika uvulindi vwi Litembeli lia Yahova mu vusingiliri vwa Vasaalisi, avaari vandu va Levi, ava Daudi yaali niyagavulira miyinzi mu Litembeli, ukuhaana vihaanwa viukusambwa, via Yahova, kuli gang'odwa mu Lilaga lia Musa, nilisangala kandi liemba zinyimbu, kuli Daudi yaali nalagi.

2 Kyetsinyinga 29:30

Mwami Hezekia harara na aviimiliri vi zihiiri valaga vandu va Levi kwimba zinyimbu ziu kwizominya Yahova na makuva ga Daudi na Asafu muporofeti. Vosi viimba zinyimbu ziu vusangali nu kwizominya Yahova, ma viinama haasi ni vasigamira Yahova.

2 Kyetsinyinga 30:21

Avandu vaali nivavungi mu Jerusalemi vaali ni lisavo liu mugadi gutali mu namamera ku madiku saba nuvusangali vonene, na vuli lidiku avandu va Levi na vasaalisi vizominya Yahova ni zinguru ziavo ziosi.

2 Kyetsinyinga 33:11

Kunangwa Yahova yaleka avanene vi liihi kwingilira kivala chi Ivuyuda. Vagumira Manase, nivatoza zindoani nu mu muulu geege, nivamuvoha niminyororo ju mugasa, ma nivamuhila Babiloni.

2 Kyetsinyinga 35:17

Ku madiku 7, avandu va Isiraeli vosi avaari ho vaali ni lisavo lie Lipasaka ni lilia liu mugadi gutali mu na mamera.

Ezara 1:1

Mu muhiga gwu kutanga gwa Sairasi yaali mwami wa Pasia, Yahova yaduukiza agayaali navooye kuvitira ku muporofeti Jeremia. Yakola Sairasi kuhaana lilaga yili kandi aviiki mu mang'oda nu kugatuma galandizwi havundu hoosi mu vwami vwivwe:

Ezara 6:1

Maku Mwami Dariasi yahaana lilago kwenyeleriza hi vitabu vie zing'inga via viikwa munyumba yu vwami mu Babiloni.

Ezara 7:27

Ezara yavoola, “Yahova yizominywi, Nyasaye wa vaguuga viitu! Amali kokora mwami kuvugilira kuhaana luyali ku Litembeli lia Yahova mu Jerusalemi.

Nehemia 13:6

Navuzwa lwayaga goosi gaali nigekolekaa, inzi sindali nimbeeye mu Jerusalemi mba; kigira mu muhiga gwa 32 gwi liamiiha liu mwami Aritasakises wa Babiloni, ndaali ninzirani ku mwami kumumanyia amakuva gi miyinzi. Inyima wi ing'inga engekeeke mwami yamba munwa

Tsing'ano 16:7

Niiva ulayaanziza Yahova, ulalomba vasigu vovo kuva valina.

Tsing'ano 21:1

Yahova aveeye nuvunyari ku zing'anagani ziu mwami kuli yemilira inzira yu mugera.

Ezekieli 23:23

Ndaleta avandu va Babiloni vosi, kandi avandu va Kalideli, avasaza kutura Pekodi, Shoa na Koa, kandi na avandu va Asiria vosi. Ndavungiza harara vasoleri vosi avanene vi ligondi lilahi ligali kandi avamihi, avasikari na vanene vandi vosi vi zibarasi avaveeye nu luyali.

Matayo 26:17

Ku lidiku liu kutanga lie lisavo liu mugadi gutaveeye na mamera, aviigi vazia ku Yeso ni vamuteeva, “Wenyaa kokolombere hayi iliilia lie Lipasaka?”

Yohana 19:11

Yeso yamutivulira, “Ivi si wakaveeye nu vunyali vwosi ku inzi, nivutahaniywi ku ivi kutura mwigulu na Nyasaye. Mundu oleeti inzi ku ivi niyie oveeye nu uvwoni vonene kuvita ivi.”