Ezara 6:16 - KITABU KITAKATIFU

¹⁶ Maku avandu va Isiraeli, avasaalisi, vandu va Levi kandi avandu vandi vosi avaari nivirani kutura mu vuhambe, vayaanza kandi nivasangalira litakasa lie Litembeli lia Nyasaye.

Ezara 6:16 ပူးပေါင်းရင်းမြစ်များ

1 Avami 8:62

Maku mwami Solomoni na vandu vosi avaari harara naye, vaahana visiuviliru imbiri wa Yahova.

1 Avami 8:63

Solomoni yahaana zigiriki 22,000, magondi 120,000, kuli vihaanwa vie mirembe. Kunangwa mwami harara na avandu vosi va Isiraeli vasaalisa (Lilembeli).

1 Kyetsinyinga 15:28

Kunangwa vandu va Isiraeli vosi vazia harara ni Lisandugu lie Lilagana kuduuka Jerusalemi ni lihanzuka liu vusangali, ni vakuba visiliva, ling'alala kandi vikuli, kandi zinyimbu ziuvukana vwi migoye.

1 Kyetsinyinga 9:2

Navuzwa avandu vaali vu kutanga kwirana komenya mu madaala gi miandu jiavo vaali: Visiraeli, Vasaalisi, ihiiri ya Levi na avatumiki vi Litembeli.

2 Kyetsinyinga 29:30

Mwami Hezekia harara na aviimiliri vi zihiiri valaga vandu va Levi kwimba zinyimbu ziu kwizominya Yahova na makuva ga Daudi na Asafu muporofeti. Vosi viimba zinyimbu ziu vusangali nu kwizominya Yahova, ma viinama haasi ni vasigamira Yahova.

2 Kyetsinyinga 30:23

Livugana liosi vavugirizana harara kolomba lisavo ku madiku gandi saba. Kunangwa valilomba ku madiku gandi saba nuvusangali.

2 Kyetsinyinga 30:26

Kunangwa haali nu vusangali vonene ligali mu Jerusalemi, kigira kutura ing'inga ya Solomoni muyaayi wu mwami Daudi, sihali ni kindu kuli yiki mba.

2 Kyetsinyinga 7:5

Mwami Solomoni yahaana visiuviliru vie zing'ombe 22,000, amagondi 120,000 kuli vihaanwa vie mirembe. Nandio Solomoni na vandu vatakasa Litembeli lia Nyasaye.

Ezara 4:1

Avasigu va vandu vi Ivuyuda na Benjamini vahulira ndi yavo avilanaa kutura mu lihaminywa vumbaka vuhia Litembeli lia Yahova, Nyasaye wa avandu va Isiraeli.

Ezara 6:22

Avandu yava valia nivasangalira lisavo liu mugadi gutaveeye mu na mamera ku madiku saba. Vaali nuvusangali ligali kigira Yahova yaali nagirung'anyi zing'anagani ziu mwami wa Asiria kuva ni liyaanzilira kuvo. Yaavadinyiriza kandi navakonya ku miyinzi jaavo jukumbaka uvuhia Litembeli lia Nyasaye wa Isiraeli.

Nehemia 12:27

Lwa Lidigi lie Lidaala Linene lia Jerusalemi liatakaswa, vandu va Levi valetwa kutura wavaali ni vamenyi kuza kusangaa mu Lisangala Lilitakaswa lie lidigi lie Lidaala, linene, mulimba zinyimbu ziu kusandiza Nyasaye nu vukana na madungu.

Nehemia 12:43

Lidiku yilio, vahaana visiuviliru vinyingi, na avandu vizura vusangali vonene ligali kigira Nyasaye yaali navakoli kuva nu vuyanzi ligali. Avakali na avana vasanga mu lisangala zana, kandi liyoga lia valomba liahulirika kuduuka ihale na ihale.

Nehemia 7:73

Avasaalisi, avandu va Levi, Avalindi vi virivwa vie Litembeli, Aviimbi, na avandu va kazozo avanyingi. Avayinziri vu mu Litembeli, kandi avandu vandi va isiraeli vamenya mu madaala na madaala manene gi Ivuyuda. Lwa mweli gwa saba gwaduuka, avandu vosi va Isiraeli vaali nivamenya mu madaala gaavo.

Nehemia 8:10

Hene yaho Nehemia yavavolera, muzie yengo, mulombe lilia lilahi ligali kandi munwi iwaini indahi, na musange viukulia viavo na yavo avatali navio. Lidiku lia kalunu liveeye litakatifu ku Yahova wiitu; kandi mutaverera mba, kigira uvusangari vwa Yahova voveeye zinguru zienyu.”

Zaburi 122:1

Ndaali nuvusangali lwa vambolera, “Gendi kuzie mu Litembeli lia Yahova!”

Danyeli 5:13

Nonoho Danieli yaletwa imbiri wu mwami. Mwami yamuvolera “Ivi oveeye Danieli, mulala kuvahambe vi Vuyuda ava baba wange mwami yaatuliza mu kivala chi Ivuyuda?

Yohana 10:22

Muku liali ho lisavo liu kusaalisa Litembeli mu Jerusalemi. Ing'inga yeyo yaali yu vukindu.

Kwidzulitsa 12:7

Hazana yaho, Nyasaye winyu, umali kumugaasiza, munyi harara na avizinyumba zienyu, mulalira nokusangalira vindu vilahi viamumali kuyinzira aku vudinyu.

Vafilipi 4:4

Mu sangale mu Mwami kazozo. Mboraa kandi musangare!