Ezara 6:15 - KITABU KITAKATIFU

¹⁵ Vaamaliriza Litembeli yili ku lidiku lia kavaga liu mweli gwa Adari mu muhiga gwa sita gwi liamiiha liu mwami Dariasi.

Ezara 6:15 ပူးပေါင်းရင်းမြစ်များ

1 Avami 8:63

Solomoni yahaana zigiriki 22,000, magondi 120,000, kuli vihaanwa vie mirembe. Kunangwa mwami harara na avandu vosi va Isiraeli vasaalisa (Lilembeli).

Ezara 4:24

Miyinzi ku Litembeli jaali nijimali kolekelizwa kuduuka mu muhiga gwa kaviri gwi liamiiha lia Daria mwami wa Pasia.

Ezara 5:16

Maku Sheshibazari yazia naviika musingi gwi Litembeli mu Jerusalemi. Kutura ing'inga yene yeyo, Litembeli liazizagilira kwumbakwa uvuhia. Kuduuka lero Litembeli likikiri kumalirizwa.’

Ezara 9:9

Kunyi kwali avatugwa navuzwa ivi si wakoleka mu vutugwa mba. Wakola mwami wa Pasia nakuyaanza kandi na kuvugilira kuzizagilira komenya kandi nu kwumbaka uvuhia kandi nu kwumbaka uvuhia Litembeli liilio, iliali niliagwa mang'anye. Wahaana kukunyi likingwa kandi nikomenya mu mirembe mu Ivuyuda kandi Jerusalemi.

Esther 3:13

Avanyaguli vaanyaguliza lilaga yili ku vuli kivala chu mwami yamiha ku. Lilaga yili liali ndi ku lidiku lia komi na tatu liu mweli gwa Aderi, Avayuda vosi, avang'erere kandi avahindira, avakali na avana vakekeeke harara kuduuka viitwi ku lidiku lilala vuzwa. Gavadukiraa vasinzwi vugira liverererwa, na ivindu viavo viosi vilaanywi.

Esther 3:7

Mu muhiga gwa komi na mbiri gwi liamiiha liu Mwami Ahasuero, mu mweli gwa Nisani, gwukutanga mu muhiga mutakatifu, Hamani yalaga ikura ikubwi iyalangwa Purimu ku vanyoore ing'inga indahi yu kudiviza Avayuda. Kunangwa lidiku lia komi na tatu liu mweli gwa komi na mbiri, mweli gwa Adari, liatovolwa.

Esther 8:12

Lilaga yili liadukanaa litwekizwi mu vwamihi vwa Pasia ku lidiku liali ni liavikwa halovega liu kwiita nu kudiviza Avayuda vosi, lidiku lia kumi na tatu, lia Adari mweli gwa komi na mbiri.

Esther 9:1

Lilaga liukutanga liu umwami yaali niyalomba lienya lilondwe ku lidiku lia komi na tatu liumweli gwa komi na mbiri, mweli gwa Adari. Lidiku yilio nilio lia avasigu va Avayuda vasuuvira valaviita nukuvadiviza ligali. Navuzwa mu vogono yivwo, Avayuda vavaguuta nukwamiiha vasigu vaavo.

Esther 9:15

Ku lidiku lia komi na ini liu mweli gwa Adari, Avayuda vosi mu Susa viivungikiza harara kandi, na vita avandu vandi miatatu mu lidaala linene. Navuzwa sivalaanya miandu ja avasigu vaavo mba.

Esther 9:17

Yili liali lidiku lia komi na tatu liu mweli gwa Adari. Ku lidiku lialondaku, lia komi naine, sihaaliho niliitana kandi mba, vasoosa, kandi valilomba kuva lidiku liu vusangali kandi lie lilia.

Esther 9:19

Yiki nicho kivuni kigiranga Avayuda vamenyi mu madaala makekeeke vizuliza lidiku lia 14 mu mweli gwa Adari kuva lisosa liu vusangali. Ing'inga yiyi yaali yi lilia kandi kuhaanirana vihaanwa vie viukulia vilahi.

Esther 9:21

navavoolera ndi, viizulize lidiku lia komi naine na komi na tano mu mweli gwa Adari kuva amadiku go kosoosa vuli muhiga.

Zekaria 1:1

Mu mweli gwa munane, mu muhiga gwa kaviri lwa Dariasi yaali mwami wi kivala cha Pasia, Yahova yahaana makuva yaga ku muporofeti Zakaria, muyaayi wa Berekia, waali mwisukulu wa Ido.

Zekaria 1:16

Kunangwa inzi mali kwirana mu Jerusalemi no kovererera lidaala linene. Litembeli liange lilumbakwa vuhia. Lidaala linene lilumbakwa kandi.”

Zekaria 4:9

“Zerubabeli umali ku viika muse gwi Litembeli, kandi alamaliriza kuliumbaka. Lwayaga gekoleka, avandu vange valamanya ndi ninzi umali kukutuma kuvo.