Ezara 6:14 - KITABU KITAKATIFU

¹⁴ Aviimiliri vi Ivuyuda vazizagilira vulahi ni miyinzi ju vwumbaki vwi Litembeli. Muporofeti Hagai na Zakaria mwana wa Ido vaavadinyiriza. Vaamaliriza kwumbaka uvuhia Litembeli kuli Nyasaye wa Isiraeli kandi Sairasi, Dariasi na Atriasesesi avami va Pasia vaali ni vavalagi.

Ezara 6:14 ပူးပေါင်းရင်းမြစ်များ

Ezara 3:8

Kunangwa mu mweli gwakaviri ku muhiga gwakaviri inyima wa avandu vaali nivakilana kutura Babiloni, vatanga kwumbaka vuhia Litembeli lia Yahova. Zerubabeli mwana wa Sheyalitieli, Joshua mwana wa Jozadaka, avasaalisi, avandu vihiiri ya Levi, kandi vuli umundu woosi uwaali niyakirana yaatanga kokora miyinzi. Vatovora vandu vinyumba ya Levi avaari ni mihiga 20 kuzia igulu kuva avanene vimiyinzi jukwumbaka vuhia Litembeli.

Ezara 4:24

Miyinzi ku Litembeli jaali nijimali kolekelizwa kuduuka mu muhiga gwa kaviri gwi liamiiha lia Daria mwami wa Pasia.

Ezara 4:3

Zerubabeli, Joshua, kandi navimiliri vizihiiri vavavolera, “Kunyi sikwenya ovokonyi vwinyu kunangwa kwumbakiri Yahova Nyasaye witu Litembeli mba. Kunyi kulumbaka aveene, kuli Sairasi mwami wa Pasia yakulaga.”

Ezara 5:1

Ku ing'inga yene yeyo, avaporofeti vaviri, Hagai na Zakaria mwana wa Ido, vatanga koporofeta mu lieta lia Nyasaye wa Isiraeli ku vandu vi Ivuyuda avamenya mu kivala chi Ivuyuda kandi mu Lidaala lia Jerusalemi.

Ezara 5:13

maku, mu muhiga gwukutanga gwi liamiiha liu mwami Sairasi wa Babiloni yahaana lilago ndi Litembeli lia Nyasaye liduuki kwumbakwa uvuhia.

Ezara 5:2

Lwa Zerubabeli mwana wa Shealitieli na Joshua mwana wa Jehozadaki vahulira makuva ga vaporofeti yava, vatanga kwumbaka uvuhia Litembeli mu Jerusalemi. Avaporofeti vaviri yava vakonyana navo.

Ezara 6:3

“Mu muhiga gwu kutanga gwi liamiiha liu mwami Sairasi, umwami yahaana lilaga ndi Litembeli lia Nyasaye mu Jerusalemi yili lilava zimita 27 kuzia igulu kandi zimita 27 uvuvambalaru.

Ezara 6:8

Kulwayago, mbana lilago kolondekana na gamukolera vimiliri vi Ivuyuda kigira liumbaka uvuhia Litembeli lia Nyasaye. Avayinziri yava valanyora mitungu jaavo vugira kulindagilira kutura mu mavikiru gi inyumba yu vwami, amabesa ganyoolekaa kuturana nuvusuru vuturaa Imadioli wu mugera gwa Efurate.

Ezara 7:1

Inyima wi mihiga minyingi, lwa Aritasakises yaali mwami wa Pasia, yaali ho umundu uwalangwa Ezara. Yenyeleriza avaguuga veve kuduuka inyima ku Haruni musaalisi munene kuli ndi: Ezara yaali muyaayi wa Seraya, na Seraya yaali muyaayi wa Hilikia,

Ezara 9:9

Kunyi kwali avatugwa navuzwa ivi si wakoleka mu vutugwa mba. Wakola mwami wa Pasia nakuyaanza kandi na kuvugilira kuzizagilira komenya kandi nu kwumbaka uvuhia kandi nu kwumbaka uvuhia Litembeli liilio, iliali niliagwa mang'anye. Wahaana kukunyi likingwa kandi nikomenya mu mirembe mu Ivuyuda kandi Jerusalemi.

Nehemia 6:15

Inyima wa madiku 52 miyinzi, jilidigi liosi jiafa kwumbakwa vuhia ku lidiku lia 25 liu mweli gwa Eluli.

Isaya 44:28

Mbolera Sairasi ‘Ni ivi uliamiiha avandu kulwa inzi; ulakakole aga nyenya okole. Ulakalage avandu kwumbakwa vuhia Jerusalemi, kandi misingi ji Litembeli kuvikwa.’ ”

Haggai 1:1

Mulidiku liu kutanga liu mweli gwa sitamu muhiga gwa kaviri gwi liamiiha liu mwami Dariasi wa Pasia, Yahova yamoloma kuvitira ku muporofeti Hagai, ku Zerubabeli mwana wa Shealitieli, mwamihi wivuyuda, kandi ku Joshua mwana wa Jehozadaki, musaalisi munene.

Haggai 1:8

Kalunu muzie mu vigulu mwenye zimbaho mwumbake Litembeli vuhia; maku mulakanyaanzizi kandi mulasigamiri kuli genyekaa.

Zekaria 1:1

Mu mweli gwa munane, mu muhiga gwa kaviri lwa Dariasi yaali mwami wi kivala cha Pasia, Yahova yahaana makuva yaga ku muporofeti Zakaria, muyaayi wa Berekia, waali mwisukulu wa Ido.

Zekaria 1:16

Kunangwa inzi mali kwirana mu Jerusalemi no kovererera lidaala linene. Litembeli liange lilumbakwa vuhia. Lidaala linene lilumbakwa kandi.”

Zekaria 4:9

“Zerubabeli umali ku viika muse gwi Litembeli, kandi alamaliriza kuliumbaka. Lwayaga gekoleka, avandu vange valamanya ndi ninzi umali kukutuma kuvo.

Zekaria 8:9

“Muve nuvuluviliri! Kalunu muhulira makuva malala mere gavaporofeti vamoloma ing'inga yu muse gwi litembeli liange gwaali gwumbakwa vuhia.