Ezara 6:11 - KITABU KITAKATIFU

¹¹ Mbana kandi lilaga ndi, niiva mundu woosi alavula kutia malago yaga, mwaliru gwu musaala gulatulizwa munyumba yeeye na guvazwe lovega lulala, maku vamutoze nagwo mu muviri gwigwe. Inyumba yeeye ekolwe kitumi cha mavivi.

Ezara 6:11 ပူးပေါင်းရင်းမြစ်များ

2 Avami 10:27

Kunangwa vononyia ligali munara mutakatifu gwa Baali nu kusambula litembeli nu kugirung'anyia litembeli zana kugwa icholoni kuduuka lero.

2 Avami 9:37

Zinyama ziu muviri gwigwe zilakasalanywe uwene yeyo kuli isingu, kunangwa mundu kali mulala sialakanyalize kugumanyiriza.’ ”

Ezara 7:26

Niiva umundu kali mulala si alatia malago ga Nyasaye woovo anoho malago gu mwami, oleke akalagirwi vwangu ku likuza anoho ahaminywi anoho imiandu jije jivugulwi anoho avikwi mu vuhambe.”

Esther 5:4

Esiteri yativura, “Niiva galayanziza ivi, mwami, ndakayanzi ivi umwami harara na Hamani muve avageni vange uvudiku vwa lero mu lilia linene munyumba yange, lia ngolombelaa.”

Esther 7:10

Kunangwa vaasunga Hamani ku mwinuya gwu mwene yaali yalombeye Modekai. Hene yaho, uvutima vwumwami vwahomata.

Danyeli 2:5

Mwami yavavolera, “Nyenya mumbolere maloto gange kandi mumbolere cha gavoora. Nimutambolera, ndatandulanyia vivero vienyu kandi nduyanyie zinyumba zienyu zive vitumi via makindi.

Danyeli 3:29

“Kalunu ndagizaa ndi, mundu woosi wi kivala choosi, zihiiri ziosi, anoho lulimi lomoloma makuva gu kuchaya Nyasaye wa Sadaraka, Meshaka na Abedinego, vivero vivie viladonyanywa, na inyumba yeeye ilava kitumi cha makindi. Si aveeye ho na nyasaye wundi unyala kohonyia kuli ndi mba.”