Ezara 6:10 - KITABU KITAKATIFU

¹⁰ Yaga gaduuki kokoleka kunangwa vaduuki kuhaana visiuviliru vivugilirwa ku Nyasaye wi Ligulu, kandi vaduuki kusaala Nyasaye ahaane uvugasu ku Inzi harara na vana vange.

Ezara 6:10 ပူးပေါင်းရင်းမြစ်များ

Litanga 8:21

Umwayu gwi kisiuviriru gwayaanziza Yahova, na yavoola, “Inzi si ndalaama lirova kigira likora liu umundu mba. Inzi manya ndi umundu aveeye ni zing'anagani zindamanu kutura ing'inga ya yaali mwana. Inzi si ndadiviza vindu viosi viveeye ni livamwoyo kuli mali kokora mba.

Ezara 1:2

“Yili ni lilaga lia Sairasi, mwami wa Pasia. Yahova, Nyasaye wu mwigulu, umali kokora inzi mwamihi wi lirova liosi kandi umali kuhaana ku inzi uvunyali vwu kumwumbakira Litembeli mu Jerusalemi, lidaala liveeye mu Ivuyuda.

Ezara 6:9

Vuli lidiku, mulahaana ku avasaalisi mu Jerusalemi viosi viavava nivenya vugira kulindagilira: zigiriki zisoleri, amagondi anoho vimeme viamagondi, ingano, ijumbi, iwaini anoho amaguta ga muzeituni vive kuli vihaanwa viukusambwa ku Nyasaye wi Ligulu kandi musaale angasizi harara navayayi vange.

Ezara 7:23

Kuduuka muhaane kindu choosi icha Nyasaye wu mwigulu yenya kigira Litembeli lilie, kunangwa avuli kuva nu vutima ninzi noho na vami vamiiha inyima wange.

Kutwula 12:32

Vuguli amagondi ginyu, zimburi, kandi zing'ombe zienyu, ma muzie, ma musaliri ku uvugasu.”

Jeremia 29:7

Mukore agaveeye amalahi mu lidaala linene yilio, lya inzi mali kumuhila kuva kuli avahambe. Musaale ku inzi kigira lidaala yilio. Niiva valagasizwa nimiandu, munyi kandi mulagasizwa nimiandu.

Danyeli 2:46

Maku mwami Nebukadineza yinama kuduuka kumalova kandi nahaana malago ndi, visiuviliru ni vihaanwa vihanwe ku Danieli.

Kyavalevi 1:13

Mwene kihanwa alogiza vindu viu munda viosi ni virenge vie inyima. Musaalisi alavihaana viosi nukuvisamba ku uvwali. Keveeye kihanwa chukusambwa, kihanwa chu muliru, ichukufunyira Yahova mwayu mulahi gwu kuyaanziza.

Kyavalevi 1:9

Kuduuka mwene kihanwa chu kusambwa yogize viumunda vyayo ni virenge vie inyima viayo na mazi. Musaalisi uva niyimiliyi muruka yigwo, alasaamba kisiuviriru choosi ku uvwali. Lifunya mwayu gwi kihanwa chu kusambwa choosi, keveeye chu kuyaanziza Yahova.

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.