Ezara 4:15 - KITABU KITAKATIFU

¹⁵ kunangwa alage lienyeleriza likolwe numang'oda aga avaguuga vovo vaviika. Niiva ulakola ndio, ulanyora ndi lidaala linene yili liali liukwibaala kandi kutura muzing'inga ziakale liadambiza avami kandi navamiihi vi vivala. Avandu valio vaveza vadinyu kwamiiha kazozo. Yiki nicho chagira lidaala linene yili nilidivizwa.

Ezara 4:15 ပူးပေါင်းရင်းမြစ်များ

2 Avami 24:20

Yahova yavihilirwa ligali na vandu va Jerusalemi ni Ivuyuda, na yavatuliza imbiri weve. Zedekia yibaala ku mwami Nebukadineza wa Babiloni.

2 Avami 25:4

Madigi gi lidaala linene gafudulwa umuluhu kali niiva avandu va Babiloni vaali ni vakumberizi lidaala linene, avasikari vosi viruka ing'inga ya vudiku kuvitira kunzira yu mmulimi gwu vwami, ni vavitira mu kirivwa chahambanyia madiji, ni vazia ha livona lio mugera gwa Jorodani.

Ezara 4:12

“Kunyi kwenya mwami amanye ndi avandu vi Ivuyuda avaazaa ku kunyi kutura ku ivi vamali kuzia Jerusalemi kandi vumbaka vuhia lidaala linene liu kwibaala kandi liuvuchamu yilio. Vaveeye ahimbi kumala kwumbaka vuhia madigi kandi kudigulura imisingi.

Ezara 4:14

Kalunu koveeye hasi hizingulu ziu vwami kandi sivoveeye vulahi kunyi kolole yaga nigekoleka ku mwami mba, kunangwa kutumaa makuva yaga kovoolera mwami,

Ezara 4:16

Kunangwa kunyi koveeye nilisuvira ndi niiva lidaala linene yili lilumbakwa vuhia kandi madigi galio kumalirizwa, ivi sinunyalizi kwamiiha kivala chi Imadioli wa Efurate mba.”

Nehemia 2:19

Lwa Sanibalati, Tobia nu Muarabu walangwa Geshemu, vahulira aga kwaali nikolohizaa kokora, vakosekeliza kandi vakolegeliza nivavoora, “Munyi muganaganaa mukolaaki? Munyi muzizaa kwibaala ku Mwami?”

Nehemia 6:6

Yaga nigo agang'odwa mu: “Geshemu amboleraa ndi ulusuma lumali kulanda hagati hi zihiiri ziveeye mu ovotende ndi ivi na avandu Vayuda musaviraa ukwiibaala ma kandi yiki nicho kijiraa nimwumbaka vuhia lidigi. Kali ndio, kolondekana namakuva yago, ivi olohizaa kwekola mwami yivi mwene.

Esther 2:23

Lwa makuva yaga giideerwa ganyoolekaa ndi gaveeye agiligali. Kunangwa vasaza vombi vaasungwa ku musaala. Mwami yalaga amakuva yaga gang'oodwe mu kitabu cha makuva guvwami chu vwamihi vwivwe.