Ezara 2:1 - KITABU KITAKATIFU

¹ Yava nivo avandu vi kivala avaatura mu lihaminywa, avu Mwami Nebukadineza yaali naahiri Babiloni mu kivala chi lihaminywa. Viirana Jerusalemi kandi Ivuyuda vuli mundu yazia mu kadaala keke.

Ezara 2:1 ပူးပေါင်းရင်းမြစ်များ

2 Avami 25:11

Hene yaho, munyabara waali mwimiri wi liihi lia Nebukadineza yavugula avandu vaali ni vatigaye mu lidaala linene vosi naavahira Babiloni mu kivala cha vahambe; vaali harara na vasaza avaari ne limanya linene, avasiza na avatuli.

1 Kyetsinyinga 9:1

Vandu va Isiraeli vosi vang'odwa kolondekana ku zinyumba ziavo, na amakuva gaavo gang'odwa mu Kitabu cha Vami va Isiraeli. Avandu vi Ivuyuda vaali ni vahaminyiywi kuzia Babiloni mu kivala chu vuhambe, kuli amageri kigira uvwoni vwavo.

1 Kyetsinyinga 9:2

Navuzwa avandu vaali vu kutanga kwirana komenya mu madaala gi miandu jiavo vaali: Visiraeli, Vasaalisi, ihiiri ya Levi na avatumiki vi Litembeli.

Ezara 1:11

Viju viosi vie izahabu kandi ifeza viali 5,469, via sheshebaru yavugula harara na vandu vi lihaminywa kutura Babiloni kuzia Jerusalemi.

Ezara 2:2

Aviimiliri vaavo vaali harara na: Zerubabeli, Joshua, Nehemia, Seraya, Reelaya, Modekai, Bilishani, Misipa, Bigivai, Rehumu na Baana. Livaliza lia vasaza mu vandu va Isiraeli liali kuli ndi:

Ezara 2:70

Avasaalisi, avandu va Levi, harara na vandu vandi vamenya mu Jerusalemi anoho ahimbi Jerusalemi. Avimbi vizinyimbu, avalindi vikirivwa chi Litembeli, avatumwa vi Litembeli, vamenya mu madaala gaali ahimbi. Avandu vandi vosi va Isiraeli vamenya mu madaala ga vaguuga vaavo vamenyamu.

Ezara 5:8

“Ivi mwami wuluyali, kwakayaanzi kukumanyia ndi, kwazia kuduuka mu kivala chi Ivuyuda. Kwanyoora ndi Litembeli lia Nyasaye munene liumbakwa uvuhia na magina manene ligali, kandi zimbaho ziavikwa mu madigi galio. Miyinzi jikolekaa nilimanyiriza kandi jizizagilira vulahi ligali.

Ezara 6:2

Likaratasi lialingwa lianyoreka ha Ekibatana munyumba yu vwami iyaali mu kivala cha Media. Likaratasi yili liali na mang'oda yaga:

Ezara 8:35

Avandu vosi avaari nivirani kutura mu vuhambe valeta vihaanwa viu kusambwa kuli visiuviliru ku Nyasaye wa Isiraeli. Vahaana zigiriki komi na mbiri kigira vandu va Isiraeli vosi, magondi makore tisaini na sita kandi vimeme sabwini na saba. Vahaana zimburi 12 kuva kuli kihanwa chu kwitakasa uvwoni vwavo. Yivi viosi viali vihaanwa viu kusambwa kuli kisiuviriru ku Yahova.

Nehemia 12:1

Yaga na amita ga Avasaalisi na vandu va Levi avilanaa kutura mu lihaminywa harara na Zerubabeli mwana wa Shealitieli harara nu musaalisi munene Joshua; Avasaalisi vaali: Seraya, Jeremia, Ezira,

Esther 1:1

Yaga nigo ageekoleka mu ing'inga yu mwami Ahasuero, uwamihaa ivivala kuvita 127, kutura India kuduuka Ezopia.

Esther 1:11

Yavalaga valeete mukali weve Vashiti imbiri weve nitaji yeye yu vwami aduuki kumanyia avageni uvulahi vwivwe kigira yaali mukali wiligondo lilahi ligali liukuyanziza.

Esther 1:3

Mu muhiga gwa kavaga gwu vwamihi vwivwe, yalombera avanene na avamihi vi vivala vivie vosi iliilia linene. Amahi kutura Pasia na Media, vaali ho harara na avamihi na avuvunyali vi vivala vivie yivio.

Esther 1:8

Umundu yaali anyala kunwa iwaini inyingi kuli ayaanza; umwami yaali nalagi avatumikiri vu munyumba yu mwami ndi vavugiliri umundu woosi anwi iwaini kuli anyala.

Esther 8:9

Kunangwa, ku lidiku lia 23 liu mweli gwa kavaga ugulanga Sivani, Modekai yalanga avang'odi vumwami vosi, naavalaga vang'ode ibarwa ku Avayuda, ku vatumikiri, avamihi na avinyumba yu vwami vwi vivala 127 kutura India kuduuka Ezopia. Zibarwa zie Lilago yizio ziang'oderwa vuli kivala mu lulimi lwacho lwene kandi kuli ling'oda liacho liene, kandi ku Vayuda mu lulimi lwavo kandi kuli aveene vang'oda.

Isaya 48:20

Muzie muturi mu kivala cha Babiloni, mulandizi ku vandu vosi ha vundu hoosi amakuva amalahi gu vusangali: “Yahova umali kohonyia avatumikiri veve Isiraeli!”

Jeremia 50:19

Inzi ndiranyia avandu va Isiraeli mukivala chavo. Navalie viukulia viviruka ku kiguru cha Karimeli kandi numukivala cha Bashani. Navalie viosi viaveenya kutura ku vitagwa viviruka muvivala via Efuraimu na Gileadi.

Lisyoma lya Jeremia 1:3

Avandu vi Ivuyuda vahiliywi mu lihaminywa kigira uvudinyu kandi lisalira. Kalunu vamenyi hagati hi zihiiri, navuzwa si vanyoola havundu hokososera mba. Avasigu vaavo vamali kuvaguuta hagati hu vudinyu vwavo.

Lisyoma lya Jeremia 1:5

Avasigu vaavo vaguuta, vavaviiki mu zinguru ziavo. Yahova uvakoli kusalira kigira uvwoni vwavo vunyingi. Avana vaavo vamali kugumirwa nukuhirwa ihale muvuhambe.

Lisyoma lya Jeremia 4:22

O, munyi avandu va Ziyoni, mumali koheevwa mageri kigira uvwoni vwinyu Yahova si alaleka muzizagiliri komenya mu lihaminywa mba. Navuzwa munyi avandu va Edomu Yahova alahaana mageri kumunyi kigira uvwoni vwinyu; kandi alalang'aminya vikolwa vinyu viuvwoni havulavu.

Zefania 2:7

Avandu vi Ivuyuda avalihononoka valakavuguli kivala chiinyu. Valakaye mu viayo viavo uwene yeyo kandi valakagone mu zinyumba zia vandu va Ashikeloni. Yahova Nyasaye wavo alakave harara navo kandi alakavilanyiri miandu jaavo.

Vikolwa 23:34

Lwu Mwamihi yasoma ibarwa, yateeva Paolo atulaa mu kivala ki. Lwa yamanya ndi Paolo atulaa mu kivala cha Kilikia,