Ezara 10:18 - KITABU KITAKATIFU

¹⁸ Yaga na mita ga vasaza vaali na vakali avageni: Avasaalisi: Kutura mu ihiiri ya Joshua mwana wa Zadoku na vamwavo veve vaali: Maaseia, Elieza, Jaribu na Gedalia.

Ezara 10:18 ပူးပေါင်းရင်းမြစ်များ

Ezara 10:17

Ku lidiku liu kutanga liu mweli gwu kutanga, valekera kohenzeriza vasaza vosi avaari nivaleeta vakali avageni.

Ezara 2:2

Aviimiliri vaavo vaali harara na: Zerubabeli, Joshua, Nehemia, Seraya, Reelaya, Modekai, Bilishani, Misipa, Bigivai, Rehumu na Baana. Livaliza lia vasaza mu vandu va Isiraeli liali kuli ndi:

Ezara 2:36

Livaliza lia vandu vi ihiiri ya avasaalisi liali kuli ndi: Visukululwi via Jedaya viali 973

Ezara 3:2

harara na Joshua mwana wa Jehozadaki, avasaalisi vache, na Zerubabeli mwana wa Sheyalitieli, harara naviiko veve; vumbaka vuhia uvwali vwa Nyasaye wa vandu va Isiraeli, kunangwa vaduuki kusambira ku visiuviliru kuli gang'odwa mulilaga lia Musa umundu wa Nyasaye.

Ezara 3:8

Kunangwa mu mweli gwakaviri ku muhiga gwakaviri inyima wa avandu vaali nivakilana kutura Babiloni, vatanga kwumbaka vuhia Litembeli lia Yahova. Zerubabeli mwana wa Sheyalitieli, Joshua mwana wa Jozadaka, avasaalisi, avandu vihiiri ya Levi, kandi vuli umundu woosi uwaali niyakirana yaatanga kokora miyinzi. Vatovora vandu vinyumba ya Levi avaari ni mihiga 20 kuzia igulu kuva avanene vimiyinzi jukwumbaka vuhia Litembeli.

Ezara 5:2

Lwa Zerubabeli mwana wa Shealitieli na Joshua mwana wa Jehozadaki vahulira makuva ga vaporofeti yava, vatanga kwumbaka uvuhia Litembeli mu Jerusalemi. Avaporofeti vaviri yava vakonyana navo.

Ezara 9:1

Inyima wa yaga goosi gaali ni gaakoleki, aviimiliri va vandu va Isiraeli vaza ku inzi nivavoora ndi, avasaalisi kandi avandu vinyumba ya Levi si vayiyahula aveene kutura ku vandu vi vivala via Kanaani, Hiti, Perizi, Jebusi, Amoni, Moabu, Egebeti kandi Amori mba. Vakora vindu vilala viere viu kuvihiliriza via vandu yavo vaakora.

Ezara 9:2

Avasaza vaavugura vakana kutura mu zihiiri yizi kuva avakali vayaayi vaavo kandi avakali navana vaavo. Kali avandu va Nyasaye avatakatifu vazugana harara na vandu vi vivala yivi. Avanene vaavo aviimiliri kandi avamihi nivo vaakora uvudamanu vwu kumaliriza.

Nehemia 12:10

Joshua yaali baba wa Joiakimu, na Joiakimu yaali baba wa Eliashibu, na Eliashibu yaali baba wa Jehoyada,

Nehemia 13:28

Jehoyada yaali muyaayi wu Eliashibu, musaalisi munene; navuzwa mulala ku vayaayi va Jehoyada yaleeta mukaana wa Sanibalati, kutura mu lidaala lia Bezi-horoni. Kunangwa ndakunga Jehoyada kutura mu Jerusalemi.

Nehemia 8:4

Na Ezira mung'odi yasingira ku kitarazi chi misaala ichaali nichumbakiywi kigira muyinzi yigwo. Ahimbi kuye vasingilaho, Matitia, Shema, Anania, Uria, Hilicha na Maaseia vasingira ku mukono gwigwe mulungi. Na Pedaya, Mishaeli, Malikija, Hashumu, Hashibadana, Zakaria na Meshiulamu nivasingira ku mukono gwigwe mumosi.

Nehemia 8:7

Maku avandu vosi vasingira ma nivasingira mu vogono vwavo, na vandu va Levi yava vavivaalira amakuva goosi gi Lilaga zana: Jeshua, Bani, Sherebia, Jamini, Akubu, Shabezai, Hodia, Maaseia, Kelita, Azaria, Jozabadi, Hanani, na Pelaia

Jeremia 23:10

Kivala chayizula avandu vataveeye avasuuvirifu ku Yahova; vamenya limenya liuvuchamu kandi vatumikira zinguru ziavo vudamanu. Avandu vi kivala vasioma kandi uvwayilu vwayuma kigira kilaamo cha Yahova.

Jeremia 23:11

Yahova avoora, “Avaporofeti navasaalisi vaveeye vugira Nyasaye; Inzi mali kuvanyolerera ni vakora uvudamanu mulitembeli.

Jeremia 23:14

Navuzwa inzi mali kolola vaporofeti mu Jerusalemi ni vakora uvudamanu ligali: vakolaa ovoheyi nokovoora ovovehi; vakonya avandu kokora uvudamanu, kunangwa siaveeyeho kali mundu mulala olekeraa kokora agaveeye amadamu mba. Ku inzi vaveeye vosi avuvudamanu kuli avandu va Sodoma na Gomora.

Ezekieli 44:22

Musaalisi sialaselera mukali mukunzakali anoho mukali wakungwa mba; navuzwa anyala koselera mukaana mugima kutura mu lwivulu lwa vandu va Isiraeli, anoho mukali mukunzakali wu musaza weve musaalisi yakuza.

Kyavalevi 21:7

Umusaalisi sialeta mukali muheyi mba, anoho mukali utaveeye mugima anoho wu msaaza yakunga mba; kigira musaalisi oyo aveeye umutakatifu.

Haggai 1:1

Mulidiku liu kutanga liu mweli gwa sitamu muhiga gwa kaviri gwi liamiiha liu mwami Dariasi wa Pasia, Yahova yamoloma kuvitira ku muporofeti Hagai, ku Zerubabeli mwana wa Shealitieli, mwamihi wivuyuda, kandi ku Joshua mwana wa Jehozadaki, musaalisi munene.

Haggai 1:12

Maku Zerubabeli, Joshua na vandu voosi vaali ni vakatula Babiloni mu vuhaambe, vakora cha Yahova Nyasaye wavo yavavolera. Vaali nu vuti kandi vaatia muporofeti Hagai mutumwa wa Yahova.

Haggai 2:4

Navuzwa kalunu kali mundu mulala ku munyi atakuza mwoyo mba. Mukore miyinzi kigira mbeeye harara na munyi.

Zekaria 3:1

Maku Yahova yamanyia Joshua musaalisi munene nasingi imbiri we engelosi yeeye. Setani yaali nasingi ku mukono gwigwe mulungi ni yenya kumuyaara.

Zekaria 6:11

Olombe igudwa kutura ku ifeza ni zahabu yavamali kuhaana, ma uviiki kumutwi gwa Joshua musaalisi munene, muyaayi wa Jehozadaki.