Esther 9:4 - KITABU KITAKATIFU

⁴ Gaali nigaakamanyikana vulahi mu vwamihi vwosi ndi, Modekai aveeye umundu wi zinguru munyumba yu vwami, kandi yaali namedekaa kuva nu vunyali ligali.

Esther 9:4 ပူးပေါင်းရင်းမြစ်များ

2 Samweli 3:1

Uvulwani hagati ha amahi aguungaa avinyumba ya Saolo mukono na yavo avungaa Daudi mukono vwazizagilira ku ing'inga indambi. Daudi yamedeka zinguru ligali, navuzwa avasigu veve vazizagilira kogeeha zinguru ligali.

1 Kyetsinyinga 11:9

Daudi yameda kuva ni zinguru ligali kigira Yahova Wuvunyali Vwosi yaali harara naye.

1 Kyetsinyinga 14:17

Kunangwa luyali lwa Daudi lwalanda kuduuka muvivala viosi, na Yahova yakola vuli ihiiri kutia Daudi.

Esther 10:2

Ivikolwa vivie viosi viezingulu kandi viuvunyali, kandi ilivaala liosi liu luyali lonene lwa Modekai, lwu mwami yamuha vunyali ku vami va Pasia na Midia viang'odwa mu vitabu via kale via Vami va Pasia na Media.

Zaburi 1:3

Alafananywa numusaala gwasimikwa ahimbi ni migera ja mazi, gwamaa ku muhiga gwagwo matu gagwo siganialaa mba, na viosi via akola vilagasa.

Zaburi 18:43

Ivi wambonya kutura ku yavo avibalaa ku inzi, kandi wangola kuva mwamihi ku zihiiri ziosi, avandu va inzi ndaavura kumanya, kalunu vaveeye avatumikiri vange.

Zaburi 92:13

Vaveeye kuli misaala jasimikwa munyumba ya Yahova, jiviruka mu Litembeli lia Nyasaye wiitu.

Kutwula 11:3

Yahova yakola vandu va Egebeti kuhaana ku vandu va Isiraeli uluyali. Mugiligali, vatumikiri vu Mwami na avandu vosi valora Musa kuva mundu munene ligali.

Tsing'ano 4:18

Inzira ya valungi vagenda ku eveeye kuli litongaa lie liuva, enyooraa vulavu vuli ing'inga kuduuka lwu mbasu gwakaa.

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Zefania 3:19

Ing'inga yiza! Ndakahaane amageri ku vandu vamudambizaa. Ndakasole avalema vosi, kandi ndakilanyie avahambe vosi yengo. Ndakagilung'anye zisoni ziavo kuva luyali, kandi avandu vosi mu kivala valakavizominyi

Matayo 4:24

Kunangwa, ulusuma lwa Yeso lwalanda mu Siria mwosi. Avalwaye vosi avaari ni zinguzu zie zing'ano ziosi nu vusaliri lugano, avaari na mademoni nindulumi kandi avaalema vaahirwa kuye, naye yavahonyia vosi.

Joshua 6:27

Kunangwa Yahova yaali harara na Joshua, kandi ulusuma lwu luyali lwilwe lwalanda mu kivala choosi.

1 Samweli 2:30

Inzi Yahova Nyasaye wa Isiraeli, ndasuuviriza ku maziambiri ndi avinyumba yooyo na vikiliango chicho valatumikira inzi kuli avasaalisi zing'inga ziosi. Navuzwa kalunu mboraa ndi sindava nago kuli ndio kandi mba! Muvogono yivwo, ndahaana uluyali ku yavo avambeezaa uluyali. Ndachaya yavo avanjayaa.