Esther 9:25 - KITABU KITAKATIFU

²⁵ Navuzwa lwa Esiteri yazia ku mwami, mwami yahaana amalago mu mang'oda ndi, lilohiza lie zing'anagani zindamanu zia Hamani yaali naalombeeye Avayuda, vimugwiili umwene, kandi oyo harara na vayaayi veve vasungwi ku mwinuya gwa yalombera avandi.

Esther 9:25 ပူးပေါင်းရင်းမြစ်များ

1 Avami 8:32

O, Yahova, hulira noveeye mwigulu na ukalagiri vatumikiri vovo. Haana mageri ku muhioli kuli gamudukira, na ulakuuli oyo utali nimbala ave.

Esther 3:6

kandi lwa Hamani yamanya ndi, Modekai yaali Umuyuda, yamanya ndi ukuhaana amageri ku Modekai yeng'ine vuzwa sikulamuduuka mba. Yalohiza ukwita Avayuda vosi avaari mu vwamihi vwa Ahasuero mu Pasia.

Esther 7:10

Kunangwa vaasunga Hamani ku mwinuya gwu mwene yaali yalombeye Modekai. Hene yaho, uvutima vwumwami vwahomata.

Esther 7:4

Avandu vange ninzi kumali kugulizwa kuduuki kusinzwa. Kulava ni kwaagulizwa vuzwa kuli avatugwa, ndaali nyara kukiring'ana machiriri na mburi kohendizwa mwoyo, kigira agene yaga, navuzwa koveeye ahimbi kudivizwa nukweywa ligali kutura ku lirova.”

Esther 7:5

Maku mwami Ahasuero yateeva Esiteri, “Nivwaha unyala kokora kindu kuli chene yiki? Umundu mwene oyo aveeye hayi?”

Zaburi 140:8

O, Yahova, utaha avachamu cha venya mba; utaleka lilohiza liavo liu muvwivisu lizizagiliri mba.

Zaburi 140:9

Utaleka vasigu vange vave avaguuti mba; kola litihiza liavo ku inzi livagwiri aveene.

Zaburi 141:10

Leka avandu vachamu vagwi mu mitego jaavo aveene, na inzi ongonye mburi kusalilizwa.

Zaburi 7:16

Kunangwa vahevangwa mageri malulu kigira uvudamanu vwavo aveene, kandi vasalirizwa nu vutindi vwavo aveene vwa vakolera avandi.

Zaburi 7:17

Sandizaa Yahova Nyasaye kigira uvulungi vwivwe mu likalaga. Nyimbaa zinyimbu zie lizominya ku Yahova oveeye igulu ligali.

Zaburi 94:23

Yahova alavaha mageri kigira uvudamanu vwavo, kandi alavadiviza kigira uvwoni vwavo; Yahova Nyasaye wiitu alavadiviza ligali.

Tsing'ano 26:27

Avandu vategera vandi mitego vagimilwa ni mitego jaavo. Mundu utangiza kogomogominya ligina, limwilaniraa ma limusionolanyia.

Tsing'ano 5:22

Uvwoni vwu mundu muchamu voveeye mutego. Agumililwa mu muluvu gwu vwoni vwivwe.

Isaya 22:25

Lwayaga goosi gekoleka, kivambo ichaali ni chaduywa vudinyu ligali kiladengeyizwa nu kugwa hasi. Yiki kilakave ekeheri cha vuli kindu chihanikaa kucho.” Yahova Wuvunyali umali kovora.

Obadia 1:15

“Lidiku liveeye ahimbi lwa Inzi, Yahova, ndakakalagili zihiiri ziosi. Avandu va Edomu, agamumali kokora, kandi galakakoleke ku munyi. Chamumali kuhaana kilirana kumunyi.

Matayo 21:44

Uyu ugwa ku ligina yili alavunikana ividonye; na ni ligwira umundu woosi, lilamusionolanyia.

1 Samweli 25:39

Lwa Daudi yahulira ndi Nabali umali kukuza, yavoola, “Yahova yizominywi! Umali kuvaanza kisaalia ku Nabali kigira linyega kandi umali kunzigalira inze mutumikiri weve mburi kokora vudamanu. Yahova umali kuha Nabali amageri kigira vudamanu vwivwe.” Maku Daudi yatuma avateevi ku Abigaeli mbula aduuki kumuvugula ave mukali weve.