Esther 9:2 - KITABU KITAKATIFU

² Hoosi ha Avayuda vamenya mu vuli lidaala linene mu vivala via Ahasuero yamiha, Avayuda vetegeka aveene kulwaana nu mundu woosi uwageriza kuvingilira. Avandu ha vundu hoosi vaatia Avayuda ligali, na sihaliho nu mundu kali mulala uwasingira kuhing'ana navo mba.

Esther 9:2 ပူးပေါင်းရင်းမြစ်များ

Litanga 35:5

Lwa Yakobo yaatanga logendo harara na vayaayi veve, avandu va madaala gaali ahimbi, vaali nuvuti ovonene ligali, na si vavalondelera mba.

Esther 8:11

Zibarwa yizi zivaala ndi, mwami umali kuvugilira Avayuda kwagana harara nukwetegeka ukwikinga ku vasigu vaavo. Niiva avandu vi zihiiri zindi muvivala viosi viu mwami Ahasuero yamiha alingilira nu kutindira avasaza Vayuda, avana, anoho avakali vaavo, Avayuda vaveeye nuvunyari kwikinga aveene nu kuvononyia; valavalwaana nukuviita; Kali valavugula imiandu jaavo josi.

Esther 8:17

Vuli kivala kandi lidaala linene, na hoosi hi lilaga liu mwami liasomwa, Avayuda vaali nu vuyanzi nu vusangali harara ni lilia lie lisosa. Kali avandu vanyingi vaatovora kugwa Avayuda kigira vaatia Avayuda.

Esther 9:10

avayaayi likomi va Hamani umwana wa Hamedaza, umusigu wa Avayuda vaali hagati ha vandu vadivizwa, navuzwa si vaavugura vilaanye kali kilala mba.

Zaburi 71:13

Leka avanyingiliraa vaguutwi kandi vadivizwi. Leka yavo avagerizaa kusaliriza vakolwe vaduuki mu zisoni kandi valeganywe.

Zaburi 71:24

Inzi ndavoora amakuva gu vulungi vuvwo lidiku liosi, kigira yavo avagerizaa kusaliriza, vaguutiywi kandi vaaleganyiywi.

Kutwula 23:27

“Ndakora avandu vahing'ana ni munyi vatie Inzi; ndaleta ligoyana hagati ha avandu valeta uvulwani ku munyi na ndakora avasigu vinyu vosi vagirung'ane nukwiruka kutura ku munyi.

Isaya 8:9

Munyi avizihiiri ziosi, mwivungikize harara, muvuti! Muhuliri, munyi avaveeye muvivala ihale. Mwetegeke kulwana, navuzwa muve avati! Yee, mwetegeke, navuzwa muve avati!

Kwidzulitsa 2:30

“Navuzwa mwami Sihoni, siyaali anyala koleka kuvitiri mu kivala chiche mba. Yahova Nyasaye winyu yamukola kuva mudinyu kandi yamukola kuva ni liebaala, kunangwa kuduuki kumuguuta kandi kuvugura kivala chiche icha kokemenyi mu kuduuka kalunu.

Joshua 11:20

Yahova yaali navakoli avagulu kulwaana Avaisiraeli, kunangwa vaduuki kukalagirwa lidivizwa ligali kandi vosi vaduuki kwitwa vugira liverererwa. Yaga nigo aga Yahova yaali nalagi Musa.

Joshua 2:9

navavoolera, “Inzi manya ligali ndi Yahova umali kuhaana ku munyi kivala yiki. Mundu sa mulala omenyi mu kivala yiki atiihiziywi ligali ni munyi.