Esther 9:15 - KITABU KITAKATIFU

¹⁵ Ku lidiku lia komi na ini liu mweli gwa Adari, Avayuda vosi mu Susa viivungikiza harara kandi, na vita avandu vandi miatatu mu lidaala linene. Navuzwa sivalaanya miandu ja avasigu vaavo mba.

Esther 9:15 ပူးပေါင်းရင်းမြစ်များ

Esther 8:11

Zibarwa yizi zivaala ndi, mwami umali kuvugilira Avayuda kwagana harara nukwetegeka ukwikinga ku vasigu vaavo. Niiva avandu vi zihiiri zindi muvivala viosi viu mwami Ahasuero yamiha alingilira nu kutindira avasaza Vayuda, avana, anoho avakali vaavo, Avayuda vaveeye nuvunyari kwikinga aveene nu kuvononyia; valavalwaana nukuviita; Kali valavugula imiandu jaavo josi.

Esther 9:10

avayaayi likomi va Hamani umwana wa Hamedaza, umusigu wa Avayuda vaali hagati ha vandu vadivizwa, navuzwa si vaavugura vilaanye kali kilala mba.

Esther 9:12

Mwami yavolera mukali weve Esiteri, “Avayuda viiti nu kudiviza avandu mia tano mu Susa kandi na avayaayi likomi va Hamani. Uganaganaa vanyara kuva niviiti avandu vange kuduuka ulwene yilu muvivala vindi vianzamiihaa; kindiki ikindi chawenyaa kalunu? Mbolera na ulakenyoola.”

Esther 9:13

Esiteri yativura, “Niiva galayaanziza ivi mwami wuluyali, leka Avayuda mu Susa vakole malala meere mugamba agavatula kokora kalunu. Na ulage ndi, imiviri ja vayaayi va Hamani likomi jisungwi ku mwinuya gwu kusunga ku avandu.”

Esther 9:14

Umwami yalaga yaga gakolwe ndio, kandi lilandiza lie lilaga lialandizirwa ku vandu vosi mu Susa. Vaasunga avayaayi likomi va Hamani avandu vosi vaduuki kujilora.

Esther 9:16

Avayuda muvivala vindi viu Vwamihi vwa Ahasuero navo kandi veelohiza kwikinga aveene. Veehonyia aveene ku avasigu vaavo kulwukwita avandu 75,000 avaari nivavavihiliraa. Navuzwa sivavugula ivilanye ku miandu jaavo mba.

Esther 9:2

Hoosi ha Avayuda vamenya mu vuli lidaala linene mu vivala via Ahasuero yamiha, Avayuda vetegeka aveene kulwaana nu mundu woosi uwageriza kuvingilira. Avandu ha vundu hoosi vaatia Avayuda ligali, na sihaliho nu mundu kali mulala uwasingira kuhing'ana navo mba.

1 Vatesalonike 5:22

Mwiyahuli ku vudamanu zing'ano ziosi.

Vahebraina 13:5

Mutava niliiva liu kuyaanza mabese mba, navuzwa muvugiliri vindu via muveeye navio. Nyasaye umali kovora, “Inzi sindamwivilira mba.”