Esther 8:17 - KITABU KITAKATIFU

¹⁷ Vuli kivala kandi lidaala linene, na hoosi hi lilaga liu mwami liasomwa, Avayuda vaali nu vuyanzi nu vusangali harara ni lilia lie lisosa. Kali avandu vanyingi vaatovora kugwa Avayuda kigira vaatia Avayuda.

Esther 8:17 ပူးပေါင်းရင်းမြစ်များ

Litanga 35:5

Lwa Yakobo yaatanga logendo harara na vayaayi veve, avandu va madaala gaali ahimbi, vaali nuvuti ovonene ligali, na si vavalondelera mba.

Nehemia 8:10

Hene yaho Nehemia yavavolera, muzie yengo, mulombe lilia lilahi ligali kandi munwi iwaini indahi, na musange viukulia viavo na yavo avatali navio. Lidiku lia kalunu liveeye litakatifu ku Yahova wiitu; kandi mutaverera mba, kigira uvusangari vwa Yahova voveeye zinguru zienyu.”

Esther 9:17

Yili liali lidiku lia komi na tatu liu mweli gwa Adari. Ku lidiku lialondaku, lia komi naine, sihaaliho niliitana kandi mba, vasoosa, kandi valilomba kuva lidiku liu vusangali kandi lie lilia.

Esther 9:19

Yiki nicho kivuni kigiranga Avayuda vamenyi mu madaala makekeeke vizuliza lidiku lia 14 mu mweli gwa Adari kuva lisosa liu vusangali. Ing'inga yiyi yaali yi lilia kandi kuhaanirana vihaanwa vie viukulia vilahi.

Esther 9:2

Hoosi ha Avayuda vamenya mu vuli lidaala linene mu vivala via Ahasuero yamiha, Avayuda vetegeka aveene kulwaana nu mundu woosi uwageriza kuvingilira. Avandu ha vundu hoosi vaatia Avayuda ligali, na sihaliho nu mundu kali mulala uwasingira kuhing'ana navo mba.

Esther 9:22

Yaga gaali amadiku ga Avayuda vanyoola ovovoholore kutura ku avasigu vaavo. Yigu gwaali umweli gwagirung'anywa kutura kung'inga yo vovereri kuduuka mung'inga yu vusangali nu vuyanzi. Vavolerwa vizulizi amadiku yaga kuva agi lilia kandi agu vusangali; agu kuhaanirana vihaanwa vie viukulia ku aveene na aveene kandi ku avadaka.

Esther 9:27

Avayuda valilomba kuva lilago kuvo aveene, ku avisukululwi vaavo, ku uyu woosi unyala kugwa Umuyuda, ndi kung'inga indukanu ku vuli muhiga, amadiku gaviri yaga galizulizwa kolondekana na malago ga Modekai.

Esther 9:3

Kali avanene va vuli kivala, aviimiliri harara na avamihi mu vuli kivala mu vogono vwu mwami mwene, vakonya Avayuda kigira vaatia Modekai.

Zaburi 105:38

Avandu va Egebeti vavatia ligali, na vasangala lwa vaatura kuzia.

Zaburi 18:43

Ivi wambonya kutura ku yavo avibalaa ku inzi, kandi wangola kuva mwamihi ku zihiiri ziosi, avandu va inzi ndaavura kumanya, kalunu vaveeye avatumikiri vange.

Kutwula 15:16

Litihiza nu vuti vonene viduuki kuvo. Valora zinguru zizio, O, Yahova, kandi vaasingiyi no vodedekere kandi nuvuti kuduuka lwa avandu vovo vaambuka, avandu vawavoholola kutura mu vutugwa.

Kwidzulitsa 11:25

Sihaveeyeho numundu usingira kuhing'ana nimunyi mba. Yahova Nyasaye winyu, kuli yamusuuviriza, alaviika lidegela nilitihiza lienyu ku kivala choosi, hoosi aha muzia.

Kwidzulitsa 2:25

Kutura kalunu kuzizagilira imbiri, ndakora avandu vosi havundu hoosi vamutie. Vuli mundu aladegera nu vuti ku litala lieta lienyu.’

Joshua 2:11

Kwaali nuvuti ligali nonoho lwa kwahulira amakuva yaga; kwosi kumali kogotiza uvuluviliri vwitu kigira munyi. Yahova Nyasaye winyu aveeye Nyasaye mu ligulu igulu kandi hano mu lirova.

Joshua 2:9

navavoolera, “Inzi manya ligali ndi Yahova umali kuhaana ku munyi kivala yiki. Mundu sa mulala omenyi mu kivala yiki atiihiziywi ligali ni munyi.

1 Samweli 25:8

Teeva vuzwa avayaayi vovo navo valakovolera. Kunangwa leka vayaayi vange vanyoore livugilirwa mu zimoni zizio, kigira kunyi kuzaa ku ivi ku lidiku lie lilia. Kukusaala mwaza yaanza haana choosi cha unyala ku kunyi avatumikiri vovo kandi ku Daudi, mwana muyanze woovo.”