Esther 8:15 - KITABU KITAKATIFU

¹⁵ Modekai yatura munyumba yu vwami, niyiviichi zinguvu zia bulu nu vulavu, kandi nitaji enene yi zahabu ku mutwi gwigwe, harara ni inguvu yu kwigulu yikatani indahi yu muzambarao. Maku avandu vosi mu lidaala linene lia Susa vasangala ni vayaanza ligali.

Esther 8:15 ပူးပေါင်းရင်းမြစ်များ

Litanga 41:42

Maku mwami yaatuliza imingiri yu muhuri kutura ku kedete chiche, ma naviika ku kedete cha Josefu. Yamuvika zinguvu zindahi zie katani; Kandi yamuvika munyororo gwi zahabu mwigoti mwimwe.

Esther 1:6

Umugizi gwasiafwa zinguvu ziu kukinga zierangi yabulu kandi izindavu ziekatani, iziasungwa kandi nizivofwa nu mugoye gwi katani yirangi yu muzambarao ku zimingiri zie feza iziali ni zimiiniywi ku zitiru zia magina agahemahemaa. Zindeve zie mido zindahi ligali izialombwa kutura ku izahabu ni feza, ziali nizivikiywi mu mugizi ugwali ni gwaliiywi ku amagina malavu guvuguli agahemahemaa, amagina malahi amakanyu, agandi kuli ilulu eng'ereng'anaa kandi agandi gu mususi na mamwamu.

Esther 10:2

Ivikolwa vivie viosi viezingulu kandi viuvunyali, kandi ilivaala liosi liu luyali lonene lwa Modekai, lwu mwami yamuha vunyali ku vami va Pasia na Midia viang'odwa mu vitabu via kale via Vami va Pasia na Media.

Esther 3:15

Ku lilaga liu mwami ililago yili lialandizwa mu lidaala linene lia Susa, na avanyaguli vaahira amakuva yaga muvivala viosi via Ahasuero yamiha. Umwami na Hamani viikara harara ni vanwa iwaini lwi lidaala lia Susa liali niliveeye mu ligoyana ni ligenya linene ligali.

Esther 5:1

Ku lidiku lia kavaga kohonga iliilia lilie, Esiteri yiviika ziganza zizie ziu vwami, ma nazia kusingira mu mugizi gwu mugati gwi inyumba yu vwami, nahenza keng'oze che endeve yu vwami. Umwami yaali ni yikaye kondeve yeeye yu vwami munyumba yu vwami, nahenzi uvwingiliru vwinyumba zana.

Esther 5:11

Yevoola imbiri wavo kuli aveeye nu vutugi vunyingi kandi kuli aveeye na vayaayi avanyingi, kali kuli umwami yamuginga higulu mu vwamihi nu kumunenehiza ku vanene na vatumikiri vandi vosi.

Esther 6:11

Kunangwa Hamani yavugula ziganza ziu vwami kandi ibarasi, ma naviika Modekai zinguvu zana. Modekai yanina kubarasi, na Hamani yamwimilira kuvitira hagati hi lidaala linene, naalandizira avandu lwa vavita, “Loli kuli mwami ahaanaa madanyi ku umundu wayaanza kuha uluyali!”

Esther 6:8

leka ziganza ziu vwami ziu mwami mwene yiiviikanga zileetwe, kandi leka ibarasi isiahiywi yu mwami eleetwe.

Esther 8:14

Umwami yalaga avahiri vi zibarasi ziu vwami vatuli vwangu ligali na vanyagulizi amalandizu yaga vugira kogotiza uvwiyangu. Ililandiza lia vwangu yili lialandizwa kandi mu lidaala linene lia Susa.

Tsing'ano 11:10

Lidaala linene liveeye nu vusangali lwa vandu vaveeye vasuuvirifu vanyoola ingavi. Navuzwa lwumundu muchamu akuzaa, koveeye nisango yovuyaanzi.

Tsing'ano 28:12

Lwu mundu mulungi anyoora vwami vandu vosi vavezaa nuvusangali, navuzwa lwa vandu vachamu vamiiha, avandu vivisaa.

Tsing'ano 29:2

Lwu mundu mulungi yamiha avandu vasangala, navuzwa lwu mundu muchamu yamiha avandu vakenya.

Matayo 11:8

Mwazia kolola ki? Mwazia kolola umundu wiviika izinguvu zindahi kandi zing'ereng'anu? Avandu vivikaa zinguvu zindahi vamenya mu zinyumba zia avami vanene.

Matayo 6:29

Navuzwa muvooleraa, kali Solomoni mwene mu vukumi vwivwe ziosi siyaviikwa ku zinguvu zindahi kuli lilala ku madanya yaga mba.

Luka 16:19

“Yaali ho mundu mulala mutugi, uwiviika zinguvu ziu vuguli ligali zie kiforosadi zie rangi yu muzambarao, kandi zie katani indahi, kandi yamenya mu vusangali vwo kolomba lilia vuli lidiku.