Esther 8:10 - KITABU KITAKATIFU

¹⁰ Modekai yang'oda amalago yaga mu lieta liu mwami Ahasuero, kandi gaaduywa ku muhuri nimingiri yu mwami. Zibarwa ziatumwa na vatumwa vanina ku zibarasi zindahi kandi zie zimbiru ligali ziatumikaa mu vutumwa vwu mwami, iziavirukizilwa mu lugala lwu vwami lwi zibarasi zie zimbiru.

Esther 8:10 ပူးပေါင်းရင်းမြစ်များ

1 Avami 21:8

Hene yaho Jezebeli yang'oda zibarwa, naviika ku mukono nilieta lia Ahabu, naduya mu muhuri gwigwe, kandi naazituma ku vatumikiri na vimiliri vamenyaa mu lidaala linene lia Jezireeli.

1 Avami 4:28

Vuli mwamihi yaleeta kegero chiche chishairi kandi livuva lio vunyasi ha vienyekanga kigira zibarasi zia magare gu vulwani kandi zibarasi zindi.

2 Kyetsinyinga 30:6

Avatumwa vatura kuzia ichova ku lilaga liu mwami na vanene veve mu kivala choosi chi Vuyuda na Isiraeli na makuva yaga: “Avandu va Isiraeli, mu mali kohona kutura ku liguutwa lie kivala cha vandu va Siria. Kalunu mwirane ku Yahova, Nyasaye wa Aburahamu, Isaka na Yakobo, na alirana ku munyi avatigara,

Esther 8:8

Navuzwa lilaga limali kulandizwa mu lieta liu mwami nu kuduywa ku umuhuri gwu vwami, silinyala kugirung'anywa mba. Nitali, munyala kung'odera Avayuda goosi aga mwenya mu lieta liange nu kuduya ku muhuri gwange.”

Ayubu 9:25

Kalunu madiku gi livamwoyo liange ganyagulaa zimbiru ligali vwangu, kuvita munyaguli. Girukaa ligali, sigalolaa uvulahi mba.

Kohelethu 8:4

Mwami yamiha nu vunyali na si aveeyeho nu mundu unyala kuhing'ana ni kindu chavoola mba.

Isaya 60:6

Zing'amia zilaza mu vwingi kutura Midia kandi Efa. Zilaza kutura, Sheva valaleta izahabu kandi ni kimuli, kandi valavoora amakuva amalahi aga Yahova amali kuvakolera.

Isaya 66:20

Valaleta avamwavo vinyu vosi kutura mu zihiiri ziosi vave kuli kihanwa ku inzi. Valaletwa ku kiguru change kitakatifu mu Jerusalemi, ni vagingiywi ku zibarasi, amagare gu vulwani, zibunda, zisukiri, kandi zing'amia, kuli avandu va Isiraeli valeta uvuswage mu viju ivilahi kuli kihanwa mu litembeli liange.

Jeremia 2:23

Munyalandi kovora si mwayeyononyia aveene mba? Kandi si mwasigamira Baali kali hakuzu mba? Heenzi kuli mumali kokora uvwoni mu livona; loli ku aga mumali kokora. Muveeye kuli ing'amia yikikali, inyagura yiyi ni yiyi niyenya kutumwa.

Jeremia 51:21

ndaakutumikira kwatanyia zibarasi harara na avahili vazio, ndaavunanyia amagare gu vulwani, harara na avahili vago.

Danyeli 4:1

Mwami Nebukadineza yatuma makuva yaga ku vandu vosi vi zihiiri ziosi kandi zinimi ziosi mu kivala. Yavoola, “Mirembe jimeedeke ku munyi!

Danyeli 6:8

O, mwami haana lilago kandi uviiki ku mukono, kandi live liezingulu, lilago lia vandu va Medi na vandu va Pasia, litanyala kugilunganywa.”