Esther 7:9 - KITABU KITAKATIFU

⁹ Maku mulala ku viziri vatumikira mwami walangwa Haribona yavoola, “Kali ndio, Hamani yetegekiza umwinuya gwu kusunga ku Modekai, uwahonyia umwami kutura mu likuza. Umwinuya yigu goveeye zimita isirini na mbiri, munyumba yeeye.” Umwami yalaga; “Musuungi ku mwinuya gwene yigwo!”

Esther 7:9 ပူးပေါင်းရင်းမြစ်များ

2 Avami 9:32

Jehu ya henza igulu nahanzuka, “Nivwaha oveeye ku lovega lwange?” Vanene vaviri anoho vavaga vu munyumba yu vwami vamuhenzera mu lidirisha.

Esther 1:10

Ku lidiku lia saba, lie lilia linene lilie mwoyo gwu mwami gwaali nigoveeye nu vusangali kigira iwaini yayanweezaa. Kunangwa yalanga viziri saba, avaari vatumikiri veve, Mehumani, Biziza, Haribona, Bigiza, Abagiza, Zezari na Karikasa.

Esther 5:14

Kunangwa mukali weve na valina veve vosi vamuha zing'anagani, nivavoora, “Kigira ki mwinuya gwu kusunga ku avandu gutuumbakwa ahimbi uvutambi izimita 22 kuzia igulu? Mugamba oteeve umwami asungi Modekai ku mwinuya gwene yigwo. Na lwanyima ivi uzie mu lilia linene noveeye nu vusangali vonene harara nu mwami.” Yaga goosi gayaanziza Hamani; nu umwinuya gwu kusunga ku avandu gwumbakwa.

Esther 6:14

Lwa vaali nivakemoloma naye, avatumikiri vu mwami vaza nivavugura Hamani nivamuhila mu lilia linene lia Esiteri yaali niyetegekizi.

Esther 6:2

Lwa vaali nivasoomaa, vanyoola havundu ha makuva gang'odwa kuli Modekai yaavuula agi viziri viviri Bigizana na Tereshi vaali ni valohizi ukwita umwami machiriri.

Esther 8:7

Mwami Ahasuero yavolera Esiteri na Modekai, Umuyuda, “Inzi mali kwiita Hamani kigira lilohiza lilie lidamanu liu kudiviza Avayuda, kandi mali kuha Esiteri imiandu josi ijaali jije.

Esther 9:14

Umwami yalaga yaga gakolwe ndio, kandi lilandiza lie lilaga lialandizirwa ku vandu vosi mu Susa. Vaasunga avayaayi likomi va Hamani avandu vosi vaduuki kujilora.

Esther 9:25

Navuzwa lwa Esiteri yazia ku mwami, mwami yahaana amalago mu mang'oda ndi, lilohiza lie zing'anagani zindamanu zia Hamani yaali naalombeeye Avayuda, vimugwiili umwene, kandi oyo harara na vayaayi veve vasungwi ku mwinuya gwa yalombera avandi.

Zaburi 141:10

Leka avandu vachamu vagwi mu mitego jaavo aveene, na inzi ongonye mburi kusalilizwa.

Zaburi 35:8

Leka lidiva livagumiri vwangu nivakikiri kulimanya. Valagumirwa mu mutego gwaavo aveene. Leka nukudivira muvogo vwa vamali kuyava.

Zaburi 73:19

Vaagwiyi nukwoneka nonoho; kandi vamali kugwa mu likuza liukutihiza ligali.

Danyeli 6:24

Maku mwami yahaana malago vandu vosi vayaala Danieli vagumirwi kandi vasiuvwi harara na vakali vaavo na vana vaavo mu luhangaywa lwizura zisimba. Lwa vaali ni vakikiri kotonya mu luhangaywa, zisimba ziavamamira kandi nizivunanyia vigumba viavo viosi.

Danyeli 6:7

Kunyi vosi avamihaa kivala, vasingiliri, vamiihi, na vamiihi avatumwa kandi vanene vandi vavugirizani ndi mwami ahaane lilago kandi alidinyilizi ligali: Ahaane malago ndi ku madiku 30 mundu avuli kuteva ku kindu kutura ku nyasaye woosi, anoho kutura ku mundu wundi nitali ivi mwami. Mundu woosi uvula kolonda lilago yili, asiuvwi mu luhangaywa lwizura zisimba.

1 Samweli 17:51

Daudi yanyagula kuye, nasingira ku, nasomola kivavi cha Goliati kutura mu lwula lwacho, naatema mutwi gwigwe pa, kandi naamwita. Lwa vandu va Filisitia valora ndi muluviliri muguuti wavo ukuzi, viiruka mbitilira.