Esther 7:4 - KITABU KITAKATIFU

⁴ Avandu vange ninzi kumali kugulizwa kuduuki kusinzwa. Kulava ni kwaagulizwa vuzwa kuli avatugwa, ndaali nyara kukiring'ana machiriri na mburi kohendizwa mwoyo, kigira agene yaga, navuzwa koveeye ahimbi kudivizwa nukweywa ligali kutura ku lirova.”

Esther 7:4 ပူးပေါင်းရင်းမြစ်များ

Nehemia 5:5

Koveeye avihiiri ndala nzere na Avayuda vache viitu. Avana viitu sivaveeye avalahi kuli avana vaavo? Navuzwa kunyi kumali kokora avana viitu avatugwa. Valala ku vakana viitu vamali kugulizwa ku muvutugwa. Sikoveeye niliekonya mba kigira milimi jietu ni milimi ja mazabibu jiitu jamala kuvugulwa na avandu vandi.”

Esther 3:13

Avanyaguli vaanyaguliza lilaga yili ku vuli kivala chu mwami yamiha ku. Lilaga yili liali ndi ku lidiku lia komi na tatu liu mweli gwa Aderi, Avayuda vosi, avang'erere kandi avahindira, avakali na avana vakekeeke harara kuduuka viitwi ku lidiku lilala vuzwa. Gavadukiraa vasinzwi vugira liverererwa, na ivindu viavo viosi vilaanywi.

Esther 3:9

Niiva yaga galayaanziza ivi, umwami, haana lilago ling'odeywi kovora ndi yava vosi viitwi. Niiva ulakola ndio, inzi ngusuuvirizaa ligali ndi, ndatunga zikilo 340,000 ziefeza mu livikiru liu mwami kigira uvuyinziri yivu.”

Esther 7:5

Maku mwami Ahasuero yateeva Esiteri, “Nivwaha unyala kokora kindu kuli chene yiki? Umundu mwene oyo aveeye hayi?”

Esther 7:6

Esiteri yativura, “Musigu wiitu, ukudambizaa, nu mundu mudamanu Hamani uyu!” Hamani yumika mwami harara nu mwami wikikali nu vuti vonene ligali.

Esther 8:11

Zibarwa yizi zivaala ndi, mwami umali kuvugilira Avayuda kwagana harara nukwetegeka ukwikinga ku vasigu vaavo. Niiva avandu vi zihiiri zindi muvivala viosi viu mwami Ahasuero yamiha alingilira nu kutindira avasaza Vayuda, avana, anoho avakali vaavo, Avayuda vaveeye nuvunyari kwikinga aveene nu kuvononyia; valavalwaana nukuviita; Kali valavugula imiandu jaavo josi.

Esther 8:6

Inzi nyara kwikuzira ndi niiva ikivi yiki choosi kiiza ku avandu vange, kandi aviiko vange vene viitwi?”

Esther 9:25

Navuzwa lwa Esiteri yazia ku mwami, mwami yahaana amalago mu mang'oda ndi, lilohiza lie zing'anagani zindamanu zia Hamani yaali naalombeeye Avayuda, vimugwiili umwene, kandi oyo harara na vayaayi veve vasungwi ku mwinuya gwa yalombera avandi.

Danyeli 6:2

Komeeda ku yaga, yatovola Danieli na vandi vaviri kusingilira vamiihi ni lienya liu mwami.

Joeli 3:6

Mwavugula vandu vi Ivuyuda na Jerusalemi nimuvahila ihale kutura mu kivala chavo nukuvaguliza ku Avagureki.

Amosi 2:6

Yahova avoora, “Avandu va Isiraeli vamali kokora uvwoni haali kanyingi, na kigira yaga ndavaha amageri ligali. Vaguliza avandu vasuuvirifu avatanyala kutuunga magovi ga vandu, avadaka avatanyala kali kugura kali kilato cheng'ine muvutugwa.

Luka 12:45

Navuzwa, niiva mutumikiri oyo alaganagana mu mwoyo gwigwe nokovoora, ‘Mwami wange alindagiyi kwirana,’ ma atange kukubaga avatumikiri vandi avikisaza na avikikali, atange kulia nu kunwa nukuhambika.

Kwidzulitsa 28:68

Yahova alamwilanyia Egebeti mu zimeri kali niiva yavoola ndi simulilana yo kandi mba. Uwene yeyo, mulageriza kwiguliza munyi aveene ku avasigu vinyu kuli avatugwa, navuzwa sihalavaho numundu woosi ulienya kumugula mba.”

Joshua 9:23

Kigira mumali kokora yaga Nyasaye umali kumukalagira. Avandu vinyu valava avatugwa kazozo; vatenya zingu kandi vaginga amazi ga havundu Hatakatifu ha Nyasaye.”

1 Samweli 22:23

Menya na inzi kandi utatia mba. Saolo yenya kwiita, vombi ivi na inzi, navuzwa ivi na inzi kulahononoka.”