Esther 6:3 - KITABU KITAKATIFU

³ Umwami yateeva, “Ni liizominywa ki lia Modekai yahevwa kandi ni madanyi ki ga Modekai yanyoora kigira ageene yaga?” Avatumikiri veve vaativura, “Akikiri kokolerwa ku kindu choosi kilala mba.”

Esther 6:3 ပူးပေါင်းရင်းမြစ်များ

Litanga 40:23

Mulindi wi iwaini siyizuliza kokonya Josefu mba, yamwivirira ligali.

1 Kyetsinyinga 11:6

Daudi yavoola, “Musaza wu kutanga ukwita Mujebusi alakolwa munene wi liihe!” Maku Joabu, uwa mama weve yaali Zeruya, yimilira lingilira Avajebusi ma naagwa munene wa vanene vi liihe.

Esther 6:2

Lwa vaali nivasoomaa, vanyoola havundu ha makuva gang'odwa kuli Modekai yaavuula agi viziri viviri Bigizana na Tereshi vaali ni valohizi ukwita umwami machiriri.

Esther 6:4

Umwami yateeva, “Vaveeyekuho ku vatumikiri vange mu mugizi?” Ku ing'inga yene yeyo Hamani yingira mu mugizi gwi inyumba yu vwami aduuki komoloma ku mwami kigira kusunga Modekai ku mwinuya ugwali nigolombeywi.

Kohelethu 9:15

Mundu mudaka yamenya mu lidaala yilio. Mundu oyo yaali mugeri ligali, waali unyala kuhonyia lidaala yili, navuzwa siyaaliho nu mundu wamuganagana mba.

Danyeli 5:16

Kalunu mali kuhulira ndi ivi unyala kuhaana livaala liago kandi unyala kuvuula makuva gu muvwivisu no gokogenyia. Niiva unyala kosoma mang'oda yaga kandi uhaane livaala liago valakuviika inguvu yi rangi yu musambarao kandi vakuviiki munyororo gwi zahabu mu ligoti liilio kandi ulava mwami wa kavaga mu vwamihi.”

Danyeli 5:29

Nonoho mwami Belishaza yahaana lilago ku vatumikiri veve vaviiki Danieli inguvu yu vwami yi rangi yu musambarao, kandi nivamwavala mu ligoti lilie munyororo gwa lombwa ku izahabu. Yamukola kuva munene wa kavaga mu vwamihi.

Danyeli 5:7

Mwami yalanga mundu amuletele avakumu, avalogi kandi avageri vi zing'ereng'ani. Lwa viingira mugati, mwami yavavolera, “Mundu woosi unyala kosoma mang'oda yaga kandi umbolera cha gavoora alaviikwa iganza yi rangi yu musambarao kandi munyororo gwi zahabu guviikwi mwigoti mwimwe, kandi alava wakavaga mu vwamihi.”