Esther 5:2 - KITABU KITAKATIFU

² Lwa yalora mwami wikikali Esiteri nasingiyi ichova muloze lwu mugati, Esiteri yaavugilirwa, kandi umwami yamugingira imbimbu yeeye yi izahabu igulu. Maku yisunda imbiri nadiira esonga yayo.

Esther 5:2 ပူးပေါင်းရင်းမြစ်များ

Litanga 32:28

Mundu uyu yavoola, “Kutura kalunu lieta liilio si ulalangwa Yakobo mba, navuzwa ulalangwa ‘Isiraeli’ kigira ivi umali kulwaana na Nyasaye kandi na vandu, na umali kuguuta.”

Nehemia 1:11

O, Yahova, hulira lisaala liange kandi lisaala lia vatumikiri vovo vosi avenyaa kuhaana luyali ku ivi. Yaanza ungasize kalunu, inzi mutumikiri woovo, okole mwami ambeere zimbavasi.” Mu madiku yago ndaali musingiliri wi iwaini yu mwami.

Esther 2:9

Hegai yayanza Esiteri ligali kandi naamuveera ligali. Yaatanga vwangu kumuha amaguta gu kunihiza ligondo lilie kandi viu kulia viduukiru nivilahi. Yamuha havundu ahalahi ligali hokomenya munyumba yu vwami ya vakali vamenya mu, kandi natuma avakaana saba avaatovolwa kutura munyumba yu vwami, kumulinda nu kumutumikira.

Esther 4:11

“Niiva umundu woosi, musaza anoho mukali yingira munyumba yu musi kolola mwami vugira kulangwa, umundu mwene oyo kuduuka akuzi. Iliene yilio ni lilaga; vuli mundu, kutura ku avukuhaana zing'anagani ku mwami, kuduuka ku vandu vi vivala via yamiha, vamanya ageene yaga. Eveeye ho inzira ndala vuzwa yukweevendeela lilago yili: niiva umwami alagiinga igulu imbimbu yeeye yi zahabu, umundu oyo sialiitwa mba. Navuzwa gufweye umweli umwami nakikiri kuunanga.”

Esther 8:4

Umwami yamugingira imbimbu yeeye yizahabu yigulu naye yasingira navoora,

Zaburi 116:1

Nyanza Yahova kigira yambuliraa. Ahulirizaa lisaala liange.

Tsing'ano 21:1

Yahova aveeye nuvunyari ku zing'anagani ziu mwami kuli yemilira inzira yu mugera.

Vikolwa 10:4

Korinelio yumika engelosi nu vuti, namuvolera “Ni kindu ki, mwami?” Engelosi yamuvolera, “Nyasaye uvugiliyi lisaala liilio ni zisadaka zizio ku vadaka.

Vikolwa 7:10

namuhonyia kutura mu vudinyu vwivwe. Lwa Josefu yaloleka imbiri wu mwami wa Egebeti, Nyasaye yamuha liiva liu kuyaanziza kandi ovogeri. Kunangwa Mwami wa Egebeti yamukola ave mwamihi mu kivala yicho kandi munyumba yeeye yu vwami yoosi.