Esther 5:14 - KITABU KITAKATIFU

¹⁴ Kunangwa mukali weve na valina veve vosi vamuha zing'anagani, nivavoora, “Kigira ki mwinuya gwu kusunga ku avandu gutuumbakwa ahimbi uvutambi izimita 22 kuzia igulu? Mugamba oteeve umwami asungi Modekai ku mwinuya gwene yigwo. Na lwanyima ivi uzie mu lilia linene noveeye nu vusangali vonene harara nu mwami.” Yaga goosi gayaanziza Hamani; nu umwinuya gwu kusunga ku avandu gwumbakwa.

Esther 5:14 ပူးပေါင်းရင်းမြစ်များ

2 Samweli 16:21

Ahizofeli yativulira Abisolomu, “Zia ogone na avakali vaviika ava baba woovo yaleka inyima kulinda inyumba yu vwami. Ahene yaho avandu vosi va Isiraeli valamanya ndi baba woovo akuvugulaa kuli musigu woovo, kandi avalondi vovo valaluvilira ligali.”

1 Avami 21:25

Sihaali ho nu mundu wosi waluvilira nu mwoyo gwosi kokora vudamanu mu zimoni zia Yahova kuli Ahabu mba, na Jezebeli mukali weve yamuzuva mu vindu yivi viosi.

1 Avami 21:7

Jezebeli yativura, “Ivi sioveeye mwami wa Isiraeli? Vuka, tula mu kidali, sangala kandi ulie. Inzi ndakuha kizabibu cha Nabozi Mujezereli!”

Esther 6:4

Umwami yateeva, “Vaveeyekuho ku vatumikiri vange mu mugizi?” Ku ing'inga yene yeyo Hamani yingira mu mugizi gwi inyumba yu vwami aduuki komoloma ku mwami kigira kusunga Modekai ku mwinuya ugwali nigolombeywi.

Zaburi 37:14

Avandu vadamanu vatuliza vivavi viavo, kandi vuta vwavo kulasa nu kwita avandu vadaka na avadambi, kandi kusinza avandu vaveeye avalungi,

Zaburi 37:32

Mundu mudamanu alohizaa machiriri nu kwenyeleriza kwita mundu mulungi,

Zaburi 9:15

Avandu vi zihiiri vamali kugwa mu vogo vwa veene vayava, vamali kuhambwa mu mutego gwa aveene vatega.

Tsing'ano 1:18

navuzwa, avandu kuli yava vetegekeraa mitego aveene, mitego jaza giviiti.

Tsing'ano 4:16

Vandu vachamu sivanyala kogona nivatakoli kindu kidamanu mba. Vagona nivahenza kuduuka lwa vasaliriza mundu.

Varumi 1:32

Kali niiva vamanya lilago lia Nyasaye livoora ndi, avandu vamenya munzira yiyi vaduukana likuza. Nitali sigaveeye vuzwa yavo vazizagilira kokora ivindu viene yivi, navuzwa vavugilira avandu vandi vakolaa vindu zana yivi.

Varumi 3:15

Vaveeye vwangu kusaliriza kandi kwita.

Likunula 11:10

Avandu vamenya mu lirova, valayanzizwa nu kusangara ku likuza liavo kandi valahaanilana vihaanwa kigira avaporofeti vaviri yavo avaleeta uvusaliri ovonene ligali ku avandu vamenya ku lirova.