Esther 4:16 - KITABU KITAKATIFU

¹⁶ “Zia, uvungizi Avayuda vosi harara mu Susa; muhonge lilia na mumbiki mu lisaala. Mutalia anoho munwi kindu choosi ku madiku gavaga, umbasu nuvudiku mba. Avakaana vatumikiri vange harara ninzi kulakola malala mere. Inyima wa yago, inzi ndazia ku mwami, kali niiva lilago silimbugiliranga mba. Niiva nditwa, nzitwi.”

Esther 4:16 ပူးပေါင်းရင်းမြစ်များ

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

Litanga 43:14

Nyasaye Wuvunyali okole umundu oyo ave nizimbavasi ku munyi, kunangwa amwiranyiri Benjamini na amwavo winyu wundi. Kulwa inzi, Niiva ndagotiza avana vange, kuduuka mbagotizi.”

2 Samweli 10:12

Ove wizingulu kandi muluviliri! Genda kulwaaniri avandu viitu vudinyu kandi madaala ga Nyasaye wiitu. Uvulariri vwa Yahova vokoleke!”

2 Avami 7:4

Sigali no vokonyi ukuzia mu lidaala linene mba, kigira kulava ni inzara kuduuka lwa kukuza; navuzwa niiva kulava hano, kulakuza kandi. Kunangwa, ng'endi kuzie hokososa ha vandu va Siria; kindu kidamanu ligali cha vanyara kokora ku kunyi ni kukwiita. Navuzwa hawundi valaleka kove mwoyo.”

2 Kyetsinyinga 20:3

Hene yaho mwami Jehoshafati yaali nu vuti ma niyenya uvulariri vwa Yahova. Mwami Jehoshafati yalandiza lilaga lio kohonga lilia mu Ivuyuda mwosi.

Ezara 8:21

Maku kumugera gwa Ahava ndahaana lilaga kukunyi vosi kohonga lilia kandi kusaala. Kunyi kwegehiza aveene kandi nikuteeva Nyasaye akwiranyie mu Jerusalemi ni mirembe harara navana viitu ni miandu jiitu josi.

Esther 4:15

Esiteri yatumira Modekai amativuli yaga:

Esther 4:17

Kunangwa Modekai yazia kokora goosi aga Esiteri yaali namuvooleye akole.

Esther 4:3

Na mu vuli kivala, hoosi hi lilaga liu mwami lialandizwaa, haali ho ni lisioma linene liahulirika mu Vayuda. Haali ho nilihonga lilia, nivalira kandi avanyingi nivakuba zikwiri, ni viviika magunia nokwiyaliriza mu ligoke.

Esther 5:1

Ku lidiku lia kavaga kohonga iliilia lilie, Esiteri yiviika ziganza zizie ziu vwami, ma nazia kusingira mu mugizi gwu mugati gwi inyumba yu vwami, nahenza keng'oze che endeve yu vwami. Umwami yaali ni yikaye kondeve yeeye yu vwami munyumba yu vwami, nahenzi uvwingiliru vwinyumba zana.

Esther 9:31

yalaga yavo vosi kandi visukululwi viavo ukwizuliza amadiku ga Purimu ku zing'inga ziduukanaa. Yaga gaali kuli vaali ni vaavugura amalago gu kwizuliza ilihonga lilia ni zing'inga ziukusioma. Yaga goosi galagwa na Modekai nu mukali wu mwami walangwa Esiteri.

Isaya 22:12

Mwami munene, Yahova Wuvunyali yamulanga muduuki kulira kandi musiome, muvege amasu ginyu kandi mwiviki zinguvu ziamagunia.

Jeremia 36:9

Ku mweli gwa tisa ku muhiga gwa katano lwa Jehoyakimu yaali mwami wi Ivuyuda, avandu vosi mu Jerusalemi kandi avandu vosi avaazaa kutura mu madaala gi Ivuyuda valandiza lihonga lilia imbiri wa Yahova.

Danyeli 2:18

Danieli yavavolera vasaale ku Nyasaye wu Mwigulu kuvaha zimbavasi kandi kumuteeva avivaaliri a gimbisu gokogenyia kunangwa vavuli kwitwa harara na vageri vandi va Babiloni.

Matayo 12:40

Kuli Jona yaali munda mwi isuzi enene madiku gavaga, mbasu nu vudiku, kandi nindio Umwana wa Adamu alava musi mwi lirova madiku gavaga, mbasu nu vudiku.

Luka 9:24

Mundu woosi wenyaa kohonyia livamwoyo lilie, alaligotiza; navuzwa woosi ogotiza livamwoyo lilie kigira inzi, alalihonyia.

Yohana 19:22

Pilato yativura, “Aga inzi mali kong'oda, mali kong'oda!”

Vikolwa 10:7

Lwe engelosi wavoola yaga yamala kuzia, Korinelio yalanga avatumikiri veve vaviri avinyumba, kandi mulala ku vasikari veve uwatia Nyasaye, waali mulala ku avamulindaa,

Vikolwa 20:24

Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.

Vikolwa 21:13

Navuzwa yativura, “Mukoraa kindiki munyi? Lwa muliraandi kusalirizaa mwoyo gwange? Mwenya kusaliriza mwoyo gwange ni lilira? Inzi sinzetegeki kovofwa kwenyine mu Jerusalemi mba, navuzwa kali kwitwa kigira Mwami Yeso.”

Vikolwa 27:33

Ahimbi mumavwevwe, Paolo yavagoonya vosi valie viukulia, navoora, “Ku madiku likomi na gane kuduuka lero, mumenyi mu vudinyu, na ku ing'inga yiyi yoosi, mukikiri kulia kindu.

Vikolwa 9:9

Saolo yamala madiku gavaga na atalolaa, natalizaa kandi natanwezaa.

Varumi 16:4

Yava vaviika livamwoyo liavo muvuhimwa kigira inzi. Mbeeye ni lisandiza ligali kuvo. Siaveeye inzi nzienyine, navuzwa amakanisa goosi aga vandu vizihiiri.

Vafilipi 2:30

Yavika livamwoyo lilie liosi mu uvuhiimwa, kali naava ahimbi kukuza kigira imiyinzi ja Kristo. Yiviika mu uvuhiimwa ni yenya kongonya ligali kuvita munyi.

Joshua 24:15

Niiva simwenya kutumikira Yahova, mutovole kalunu ndi ni munyasaye ki wa vanyasaye va avaguuga vinyu vasigamira mu Mesopotamia na vanyasaye va vandu va Amori vasigamira mu kivala cha mumenyi mu kalunu. Navuzwa inzi harara na vandu vinyumba yange, kumali kotovola kutumikira Yahova.”

1 Samweli 19:5

Yavika livamwoyo lilie mu vuhimwa lwa yita Goliati, na Yahova yahaana liguuta linene ku Isiraeli. Lwa ivi walola inguuva yiyi, waasangala. Maku, kigira ki wenyaa kokora uvudamanu kalunu ku mundu utali niimbala, na wiite Daudi vugira kivuni kali kilala?”