Esther 4:11 - KITABU KITAKATIFU

¹¹ “Niiva umundu woosi, musaza anoho mukali yingira munyumba yu musi kolola mwami vugira kulangwa, umundu mwene oyo kuduuka akuzi. Iliene yilio ni lilaga; vuli mundu, kutura ku avukuhaana zing'anagani ku mwami, kuduuka ku vandu vi vivala via yamiha, vamanya ageene yaga. Eveeye ho inzira ndala vuzwa yukweevendeela lilago yili: niiva umwami alagiinga igulu imbimbu yeeye yi zahabu, umundu oyo sialiitwa mba. Navuzwa gufweye umweli umwami nakikiri kuunanga.”

Esther 4:11 ပူးပေါင်းရင်းမြစ်များ

Esther 1:19

Niiva gayaanziza ivi, umwami wiitu, haana lilago kandi ling'odwi mu vitabu via malago ga Pasia na Mediani, na gavuli kugirung'anywa, ndi Vashiti mukali woovo ataloleka ku imbiri woovo kandi mba; nu umwami yeenye mukali wundi oveeye mulahi kumuvita, unyala kwirana muvwiyangu vwivwe.

Esther 2:14

Hamugorova umukana oyo yaazizaa munyumba yu mwami kandi umugamba gwalonda ku yahilwa munyumba yindi umwa vakali vamenya, ma aviikwa mu vulindi vwa Shashigazi, kiziri chu mwami icha linda vakali vandi vumwami. Umukana umali kutura ku mwami siyaali anyala kwirana kuye kandi mba, vugira mwami kumuyaanza ligali, kumulanga ku lieta lilie.

Esther 4:10

Esiteri yamuha amakuva yaga ukwilanyira Modekai:

Esther 4:12

Lwa Modekai yanyoora amakuva ga Esiteri,

Esther 6:4

Umwami yateeva, “Vaveeyekuho ku vatumikiri vange mu mugizi?” Ku ing'inga yene yeyo Hamani yingira mu mugizi gwi inyumba yu vwami aduuki komoloma ku mwami kigira kusunga Modekai ku mwinuya ugwali nigolombeywi.

Esther 8:4

Umwami yamugingira imbimbu yeeye yizahabu yigulu naye yasingira navoora,

Danyeli 2:9

kuhaana amageri ku munyi mwosi niiva si mulambolera maloto gange. Muvugilizani kuzizagilira kombolera vovehi kigira muganaganaa ndi hawundi ing'inga ilava ho lwa ngirung'ana. Mumbolere maloto gange, kunangwa manye munyala kombolera ichagavolaa.”

1 Petro 3:7

Munzira ndala nzere munyi avasaza gamudukira mumenye vulahi na vakali vinyu ni mu manya ndi vaveeye avadedekere. Muvalindi vulahi nu kuvaha uluyali, kigira munyi harara navo mulanyola kihanwa cha Nyasaye chi livamwoyo. Mukore ndio, kunangwa lisaala lienyu livuli kogoyaana.