Esther 3:8 - KITABU KITAKATIFU

⁸ Maku Hamani yavolera umwami, “Ihiiri ndala eveeye ho iyasalanywa mu vuli kivala cha ivi wamihaa. Amalago gaavo gaveeye lugano kutura ku aga vandu vandi. Kuvita goosi sivahulira amalago gu vwamihi mba. Kunangwa sivoveeye vulahi ivi wikuziri ku avandu yava mba.

Esther 3:8 ပူးပေါင်းရင်းမြစ်များ

Ezara 4:6

Mu litanga liu vwamihi vwu Mwami Zerikisezi, avasigu va vandu vamenya mu Ivuyuda na Jerusalemi vaali namayalo gang'odwa kuvo.

Nehemia 1:8

Mwaza ngusaala, yizuliza kalunu likuva lia walaga mutumikiri woovo Musa, noovoola, ‘Niiva munyi avandu va Isiraeli mulavula kuva avasuuvirifu ku inzi, ndamusalanyia hagati ha avandu vi zihiiri zindi.

Esther 3:9

Niiva yaga galayaanziza ivi, umwami, haana lilago ling'odeywi kovora ndi yava vosi viitwi. Niiva ulakola ndio, inzi ngusuuvirizaa ligali ndi, ndatunga zikilo 340,000 ziefeza mu livikiru liu mwami kigira uvuyinziri yivu.”

Esther 4:1

Lwa Modekai yahulira goosi agaali nigakoleeywi yatandula zinguvu zizie mu vovereri niyiviika zinguvu zia magunia nu kwibuuga ligoke. Yazia naavitira hagati hi lidaala linene nakubaa izikwiri zinene nuvuzunu,

Jeremia 33:24

“Ivi oveeye ni limanyiriza ku makuva ga vandu vavoola ndi, Inzi mali kusura avandu va Isiraeli kandi avandu vi Ivuyuda, ava inzi ndaatovora? Avandu yava vachayi kandi valegerizi avandu vange, na si vavavuguye kuva kandi ihiiri imbiri wavo mba.

Jeremia 50:17

Yahova avoora, “Avandu va Isiraeli vaveeye kuli magondi gakungwa kandi gasalanywa nizisimba. Vingilirwa mulitanga nu mwami wa Asiria, kandi mwami Nebukadineza wa Babiloni yamenena ivigumba viavo.

Ezekieli 11:16

“Kalunu ovoolere avandu vilihaminywa vache agambooraa. Ni inzi wavahila komenya mu zihiiri zie ihale kandi nimbasalanyira muvivala vindi. Nitali, ku ing'inga engekeeke ndava harara navo muvivala via vazia mu.

Ezekieli 6:8

“Inzi ndakaleke valala vahononoke ku liitwa kandi vasalanywi hagati hizihiiri,

Danyeli 3:8

Avandu va Babiloni vanyoola vwiyangu kuyaala vandu vi Ivuyuda.

Danyeli 6:13

Maku vavoolera mwami, “Danieli mulala ku vahambe vatura Ivuyuda, siatizaa mwami anoho kuhulira malago ga uhaani mba. Asaalaa kazozo haali kavaga vuli lidiku.”

Danyeli 6:14

Lwu mwami yahulira yaga, yavelera ligali kandi yageliza kuli anyala konyoora inzira yanyala kohonyera mu Danieli. Mwami yaazizagilira kogeriza kohonyia Danieli muvasu gwosi.

Kyavalevi 26:33

Ndaleta vulwani ku munyi nokumusalanyia muvivala vigeni. Kivala chienyu kilang'anywa na madaala manene ginyu galatigala mang'anye.

Zekaria 7:14

Ndavasalanyia kuli kiihi nimbahila komenya muvivala vio vogeni. Kivala kilahi yiki chaalekwa chere vugira mundu komenya mucho.”

Livalidza 23:9

Nyara kuvalola kutura kondongozi yi kiguru; nyara kuvahenzeriza kutura ku vigulu. Vaveeye ihiiri emenyi yeng'ine vamanyi ndi na vandu vagasizwa kuvita zihiiri zindi.

Yohana 7:35

Avanene va Avayuda vavolerana aveene naveene, “Mundu uyu aveeye ahimbi kuzia hayi aha kulivula kumunyoola? Anyala kuzia ku Avayuda vasalana hagati ha Avaguriki, yigizi Avaguriki?

Vikolwa 24:5

“Kunyi kumali konyoora mundu uyu kuva wikivihiri kuvita kegero, umugemehizi mu Vuyuda, mu lirova liosi, kandi mwimiliri munene wu muganda gwa Avanazareti.

Vikolwa 28:22

Navuzwa kwegomba kuhulira kutura ku ivi mwene agaveeye mu zing'anagani zizio. Kunyi kumanyi ndi muganda gwa oveeye mu yigu, avandu vaguhangalizaa havundu hoosi.”

Kwidzulitsa 30:3

maku Yahova, Nyasaye winyu alava ni zimbavasi ni munyi. Alamwiranyia kutura mu zihiiri uwa yaali namali kumusalanyia kandi alamukola muve ni limeedeka.

Kwidzulitsa 32:26

Ndakavadivizi ligali, kunangwa avuli kuva ho nu uvizuliza.

Kwidzulitsa 4:27

Yahova alamusalanyia hagati hi zihiiri zindi, uwa avakeekeke vuzwa ku munyi valatigala mwoyo.

Yakobo 1:1

Inzi Yakobo, Mutumikiri wa Nyasaye kandi wu Mwami Yeso Kristo: Nduma mirembe jange ku munyi, zihiiri likomi na ziviri zia avasalanywa mu kivala choosi.

1 Petro 1:1

Inzi Petero, mutumwa wa Yeso Kristo; ng'oderaa munyi avatovole va Nyasaye, avaasalana, avamenyaa muvivala vio vogeni via Ponto, Galatia, Kapadokia, Asia, numu Bizinia.