Esther 3:2 - KITABU KITAKATIFU

² Mwami yalaga avanene veve vosi kumanyia uluyali ku Hamani mu lisigama nu kwinama imbiri weve. Vosi vavugilira kokora ndio, nataveeye Modekai, yasura kusigama nu kwinama imbiri weve.

Esther 3:2 ပူးပေါင်းရင်းမြစ်များ

Litanga 41:43

Yamuvika ku ligare lilie lia kaviri lio vwami. Avasikari vuluyali vagenda imbiri weve, vahanzuka nivavoora, “Lungikizi inzira! Lungikizi inzira!” Kunangwa mwami yatovola Josefu kuva mwamihi wi kivala choosi cha Egebeti.

Esther 2:19

Lwa vakana vagima viivungiza harara ing'inga yakaviri, Modekai yaali niyikaaye ha kirivwa chu mwami kuli mulala ku vatumikiri veve.

Esther 2:21

Mu ing'inga ya Modekai yaali munene munyumba yu mwami, iviziri viviri, Bigizana na Tereshi avalindaa mu vwingiliru vwu kwingira mu ving'oze viu mwami, vaasinyikira mwami Ahasuero kali nivalohiza kumwita makiriri.

Esther 2:5

Kunangwa yaali ho mu lidaala linene lia Susa, Umuyuda uwalangwa Modekai, muyayi wa Yairo. Yaatulaa mu ihiiri ya Benjamini, na yaali kisukururwi cha Kishi na Shimei.

Esther 3:1

Lwi ivindu yivi viosi viali niviakakoleka, mwami Ahasuero yanenehiza Hamani muyaayi wa Hamedaza, uwi kisukururwi cha Agagi nukumuha endeve yuluyali yu kwamiiha vanene vandi vosi.

Esther 3:3

Avanene vandi mu vutumiki vwu vwami vateva Modekai ikivuni kigira navula kuhulira lilaga liu mwami.

Esther 3:5

Lwa Hamani yanyoora ndi Modekai si azizanga kusigama nu kwinama imbiri weve, yaali nu vutima vonene ligali,

Esther 5:9

Lwa Hamani yatura mu lilia linene yili, yaali nu vuyanzi kandi nu mwoyo mulahi. Navuzwa lwa yalora Modekai ha kirivwa chinyumba yu vwami, na lwa Modekai yavula kusingira anoho kumanyia uluyali kali hakuzu lwa yaali navitaa, Hamani yavihilirwa ligali.

Zaburi 15:4

Mundu achaya avandu va Nyasaye amali kusuura, navuzwa ahaanaa uluyali ku yavo avatizaa Yahova, uyu akola goosi agaamali kulaga ndi alakola. Kandi sialagirung'ana mba.

Kutwula 17:14

Maku Yahova yavolera Musa, “Ng'oda amakuva gi liguuta yili kunangwa galizurizwi. Volera Joshua ndi ndadiviza vandu va Maleki ligali.”

Kutwula 17:16

Yavoola, “Mugiingi igulu ligali ebendera ya Yahova! Yahova alazizagilira kumulwaanira avandu va Maleki ku makura na makura.”

Danyeli 2:49

Danieli yateeva mwami aviiki Sadaraka, Meshaka, na Abedinego kwimilira makuva gi kivala cha Babiloni, navuzwa Danieli yaatigara munyumba yu vwami.

Kwidzulitsa 25:19

Kunangwa, lwa Yahova, Nyasaye winyu amala kumuha kivala zana yicho, kandi namukoli muve ni mirembe kandi naamuhonyi kutura ku vasigu vinyu avamenyaa ahimbi nimunyi, muve na giligali kwita vandu va Maleki vosi, kunangwa mundu kali mulala avuli kuvizuriza mba. Mutivilira kokora ndio mba!

Vafilipi 2:10

Kandi ndio, mu lihaana luyali ku lieta lia Yeso, ivilombe viosi mwigulu, ku lirova, nu mu lirova musi valagwa ku amalu gaavo,

1 Samweli 15:3

Zia wingiliri avandu va Maleki na udivize ligali vindu viosi via vaveeye navio. Mutavalekela kindu kali kilala mba. Mwiite avasaza, avakali, avana vosi kandi avana vadoto vosi; zing'ombe, amagondi, zing'amia kandi zibunda ziosi.”