Esther 2:12 - KITABU KITAKATIFU

¹² Imbiri wa vuli mukaana yaali nakikiri kuzia ku mwami Ahasuero, yaduukanaa amale muhiga mulala gwaviikwa ho ku vakali kwinihiza nukwelomba ligondo. Imieli sita jaali ju kwinihiza na maguta ga manemane, na imieli jindi 6 jaali ju kwinihiza na maguta gafunyaa umwayu gu kunihiza avakali.

Esther 2:12 ပူးပေါင်းရင်းမြစ်များ

Esther 2:11

Vuli lidiku Modekai yegendagendizaa imbiri wu mugizi mbula aduuki kumanya kuli Esiteri azizagiliraa kandi ikizizaa kwekoleka kuye.

Esther 2:13

Lwa vuli mukaana yaatura munyumba ya vakali vamenya kuzia munyumba yu vwami, yiviika choosi cha yenya kuzia nacho.

Esther 2:3

Unyala kotovola vatumikiri kutura mu vuli kivala chu vwami vuvwo, na uvalage valeete avakaana valahi vi ligondo lilahi mu lidaala linene hano lia Susa. Uvaviiki munyumba ya vakali mu vulindi vwa Hegai, kiziri ulindaa avakali munyumba yu vwami; kandi vahevwe ivindu viosi viu kwinihizira kandi viokolomba amagondo gaavo gave amalahi.

Esther 2:9

Hegai yayanza Esiteri ligali kandi naamuveera ligali. Yaatanga vwangu kumuha amaguta gu kunihiza ligondo lilie kandi viu kulia viduukiru nivilahi. Yamuha havundu ahalahi ligali hokomenya munyumba yu vwami ya vakali vamenya mu, kandi natuma avakaana saba avaatovolwa kutura munyumba yu vwami, kumulinda nu kumutumikira.

Tsing'ano 7:17

Mali kuvaka kidali change vifunya mwayu kuli manemane, kimuli nu mudalasini.

Lwimbu lwa Solomoni 3:6

Nivwaha uyu uzaa kutura mu changalangwi kuli itiiru yu mwoki, yayivaka maguta gu mwayu ga manemane kandi gi kimuli, galombwa kutura ku mudarasini gwa vakiranyi?

Isaya 3:24

Muvogono vwukutumikira ivifunyaa mwayu, valafunya vugundu, mu vogono vwu kwevoha misibi mirahi, valevoha zimbunu, havogono hi liisu lilahi, valava ni chole, na havogono hi zinguvu zindahi, valivika zinguvu zia madali. Ligondo liavo lilahi lilagirunganywa kuva zisoni.

Isaya 57:9

Mwivakaa amarashi namaguta gafunyaa umwayu ma muzia kusigamira umunyasaye Moleki. Mutumaa avatumwa venyu kuzia ihale na himbi, kali kuduuka mu kihadisi ukwenya avanyasaye va musigamira.