Esther 10:3 - KITABU KITAKATIFU

³ Modekai Umuyuda, yaali wu kutanga mu vwamihi vwu mwami Ahasuero. Yaali wu luyali kandi ya yaanzwa ligali na Avayuda vache. Yakola miyinzi kwenyeleriza uvugasu vwa avandu veve kandi yenyeleriza nokoleta mirembe ku avandu veve vosi harara ni visukululwi viavo viosi.

Esther 10:3 ပူးပေါင်းရင်းမြစ်များ

Litanga 41:40

Inzi ndakokola wamihi kivala change, kandi vandu vange vosi valatia malago googo. Navuzwa ndava munene kukuvita.

Litanga 45:10

Mulamenya mukivala cha Gosheni, ahimbi ninzi. Mulava harara na vana vinyu visukuru vinyu, viayo via magondi, zimburi, zing'ombe zienyu, kandi ni vindu vindi viosi via muveeye navio.

Litanga 45:11

Inzi ndamulinda lwa muva nimumenyi mukivala cha Gosheni. Inzara ilavaho ku mihiga jitano; na si nyenya munyi harara na vana vinyu kandi viayo via magondi, zimburi kandi zing'ombe zienyu, kandi vindu vindi viosi via muveeye navio vidivi kigira inzara mba.’ ”

2 Kyetsinyinga 28:7

Zikiri, musaza wizingulu kutura mu ihiiri ya Efuraimu, yita Maaseia muyaayi wa Ahazi, Azirikamu munene wi inyumba yu vwami, kandi Elikana, uwaali wakaviri ku mwami mu vunyali.

Nehemia 2:10

Navuzwa Sanibalati, kutura mu lidaala lia Bezi-horoni, na Tobia, munene mu kivala cha Amoni, vahulira ndi mundu umali kuuza kuyinzilira avandu va Isiraeli vaduuki kugasizwa, vavihilirwa ligali kuvita kegero.

Esther 2:5

Kunangwa yaali ho mu lidaala linene lia Susa, Umuyuda uwalangwa Modekai, muyayi wa Yairo. Yaatulaa mu ihiiri ya Benjamini, na yaali kisukururwi cha Kishi na Shimei.

Esther 3:2

Mwami yalaga avanene veve vosi kumanyia uluyali ku Hamani mu lisigama nu kwinama imbiri weve. Vosi vavugilira kokora ndio, nataveeye Modekai, yasura kusigama nu kwinama imbiri weve.

Danyeli 5:16

Kalunu mali kuhulira ndi ivi unyala kuhaana livaala liago kandi unyala kuvuula makuva gu muvwivisu no gokogenyia. Niiva unyala kosoma mang'oda yaga kandi uhaane livaala liago valakuviika inguvu yi rangi yu musambarao kandi vakuviiki munyororo gwi zahabu mu ligoti liilio kandi ulava mwami wa kavaga mu vwamihi.”

Danyeli 5:29

Nonoho mwami Belishaza yahaana lilago ku vatumikiri veve vaviiki Danieli inguvu yu vwami yi rangi yu musambarao, kandi nivamwavala mu ligoti lilie munyororo gwa lombwa ku izahabu. Yamukola kuva munene wa kavaga mu vwamihi.

Danyeli 6:3

Nonoho Danieli yamanyia ndi yaali unyala kokora miyinzi vulahi kuvita vasingiliri vandi anoho vamiihi vandi: Kigira Danieli yaali ni lihulira lia vwangu, mwami yaganagana ku muviika alindi vwamihi vwivwe vwosi.

Varumi 10:1

Avaamitu vange, nzegomba numwoyo gwange gwosi avandu vange Isiraeli vanyoore vohonyi! Mbasaaliraa ku Nyasaye!

Varumi 14:18

Uyu utumikira Kristo kuli ndio ayaanzwa na Nyasaye, kandi avugilirwa na vandu.

1 Samweli 18:16

Navuzwa vuli umundu mu Isiraeli na Ivuyuda vayaanza Daudi kigira yaali mwimiliri wovogeri mu likora lilie.

1 Samweli 23:17

namuvolera, “Utatia mba. Baba wange Saolo si alanyala kukusaliriza mba. Umanyi vulahi ndi ivi niyie uwaza ove mwami wa Isiraeli, ma kandi inzi ndava wakaviri mu vonene ku ivi.”