Esther 1:6 - KITABU KITAKATIFU

⁶ Umugizi gwasiafwa zinguvu ziu kukinga zierangi yabulu kandi izindavu ziekatani, iziasungwa kandi nizivofwa nu mugoye gwi katani yirangi yu muzambarao ku zimingiri zie feza iziali ni zimiiniywi ku zitiru zia magina agahemahemaa. Zindeve zie mido zindahi ligali izialombwa kutura ku izahabu ni feza, ziali nizivikiywi mu mugizi ugwali ni gwaliiywi ku amagina malavu guvuguli agahemahemaa, amagina malahi amakanyu, agandi kuli ilulu eng'ereng'anaa kandi agandi gu mususi na mamwamu.

Esther 1:6 ပူးပေါင်းရင်းမြစ်များ

Esther 7:8

Hamani yaali ni yakagwa haasi imbiri wa Esiteri namuteeva amuveere zimbavasi, lwa umwami yirana kutura mu mulimi gwinyumba yu vwami. Lwumwami yalora yaga, yahanzuka, “Mundu uyu yenya kwonongonyia mukali wange kuzingulu imbiri wange, kandi munyumba yange!” Mwami nakikiri kumala kovora yaga, vatumikiri vu mwami vagumira nonoho nukufuuma mutwi gwa Hamani vwangu.

Esther 8:15

Modekai yatura munyumba yu vwami, niyiviichi zinguvu zia bulu nu vulavu, kandi nitaji enene yi zahabu ku mutwi gwigwe, harara ni inguvu yu kwigulu yikatani indahi yu muzambarao. Maku avandu vosi mu lidaala linene lia Susa vasangala ni vayaanza ligali.

Kutwula 26:1

“Olombe mugati mwi Lihema litakatifu liukuvuganira mu, Lihema liukwaganira mu ninzi, kutura ku vidonye likomi vie katani indahi, vianavwa kutura ku vwoya vwirangi ya bulu, muzambarao kandi inzakanyu. Uviiki ku amangirinya ga vakerubi.

Ezekieli 23:41

Viikara ku kidali kilahi ligali, kandi imbiri wavo, valomba emesa nivaviika ku kimuli kifunyaa mwayu kandi amaguta gu mwayu agandaali nimbaheye.

Amosi 2:8

Vuli havundu hu kusigamira, avandu vagona ku zinguvu zindala nzere zia vamali kuvugura kutura ku vadaka kuli kihambiliru cha magovi. Mu Litembeli lia Nyasaye wavo, vanweraamu iwaini ya vamali kuvugura kutura ku yavo avaveeye namagovi ga mabesa gaavo.

Amosi 3:12

Yahova avoora, “Kuli umwayi ahonyia vilenge viviri anoho ugutu gwi ligondi kutura mu munwa gwi Isimba, kandi ndio avakeekeke ku vandu va Samaria valahonywa, avandu avasedemaa ku zindeve zie mido.

Amosi 6:4

Oh, vayaye, ikivi keveeye ku munyi kuyavo avagonaa ku vidali via amiinu gi zinzogu, niviinyilira ku zindeve ziavo zie mido, nivalia zinyama zie vimeme vinetu kutura mu chayo, kandi ivimooli kutura mu lugala.

1 Samweli 28:23

Saolo yasura navoora sialalia kindu choosi kali kidi mba. Navuzwa vanene veve vaamudinyiriza nivamugoonya alie. Mu limalirika yamanya navugilira; yavuka kutura hasi niyikara ku kidali.