Esther 1:3 - KITABU KITAKATIFU

³ Mu muhiga gwa kavaga gwu vwamihi vwivwe, yalombera avanene na avamihi vi vivala vivie vosi iliilia linene. Amahi kutura Pasia na Media, vaali ho harara na avamihi na avuvunyali vi vivala vivie yivio.

Esther 1:3 ပူးပေါင်းရင်းမြစ်များ

Litanga 40:20

Lidiku lia kavaga, liali liu kwizuliza liivulwa liu mwami. Yalomba lilia linene ku vatumikiri veve vosi. Maku yalanga mulindi weve wi iwaini kandi mudeeki weve. Yavaleeta imbiri wa vatumikiri veve.

1 Avami 3:15

Solomoni yavuka ma namanyiriza ndi Nyasaye yaali komoloma naye mu maloto. Maku yirana Jerusalemi, nasingira imbiri wi Lisandugu lie Lilagana lia Yahova kandi nahaana vihaanwa viukusambwa kandi vie mirembe ku Yahova. Inyima wa yago, yalombera vatumikiri veve lilia.

Ezara 1:2

“Yili ni lilaga lia Sairasi, mwami wa Pasia. Yahova, Nyasaye wu mwigulu, umali kokora inzi mwamihi wi lirova liosi kandi umali kuhaana ku inzi uvunyali vwu kumwumbakira Litembeli mu Jerusalemi, lidaala liveeye mu Ivuyuda.

Esther 1:14

Avandu va yaazizaa ku ukwenyeleriza zing'anagani kazozo vaali Karishena, Shezari, Adimaza, Tarishishi, Meresi, Marisena, na Memukani. Avanene saba yava va Pasia na Midiani, vaali nuvunyari kandi vaali ahimbi nu mwami.

Esther 1:4

Ku mieli sita josi yamanyia uvutugi vwu vwamihi vwivwe harara ni liesiaha nu vukumi vwivwe umwene.

Esther 2:18

Maku mwami yalandiza lidiku liokososa muvivala via yamiha viosi. Yasamiha avandu vavura kutunga vusuuru. Yahaana vihaanwa viaduukanaa mwami ahaane. Yalomba lilia linene kigira luyali lwa Esiteri, naagenihiza vimiliri na vatumikiri veve voosi

Esther 3:7

Mu muhiga gwa komi na mbiri gwi liamiiha liu Mwami Ahasuero, mu mweli gwa Nisani, gwukutanga mu muhiga mutakatifu, Hamani yalaga ikura ikubwi iyalangwa Purimu ku vanyoore ing'inga indahi yu kudiviza Avayuda. Kunangwa lidiku lia komi na tatu liu mweli gwa komi na mbiri, mweli gwa Adari, liatovolwa.

Isaya 21:2

Mali kolola malola gi vindu viukusaliriza ligali, malola gavandu vukuzama nukudiviza. Liihi lia Elamu, mwingiliri! Liihi lia Media, kumbirizi madaala manene! Nyasaye alakaherizi lisalirizwa liosi lia vandu va Babiloni vamali koleta.

Jeremia 51:11

Yahova amali kusinyikiza avami va Media, kigira asaaviyi kudiviza Babiloni. Alakola ndio kuvanza kisaalia kigira vayononyia Litembeli lilie. Avanene vi Liihi liukwingilira vamali kulaga ndi, “Muhiagale mivano jinyu ju vuta! Mwetegekizi zinguva zienyu!

Danyeli 5:1

Vudiku vulala mwami Belishaza yagenihiza vandu vanene 1,000 kutura munyumba yu vwami mu lilia linene, na vanwa iwaini harara.

Danyeli 5:28

PERISI livoora ligavula: vwamihi vuvwo vumali kugavulanywa kandi vumali kuhanwa ku vandu va Medisina vandu va Pasia.”

Danyeli 6:1

Mwami Dariasi yasavira kutovola vamiihi 120 kulinda vwami mu kivala choosi cha yamiha.

Danyeli 8:20

“Ligondi lia walola niliveeye ni zinziga ziviri, limanyiaa vami vaviri va Media na Pasia.

Marko 6:21

Lwu kumaliriza Herodia yanyoora uvwiyangu vwivwe. Lwi lidiku lie liivulwa lia Herodi liaduuka, Herodi yalombera avanene veve vosi, harara na vakulundu va Galilaya vosi lilia.