Esther 1:12 - KITABU KITAKATIFU

¹² Navuzwa lwa vatumikiri vavoolera Vashiti agu umwami yaali nalagi, yasura kuzia. Yaga galombaa umwami kuvihilirwa ligali.

Esther 1:12 ပူးပေါင်းရင်းမြစ်များ

Litanga 3:16

Yahova Nyasaye yavolera mukali, “Inzi ndaameeda uvudinyu kuive muing'inga ya oveeye ninda kandi ndaameeda vuzunu kuyaga goosi mu livula avana. Ulava ni liegomba musaza woovo, kandi alakwamiiha.”

Esther 1:11

Yavalaga valeete mukali weve Vashiti imbiri weve nitaji yeye yu vwami aduuki kumanyia avageni uvulahi vwivwe kigira yaali mukali wiligondo lilahi ligali liukuyanziza.

Esther 1:13

Gwaali umwima gwu mwami okoteeva zing'anagani zindukiru icha anyala kokora kolondekana na mateeva kolovega lwa malago, kunangwa yalanga vahaani vi zing'anagani ku makuva yaga.

Esther 7:7

Umwami yasingira vwangu mu vutima vonene, naleka emesa yi lilia, nazia ichova mu mulimi gwinyumba yu vwami. Hamani yalora ndi mwami usaaviyi kumusaliriza kigira amakuva yaga. Kunangwa yaatigara inyima kogoonya Esiteri zimbavasi mbula avuli kwitwa.

Zaburi 74:1

O, Nyasaye, kigira ki okoleki ligali kuli ndi? Kigira ki usinyikiraa avandu vovo?

Zaburi 79:5

O, Yahova, ivi ulakusinyikira kuduuka mihiga ni mihiga? Uvutima vuvwo vulazizagilira kwaduka kuli muliru?

Kutwula 32:19

Kunangwa lwa Musa yisunda ahimbi hokososa, yalora kifananyi chi igiriki yizahabu na avandu nivavina, yaali nu vutima ligali. Ahene yaho hasi hi kiguru, yalasa hasi vibaho viayaali nagiingi niviadika.

Kutwula 32:22

Haruni yativura, “Utava nu vutima ninzi mba ivi umanyi vulahi avandu yava, vaveeye nu mwoyo gwokokola uvudamanu.

Tsing'ano 19:12

Vutima vwu mwami voveeye kuli lifuuma lie isimba, navuzwa liyaanza lilie liveeye kuli liza lie imbura.

Tsing'ano 20:2

Utie mwami wu vutima kuli unyala kutia isimba ihugumaa nu vutima; kokora mwami ave nu vutima ni kuli kwisunga.

Danyeli 2:12

Lwene yilwo mwami yizula vutima ligali kandi na haanaa malago ndi vandu vosi vo vogeri mu Babiloni viitwe.

Danyeli 3:13

Lwene yilwo, mwami yaali nu vutima vonene kandi nalaga vasaza vavaga yava valetwe imbiri weve

Danyeli 3:19

Maku Nebukadineza yaali nu vutima vonene ligali kali vwaloleka mu vweni vwivwe kigira Sadaraka, Meshaka, na Abedinego. Kunangwa yalagiza kesambilu kimedwe muliru keve kihiu papapa haali saba kuvita kazozo.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Vafeso 5:22

Munyi avakali, mwegehizi ku vasaza vinyu kuli munyala kwegehiza ku Kristo.

Vafeso 5:24

Kuli likanisa liegehiziraa Kristo, kandi ndio kuduuka avakali vegehizi ligali ku vasaza vaavo mu vindu viosi.

Kwidzulitsa 29:20

Yahova sialasamiiha mundu kuli uyu. Mu vogono yivwo, vutima vusamba vwa Yahova vulaaka kuye, kandi kivi chi vilaamo viosi viang'odwa mu kitabu yiki vilamugwira kuduuka lwa Yahova asiminya lieta lilie kutura mu lirova yili.

1 Petro 3:1

Avakali, mwegehizi ku vasaazavinyu kunangwa, niiva mulala kuvo siyasuura, likuva lia Nyasaye, miima jinyu milahi jilamukola asuuviri,