Danyeli 9:6 - KITABU KITAKATIFU

⁶ Si kwahuliriza kutura ku vatumikiri vovo avaporofeti mba, avamolomaa mulieta liilio ku vami viitu, avamihi viitu, avavaguuga viitu kandi avandu vi kivala chiitu choosi.

Danyeli 9:6 ပူးပေါင်းရင်းမြစ်များ

2 Avami 18:12

Samaria liaguutwa kandi ni ligumirwa kigira vandu va Isiraeli sivahulira Yahova Nyasaye wavo mba; navuzwa vavunanyia lilagana lia Yahova yaali ni yalomba navo; kandi ni vavura kuhulira malago goosi agahaanwa na Musa, mutumikiri wa Yahova. Sivali vanyara kuhuliriza kinga kuhulira.

2 Kyetsinyinga 33:10

Yahova yiganihiza Manase na avandu veve, navuzwa vasuura kuhulira.

Ezara 9:7

Kutura mu madiku ga vaguuga viitu kuduuka lero, kunyi avandu vovo, kwakora uvwoni vonene ligali. Kigira uvwoni vwitu, kunyi harara na vami viitu kandi avasaalisi viitu kumali kuvikwa mu zinguru zia vami vi vivala vigeni. Kumali kwitwa, kunuurwa kandi kuhilwa ihale kuli avahambe. Kumali kuvikwa mu zisoni ligali kali kuduuka na lero.

Nehemia 9:30

Ivi wikuzira kuvo ku mihiga minyingi. Waviganihiza mu vwikuziri vunyingi. Wakola avaporofeti vovo komoloma. Navuzwa vasuura kuhuliriza, kunangwa ivi waleka vaguutwi na avandu vizihiiri zindi.

Nehemia 9:32

“O, Nyasaye, Nyasaye wiitu, Ivi oveeye munene ligali kuli ndi! Ivi oveeye wukutihiza kandi wizingulu! Muvusuuvirifu ulindaa lilagana liilio lia walaga. Kutura ing'inga lwa avami va Asiria vakudambiza, kali kuduuka kalunu ndi, kwasalirizwa hanene ligali! Avami viitu, aviimiliri viitu, avasaalisi na avaporofeti viitu, avaguuga viitu, na avandu viitu vosi vamala kusalirizwa ligali. Yizuliza kuli uvusaliri kumali kusalira.

Nehemia 9:34

Avaguuga viitu, avami viitu, aviimiliri viitu, avasaalisi viitu sivalinda Lilaga liilio mba. Sivahuliriza ku malago googo na amiganihizu googo mba.

Jeremia 26:5

kandi mutegizi amatu ku amang'ana gavatumikiri vange, avaporofeti, avandaazizagilira kutuma kumunyi vuli lwosi. Munyi simwatia agavavoola kali hakuzu mba.

Jeremia 29:19

Yaga galakoleka kuvo kigira si vahulira amakuva gandazizagilira kutuma kuvo kuvitira ku avatumikiri vange avaporofeti, navuzwa sivahulira.

Jeremia 44:16

“Kunyi kusuuyi kuhulira amakuva ga umali kokovoolera mu lieta lia Yahova.

Jeremia 7:13

Munyi mumali kokora uvwoni yivu vwosi, kali niiva ndamoloma ku munyi haali kanyingi, navuzwa mwasuura kuhulira. Si muhugilaa lwa inzi mulangaa mba.

Jeremia 7:24

Navuzwa si venya kutia anoho kuhulira inzi mba. Mu vogono vwene yivwo, vaakora goosi agavaganaganaa mu mioyo jaavo kokora amadinyu kandi amadamanu. Vaagwa avadamanu ligali havogono hukuva avalahi ligali.

Danyeli 9:10

O, Yahova Nyasaye wiitu, si kwahulira lwa wakovolera komenye kolondekana na malago gawahaana kuvitira mu vatumikiri vovo avaporofeti mba.

Danyeli 9:9

Yahova Nyasaye wiitu, ivi oveeye ni zimbavasi kandi wi lisamiiha kali niiva kwaibala kutura ku ivi.

Matayo 23:37

“Jerusalemi, O, Jerusalemi! Ivi uwiita avaporofeti, nukulasa amagina va Nyasaye atumaa ku ivi. Ni haali kanga niingerizaa kuvuungiza avana vovo harara, kuli engoko inyavuli ivungizaa ivimiinyu viayo mu zimbaha ziayo, navuzwa siwenya mba?

Vikolwa 13:27

Kigira yava avamenya Jerusalemi, na avanene vaavo, sivamuvugilira aveeye Muhonyi mba. Sivamanya kandi amakuva ga avaporofeti agasomangwa mu amasabato goosi mba. Kali ndio, vaduukiza amakuva ga avoporofeti lwa vakalagira Yeso amaduywa gi likuza.