Danyeli 9:5 - KITABU KITAKATIFU

⁵ “Kumali kokora uvwoni, koveeye avadamanu, kumali kokora vuchamu, kwaleka guwakulaga kokole, kandi kwagirung'ana kutura ku gawakumanyia agaveeye malungi.

Danyeli 9:5 ပူးပေါင်းရင်းမြစ်များ

2 Avami 18:12

Samaria liaguutwa kandi ni ligumirwa kigira vandu va Isiraeli sivahulira Yahova Nyasaye wavo mba; navuzwa vavunanyia lilagana lia Yahova yaali ni yalomba navo; kandi ni vavura kuhulira malago goosi agahaanwa na Musa, mutumikiri wa Yahova. Sivali vanyara kuhuliriza kinga kuhulira.

2 Avami 21:15

Ndakora yaga ku vandu vange kigira vamali konzonela, kandi vamali kuvukiza vutima vwange kutura ing'inga ya vaguuga vaavo vatura lwa vaatura Egebeti kuduuka lero.”

Ezara 9:6

Inzi ndaavoora, “O, Nyasaye, inzi mbeeye ni zisoni kuginga mutwi gwange igulu imbiri woovo. Uvwoni vwitu vumali kuva vunyingi ligali, imbiri woovo.

Zaburi 106:6

Kunyi kumali kokora uvwoni kuli avaguuga viitu vaakora; kokoli uvudamanu kandi uvuchamu.

Zaburi 119:102

Ngikiri koleka amigizu googo, kigira ivi umwene oveeye mwigizi wange.

Zaburi 119:176

Ng'endagenda yiyi ni yiyi kuli ligondi liagota; hamba onzenye inzi mutumikiri woovo, kigira ngikiri kwivilira amalago googo mba.

Zaburi 18:21

Mali kuhulira amalago ga Yahova, kandi sindagirung'ana kutura ku Nyasaye wange mba.

Isaya 53:6

Kunyi kwosi kuli magondi agaali nigagota, kandi vuli mulala ku kunyi nazizaa kunzira yeye mwene. Navuzwa Yahova yamudwika amageri, amageri aga kunyi aveene kwadukana koheevwe.

Isaya 59:13

Kumali kwibaala ku ivi nu kwambakana ivi kandi nukusuula kolonda ivi, Nyasaye wiitu. Kumali kudambiza avandi nukugirung'ana koleka ivi. Zing'anagani zietu ziveeye ziuvugadi; na amakuva giitu gaveeye ovovehi vwere.

Isaya 64:4

Sihaveeye ho nu mundu kali mulala uwalora anoho uwahulira Nyasaye kuli ivi mba, okolaa vikolwa kuli yivi ku yavo avasuuviraa muye.

Jeremia 14:20

Kunyi kumali kokora uvwoni imbiri woovo, O, Yahova; kwiyaama uvwoni vwitu aveene, kandi uvwoni vwa avaguuga viitu.

Jeremia 14:7

Avandu vange valira ku inzi ni vavoola, ‘Kali niiva uvwoni vwitu vumali kukalagira kunyi aveene, O, Yahova okokonye kuli waakusuuviriza. Kwagirung'ana kutura ku ivi haali kanyingi; kandi kwamala kokora uvwoni imbiri woovo.

Jeremia 3:25

Gakuduukiraa kogone hasi muzisoni kandi koleke lileganywa lietu likukuniki. Kunyi navaaguuga viitu kumali kwakora uvwoni ku Yahova Nyasaye wiitu haali kanyingi. Sikwatia malago geege mba.”

Jeremia 30:14

Avayaanze vinyu vosi vamali ku mwivilira; sivamuhendera mwoyo mba. Inzi mali kumwingilira kuli musigu; amageri ginyu gaveeye amalulu, kigira vwoni vwinyu voveeye vunyingi ligali; kandi uvuchamu vwinyu voveeye vonene ligali.

Jeremia 44:3

kigira avandu va madaala yaga vaakora uvudamanu kandi vaangora kuva nu vutima. Vahaana visiuviliru ku avanyasaye vandi kandi nivatumikira avanyasaye vavavula kumanya anoho avavaguuga vaavo vavura kusigamira.

Lisyoma lya Jeremia 1:18

Avandu va Jerusalemi vavoola: “Yahova aveeye mulungi, kigira kumali kwibaala ku likuva lilie; navuzwa muhuliri munyi avandu vosi, muhenze kuvusaaliri vwitu. Avasoleri viitu kandi avakaana viitu vamali kuhirwa muvuhambe.

Lisyoma lya Jeremia 1:20

“Henza, O, Yahova, kigira koveeye mu kivi, kunyi koveeye muvudinyu; mioyo jietu jimali kukuza kigira kumali kugwa avibaali ku ivi ligali. Muzinzira zie lidaala linene avandu vitiywi ni vivavi; kali mu zinyumba, likuza liveeye mu.

Lisyoma lya Jeremia 3:42

“Kunyi kumali kokora uvwoni nukwibaala, na ivi, O, Yahova, siukusamihi mba.

Ezekieli 5:6

Navuzwa Jerusalemi limali kwibaala ku malago gange kandi limali kumanyia ndi ni Lichamu ligali kuvita zihiiri zindi, kandi siliveeye nuvuti kuvita vivala vindi viagikumberiza. Jerusalemi yasura lilaga liange kandi vavura kolonda malago gange.

Ezekieli 6:9

uwa valimenya mu lihaminywa. Wene yeyo vaala kanzizulizi nukumanya ndi inzi mali kuvaha mageri nukuvaviika muzisoni, kigira mioyo jaavo jitasuuvila, valeka inzi kandi vayanzilira vifananyi. Valakavihilizane aveene ku aveene kigira zimbi ni ivindu viezisoni via vamali kokora.

Danyeli 9:11

Avandu va Isiraeli vosi vaavunaga malago googo kandi vasuura kuhulira aga wavoola. Wavika ku kunyi kilaamo cha ng'odwa mu malago ga Musa mutumikiri woovo kigira kwamala kokora uvwoni.

Danyeli 9:15

“O, Yahova Nyasaye wiitu wamanyia zinguru zizio lwa watuliza avandu vovo mu kivala cha Egebeti, kandi zinguru zizio zikizulizwa. Kwamala kokora uvwoni kandi kwamala kokora uvuchamu.

Danyeli 9:9

Yahova Nyasaye wiitu, ivi oveeye ni zimbavasi kandi wi lisamiiha kali niiva kwaibala kutura ku ivi.

Hosea 1:2

Lwa Yahova yamoloma ku avandu va Isiraeli kuvitira ku Hosea lwu kutanga, yamuvolera, “Zia oserere mukali utaveeye musuuvirifu, na avana va wiivula naye valava kandi kuli mama wavo. Muliiva kuli yilio avandu vange vamali koleka Inzi na vamali kugwa avandu vataveeye avasuuvirifu.”

Malaki 3:7

Munyi mwaleka malago gange, kandi mwasuura kugagumira kuli vaguuga vienyu va kale. Mwirane ku inzi, na inzi ndamwiranira. Navuzwa muteeva, ‘Kokora ki kuduuki kwirana ku ivi?’

Vahebraina 3:12

Muhenze vulahi, vamiitu vange, gase mwoyo mudamanu ligali kandi gwilivula kusuuvira kuli yigwo gulava mu mulala ku munyi, gwakajira yagirung'ana nokoleka Nyasaye oveeye mwoyo.