Danyeli 7:1 - KITABU KITAKATIFU

¹ Mu muhiga gwu kutanga lwa Belishaza yaali mwami wa Babiloni, ndaali na maloto kandi malola vudiku ning'onaa mu kidali change. Maku ndang'oda hasi maloto yaga kuli ndi:

Danyeli 7:1 ပူးပေါင်းရင်းမြစ်များ

Litanga 15:1

Inyima wi vindu yivi viosi, Yahova yaloleka ku Aburamu mu malola namuvolera, “Aburamu, utatia mba. Inzi ndakukinga kutura ku vuhimwa vwosi kandi ndakuha madanyi manene ligali.”

Litanga 46:2

Nyasaye yamoloma kuye mu malola vudiku kandi naalanga, “Yakobo, Yakobo!” “Yavoola yee inzi mbeeye hano.”

Ayubu 4:13

Hagati hi zing'anagani ziatula mu malola guvudiku, lwi zindoolo zinene zigumiraa avandu.

Isaya 30:8

Nyasaye yambolera ng'ode likuva yili ku kibaho imbiri wavo, kandi ng'ode mu kitabu, liduuki kuva kelorekizu kuvo kuli vaali mihiga ni mihiga.

Isaya 8:1

Yahova yambolera, “Vugula kibaho kenene na ong'ode ku muzinduguta zinene yizi; ‘Maheri-shalali-hashibazi’.

Jeremia 23:28

Muporofeti oveeye namaloto avoole yaga namaloto vuzwa, navuzwa muporofeti uhuliyi likuva liange gamuduukira alandizi likuva yilio muvusuuvirifu. Nivulahiki ovoveeye mu mukuuzi nogeranyia niingano?

Jeremia 27:7

Zihiiri ziosi ziramutumikira, kandi ziratumikira muyaayi weve kandi nu mwisukulu veve kuduuka lwa ing'inga iduuka lwa kivala chiche umwene kilakahele. Hene yaho, zihiiri zinyingi harara na avami vanene ligali valakamukole kuva avatugwa vaavo.

Jeremia 36:32

Maku ndaavugura Ikaratasi yindi niimbana ku Baruki mung'odi wange, kandi nang'oda amakuva goosi agandamuvoolera. Yang'oda vuli kindu choosi ichaali ku ikaratasi yukutanga kandi amakuva malala mere aga ndaamuvolera.

Jeremia 36:4

Kunangwa ndaalanga Baruki mwana wa Meria, kandi ndamuvolera ang'ode makuva goosi aga Yahova yaali niyamboleye. Baruki yang'oda amakuva yaga goosi kukaratasi ilingiywi.

Ezekieli 1:1

Ku lidiku lia katano ku mweli gwa kane mu muhiga gwa salasini, Inzi Zacheli musaalisi, mwana wa Buzi, ndaamenya harara na Vayuda vahaminywa ahimbi nu mugera gwa Kebari mu kivala cha Babiloni. Ligulu liakunuluka, na ndaalora malola ga Nyasaye.

Ezekieli 40:2

Mu malola, Nyasaye yambira mu kivala cha Isiraeli ma niyaambika ku kiguru kitambi. Ndaalora zinyumba imbiri wange zialoleka kuli Lidaala linene.

Danyeli 1:17

Nyasaye yahaana ku vayaayi vane yava ovogeri kandi limanyiriza lie ling'oda zing'ano ziosi; kandi komeeda kogene yaga, yahaana ku Danieli ovogeri vwu kumanyiriza kandi kwivaala malola kandi amalooto zing'ano ziosi.

Danyeli 2:1

Mwami Nebukadineza yaali na maloto mu muhiga gwa kaviri gwi liamiiha lilie. Maloto yaga gamuhendiza mwoyo ligali, kali si yagona mba.

Danyeli 2:26

Mwami yavolera Danieli, walangwa kandi Beliteshaza, “Unyala kombolera maloto yaga, kandi chagavolaa?”

Danyeli 4:13

“Lwa ndaali ninganagana kigira malola yaga, ndaalora engelosi indakatifu yikaa kutura mwigulu.

Danyeli 4:5

Navuzwa ndaali na maloto gu kutihiza kandi ndaalora malola gu kutihiza ligali lwa ndaali ning'onaa.

Danyeli 5:1

Vudiku vulala mwami Belishaza yagenihiza vandu vanene 1,000 kutura munyumba yu vwami mu lilia linene, na vanwa iwaini harara.

Danyeli 5:22

“Navuzwa ivi muyaayi weve Belishaza, si oveeye ni liegehiza mba, kali niiva wamanya yaga.

Danyeli 5:30

Vudiku vwene yivwo, mwami Belishaza wa Babiloni yitwa.

Danyeli 7:13

Lwa ndaali nindoraa malola yaga vudiku, ndalora kindu ichaali kuli mundu. Mundu oyo yaali niyazaa kuinzi, malesi gaali nigamukumbelizi, kandi yazia ku mundu waali namenyi mihiga ni mihiga. Yahilwa imbiri weve.

Danyeli 7:15

Malola ga ndalora gangenyia ligali, kandi ndaanyangizwa ligali.

Danyeli 7:7

Lwa ndaali ningiheenza, king'ang'a cha kane chatulira. Chaali chi zinguru, kidamanu ligali kandi chukutiihiza. Chaali na miinu gi kivia gachamenenera viachagumira, kandi chavisionolanyia ni vilenge. King'ang'a yiki chaali lugano ku vindi, kigira chaali ni zinziga likomi.

Danyeli 8:1

Mu muhiga gwa kavaga lwa Belishaza yaali mwami, ndaalora malola ga kaviri.

Joeli 2:28

“Lwinyima ndaleta Roho wange ku avandu vosi: avana vinyu vayaayi na vakana valaporofeta avakulundu vinyu valalota amalooto, kandi vasoleri vinyu valalola malola.

Amosi 3:7

Ligali Yahova Nyasaye sialakola kindu vugira kuvulira avatumwa, avaporofeti veve agaviswa.

Habakuk 2:2

Yahova yahaana mativuli yaga ku inzi: “Ong'ode vulahi ku kibaho cha madohi chanzizaa kukuvuulira, kunangwa vandu vaduuki kosoma.

Livalidza 12:6

Maku Yahova yavoola, “Muhuliri kalunu makuva gange! Lwu muporofeti aveeye hagati hinyu, inzi Yahova ndolekaa kuye mu malola, kandi moloma kuye mu maloto.

Varumi 15:4

Vindu viosi iviang'odwa mu Mang'oda Matakatifu viang'odwa kwigiza kunyi, kuduuki kuva nilisuuvirizwa kuvitira mu liekuzira ni lizuvwa lia Mang'oda Matakatifu gakoheezaa.

2 Vakorintho 12:1

Kuduuka nzekonye, kali niiva iliekonya zana siliveeye nichalikoonyaa mba. Navuzwa kalunu ndamoloma ku malola ni livuulirwa lia ndaahevwa nu Mwami.

Likunula 1:19

Kunangwa ng'oda ivindu via ololaa; ivindu viveeye ho, kandi ivindu viliva ho ulwi inyima.

Likunula 10:4

Kandi lwi izinguba saba ziamoloma, ndaali ahimbi kong'oda. Navuzwa ndaahulira umwoyo gwatura mwigulu nigovoora, “Uviisi amakuva gi zinguba saba zivooye gatang'oda mba.”