Danyeli 5:2 - KITABU KITAKATIFU

² Lwa vaali nivanweza iwaini, mwami Belishaza yahaana lilago valeete vikombe kandi zibakuli zia lombwa kuzahabu ni feza via baba weve Nebukadineza yaginga kutura mu Litembeli ha Jerusalemi. Mwami Belishaza yatumana vizi kunangwa vandu vu munyumba yu vwami, vakali veve kandi vakali veve vayavika vaduuki kuvitumikira mulinwa iwaini.

Danyeli 5:2 ပူးပေါင်းရင်းမြစ်များ

2 Samweli 9:7

Daudi yamuvolera, “Utatia mba. Ndakoveera zimbavasi kigira baba woovo Jonazani. Ndakwiranyira mulimi gwosi gwaali gwa guuga woovo Saolo, na ivi ulingirizwa kulia chukulia komesa yange kazozo.”

2 Avami 24:13

navugura vindu viu vuguli kutura mu Litembeli nu munyumba yu vwami navihira Babiloni. Kuli Yahova yaali navooye, Nebukadineza yatanyia iviju vie zahabu viosi viu mwami Solomoni yaali nalombi vitumiki mu Litembeli.

2 Avami 25:15

Vavugura kandi vindu viosi vialombwa kutura ku izahabu anoho ifeza, harara ni zibakuli zinguzuzu ni vifuria viatumikaa kuginga amanda gu muliru.

2 Kyetsinyinga 11:20

Lwinyima Yaleeta Maaka, mukaana wa Abisolomu na vanyoola avayaayi vane: Abija, Atai, Ziza na Shelomizi.

2 Kyetsinyinga 15:16

Mwami Asa yaatuliza guuku weve Maaka kutura mu vwiyangu vwivwe kuli vwami vwi kikali, kigira yaali naalombi kifananyi chu kuvihiliriza chu munyasaye Ashera. Mwami Asa yononyia kifananyi yicho ligali ma nasambira vidonye viacho mu livona lia Kidironi.

2 Kyetsinyinga 36:10

Ing'inga yi imbura yu kutanga mu muhiga, lwa Jehoyakini yaali mwami Nebukadineza yaahira Jehoyakini mu Babiloni muvuhambe, kandi navugura viju viu vuguli vwigulu kutura mu mavikiru gi Litembeli lia Yahova. Maku Nebukadineza yavika Zedekia amwavo Jehoyakini kuva mwami wi Ivuyuda na Jerusalemi.

2 Kyetsinyinga 36:18

Mwami Nebukadineza wa Babiloni yalaanya Litembeli, livikiru lie Litembeli kandi uvutugi vwu mwami harara nu vwa vanene veve, ma nazia nivindu viosi Babiloni.

Ezara 5:14

Yiranyia viju vie izahabu kandi ifeza viu mwami Nebukadineza yaali niyavugula kutura mu Litembeli mu Jerusalemi, kandi naviviiki mu Litembeli mu Babiloni. Yaavituliza mu Litembeli lia Babiloni ma nahaana ku mundu mulala walangwa Sheshibazari, uwayaali natovoye kuva mwamihi wi Ivuyuda.

Jeremia 27:7

Zihiiri ziosi ziramutumikira, kandi ziratumikira muyaayi weve kandi nu mwisukulu veve kuduuka lwa ing'inga iduuka lwa kivala chiche umwene kilakahele. Hene yaho, zihiiri zinyingi harara na avami vanene ligali valakamukole kuva avatugwa vaavo.

Jeremia 50:35

Yahova avoora, “Likuza ku Babiloni! Likuza ku vandu valio, ku vimiliri valio, ku vasaza valio vovogeri.

Jeremia 52:19

Vaavugura kindu choosi chalombwa ku izahabu anoho ifeza: Zisahani zinguzuzu, vifulia vitumikanga kuginga amanda gumuliru, zisahani zitumikanga kukinga amasahi kutura ku ivisiuviliru, iviju vivika iligoke, itiiru yi itaya, iviju vitumikaa kusamba vimuli viumwayu, kandi nizisahani zitumikaa kusundura isadaka yi iwaini.

Danyeli 1:2

Yahova yaleka mwami Nebukadineza nagumira mwami Jehoyakimu kandi na vugula vilala ku viju vie Litembeli lia Nyasaye. Yaahira viju yivi mu kivala cha Babiloni, naviviika mu keng'oze chi litembeli lia vanyasaye veve.

Danyeli 5:11

Aveeye ho nu mundu mu vwamihi vuvwo oveeye na roho gwa vanyasaye. Lwa baba woovo yaali mwami, mundu uyu ya muha ovogeri, limanya kandi vogeri kuli vwa Nyasaye. Mwami Nebukadineza yamukola kuva munene wa valoli, avakumu, avalogi kandi avageri vi zing'ereng'ani.

Danyeli 5:13

Nonoho Danieli yaletwa imbiri wu mwami. Mwami yamuvolera “Ivi oveeye Danieli, mulala kuvahambe vi Vuyuda ava baba wange mwami yaatuliza mu kivala chi Ivuyuda?

Danyeli 5:18

“O, Mwami, Nyasaye Wuvunyali yakola Nebukadineza baba woovo mwami munene naamuha vukumi.

Danyeli 5:23

Oveeye ni liegingira ku Yahova wu mwigulu, kandi wavugula viju kutura munyumba ya Nyasaye wavileeta imbiri woovo. Wavihaana ku vandu vu munyumba yu vwamihi, avakali vovo kandi vakali vovo vaviika vanweramu iwaini. Wizominya avanyasaye valombwa kutura ku ifeza, izahabu, magina gu mugasa, vivia, misaala kandi magina; vanyasaye vatalolaa anoho kuhulira anoho vatamanyi, navuzwa si wahaana luyali ku Nyasaye oveeye ni litovola ku limenya anoho likuza mba; kandi oveeye nu vunyali ku vindu viosi via okolaa.

Danyeli 5:3

Maku yaleeta vindu vialombwa kuzahabu ni feza viali viavugulwa kutura mu Litembeli. Mwami na vanene veve, vakali veve kandi vakali veve vayavika vatumikiri kunwa iwaini.

Danyeli 5:30

Vudiku vwene yivwo, mwami Belishaza wa Babiloni yitwa.

Danyeli 5:4

Vizominya avanyasaye valombwa ku izahabu, ifeza, magina gu mugasa, vivia, misaala kandi magina.

Livalidza 7:79

Yahaana isahani indala yi ifeza yu vulitu kiloguramu 1.5 ibakuli yi ifeza yu vulitu ziguramu 800, kolondekana ni ligera lie Lihema Litakatifu. Viombi vizura uvusie vwazuganywa amaguta, kuva kuli vihaanwa viu vuswage.