Danyeli 12:4 - KITABU KITAKATIFU

⁴ Yamuvolera, “Danieli kunika kitabu, kandi ukevohe vudinyu ligali kandi uviiki ku muhuri, kuduuka ing'inga yi keheri chi lirova. Avandu vanyingi valakanyaguli yiyi ni yiyi kandi limanya lilakameedeke.”

Danyeli 12:4 ပူးပေါင်းရင်းမြစ်များ

Isaya 11:9

Ku Ziyoni, kiguru kitakatifu cha Nyasaye, sihalava nikindu chukusaliriza anoho kidamanu. Kivala kilizula limanya lia Yahova kuli zinyanza zizura amazi.

Isaya 29:11

Kivuni cha vuli lilola liovoporofeti kilaviswa ku munyi; kilava kuli kitabu kevoheywi nu kuvikwa ku muhuri. Niiva ulakihira ku mundu umanyi kosoma na umuteeve akosomere, alakovolera ndi sianyala kukesoma mba kigira kivikiywi ku muhuri.

Isaya 30:26

Uvulavu vwu mweli vulakave kuli uvulavu vwi liuva, na uvulavu vwi liuva vulakamedeke haali saba kuvita kazozo, kuli uvulavu vwa amadiku saba mu lidiku lilala. Yaga goosi galakekoleke lwa Yahova avoheleraa nokohonyia zing'oma ziamali kuha avandu veve.

Isaya 32:3

Zimoni ziavo zilarora, kandi amatu gaavo galahulira yava avaveeye nu vudinyu.

Isaya 8:16

Munyi, aviigi vange geenya mulindi kandi kuviki amakuva ga Nyasaye amali kumba.

Jeremia 5:1

Munyi avandu va Jerusalemi, munyaguli yiyi ni yiyi mu zinzira! Muhenze vuli muzimbega na mwelolere aveene! Mwenyelerizi mu vilitu! Munyala konyoora mundu mulala okolaa agaveeye amalungi, kandi ogerizaa kuva musuuvirifu ku Nyasaye? Niiva mulamunyoola, Yahova alamusamiiha.

Danyeli 10:1

Mu muhiga gwa kavaga lwa Sairasi yaali mwami wa Pasia, Danieli ulangwa Beliteshaza yavulilwa likuva. Likuva yili liali liagiligali; navuzwa lidinyu ligali kulimanya. Likuva yili livaalwa kuye mu malola.

Danyeli 10:14

Mali kuduuka kunangwa ivi uduuki kumanya agazizaa kwekoleka ku vandu vovo mu madiku gaaza.” Yaga namalola kigira makuva gaaza.

Danyeli 10:21

Navuzwa ndakovolera agang'odwa mu kitabu cha giligali: Si aveeyeho nu mundu kali mulala wangonya, nitali Mikaeli engelosi ulindaa munyi avandu va Isiraeli.

Danyeli 11:33

Aviimiliri vageri va vandu valakasange vogeri vwavo na vandi vanyingi. Navuzwa ku ing'inga engekeeke valala kuvo valakitwi mu vulwani anoho valakasambwe kuduuka ku likuza, na vandi valakanuulwi kandi valakakolwe avahambe.

Danyeli 11:40

“Lwi ing'inga yu mwami wa Siria yu kumalirika iliva ahimbi kuduuka, mwami wa Egebeti alakamwingiliri, na mwami wa Siria alakamulwaane ni zinguru zizie ziosi. Alakatumikiri magare gu vulwani, zibarasi, kandi zimeri zinyingi Alakingiliri vivala vinyingi kuli amazi gi migelera.

Danyeli 12:13

“Ivi, Danieli, ove musuuvirifu kuduuka ku keheri. Maku ulakakuzi, navuzwa ulakasimuguki ing'inga ye keheri nokonyoora madanyi googo.”

Danyeli 12:5

Maku ndaalora avandu vaviri vasingiyi ku mugera, mulala ku vuli luginga.

Danyeli 12:9

Yandivulira, “Kalunu gakuduukiraa, uzie Danieli, kigira makuva yaga galakunikwa kandi gaviswi kuduuka ing'inga ye keheri.

Danyeli 8:17

Kunangwa Gabirieli yaza nasingira ahimbi na inzi; ndaali nuvuti ligali, kandi ndaagwa hasi. Yambolera, “Mwana wu mundu, gakuduukiraa umanye cha malola yaga gavoora. Gaveeye kigira keheri chi lirova.”

Danyeli 8:19

Yambolera, “Ndakuvuulira mativuli gu vutima vwa Nyasaye kuli vulakave. Malola yaga gamanyiaa ing'inga ye keheri.

Danyeli 8:26

Amalola yaga agaveeye kigira visiuviliru via mugolova kandi mugambazuri aga umali kwivalilwa, galakave gagiligali. Navuzwa ugavisi ligali, kigira ilakave ing'inga indambi nigakiri kuvuulika.”

Matayo 24:14

Ekeheri ni kikiri kuduuka, Ivangeri yu Vwami vwa Nyasaye iliilwazwa mu lirova liosi eve ekelolero ku zihiiri ziosi, maku keheri kilakaduuki.

Varumi 10:18

Navuzwa ndeva: Gaveeye agiligali yavo sivali nivahulira makuva? Nagiligali vahulira; kuli Mang'oda Matakatifu gavoora: “Lilangiliza liu mwoyo gwaavo liahulirika mu lirova liosi; amakuva gaavo gaduukaa kokeheri chi lirova liosi.”

Likunula 10:4

Kandi lwi izinguba saba ziamoloma, ndaali ahimbi kong'oda. Navuzwa ndaahulira umwoyo gwatura mwigulu nigovoora, “Uviisi amakuva gi zinguba saba zivooye gatang'oda mba.”

Likunula 22:10

Yambolera kandi, “Utaviika amakuva go ovoporofeti vwi kitabu yiki kuva agimbisu mba, kigira ing'inga eveeye ahimbi lwayaga goosi gazizaa kwekoleka.

Likunula 5:1

Ndaalora kitabu mu mukono umulungi gwa uyu wikala kondeve yu uvwami. Chang'odwa izimbega ziombi, na chavofwa mihuri saba.