Danyeli 11:27 - KITABU KITAKATIFU

²⁷ Maku avami vaviri yava valakikale nu kulira komesa indala, navuzwa zing'anagani ziavo zilakave zindamanu, kandi mulala alakagade wache. Si valakanyore chavenyaa mba, kigira ing'inga ya cho ilakave nikikiri kuduuka.

Danyeli 11:27 ပူးပေါင်းရင်းမြစ်များ

2 Samweli 13:26

Maku Abisolomu yavoola, “Niiva ivi mwene si ulaaza, mwaza leka amwavo wange Amunoni yaaze ni kunyi.” Mwami yamuteeva, “Kigira ki azie harara nivi?”

Zaburi 12:2

Vuli mundu avoora ovovehi ku wache, vagadana aveene naveene.

Zaburi 52:1

Kigira ki wigingilira vudamanu vuvwo, ivi mundu wi zinguru? Vusuuvirifu vwa Nyasaye voveeye vwi mihiga ni mihiga.

Zaburi 58:2

Awa! Munyi muganaganaa vuzwa uvudamanu vwa munyala kokora, kandi muvunagaa malago nuvutindi vwu kusaliriza mu kivala.

Zaburi 62:9

Avandu vosi vaveeye vuzwa kuli umwika. Avanene navakekeeke keleng'ani sivaveeye kindu kitakonya vaviiki ku kibimu, na sivali nuvulitu mba; vaveeye avahuuhu vuzwa kuvita mwika.

Zaburi 64:6

Valomba zing'anagani ziavo zindamanu nivavoora, kalunu “Kumali kolohiza lilohiza liduukiru liukuvunaga malago.” Zing'anagani ziu musi ziu mundu ziveeye vindu vikogenyia.

Tsing'ano 12:20

Yavo avalohizaa vudamanu valanyora vwangu guvutima, navuzwa yavo avayinziraa vulahi valanyora vusangari.

Tsing'ano 19:21

Avandu vanyara kulohiza vindu viosi viavanyala, navuzwa lienya lia Yahova lizizaa kwekoleka.

Tsing'ano 26:23

Limoloma litaveeye liagiligali livisaa chuganaganaa, liveeye kuli ifeza ikikiri kusihilwa iviikiywi kunyingu yo vodohi.

Ezekieli 17:9

“Kunangwa inzi, Yahova Wuvunyali, ndateeva ndi: ‘Muzabibu yigu gulamenya kandi guviruki?’ Indizu yukutanga siliiha imiri, yaguli makuyu, ivunanye iziisia kandi eleke amatu gagwo amavisi niganiara? Si gulenya ihiiri ye zinguru anoho avandu vanyingi kugwiha ni miri mba.

Danyeli 10:1

Mu muhiga gwa kavaga lwa Sairasi yaali mwami wa Pasia, Danieli ulangwa Beliteshaza yavulilwa likuva. Likuva yili liali liagiligali; navuzwa lidinyu ligali kulimanya. Likuva yili livaalwa kuye mu malola.

Danyeli 11:28

Mwami wa Siria alakilane yengo ni vilaanye via yavugula natovoye kudiviza idini ya vandu va Nyasaye. Alakakole kuli yenya ma lirane mu kivala chiche.

Danyeli 11:29

“Lwinyima, alakingiliri Egebeti kandi navuzwa ing'inga yiyi vindu vilakagilungane.

Danyeli 11:35

Valala ku vimiliri vageri valakitwi, navuzwa kigira yaga vandu vanyingi valakatakaswe. Yiki kilakazizagiliri kuduuka lwe keheri kilakaduuki, ing'inga ya Nyasaye amali kotovola.

Danyeli 11:40

“Lwi ing'inga yu mwami wa Siria yu kumalirika iliva ahimbi kuduuka, mwami wa Egebeti alakamwingiliri, na mwami wa Siria alakamulwaane ni zinguru zizie ziosi. Alakatumikiri magare gu vulwani, zibarasi, kandi zimeri zinyingi Alakingiliri vivala vinyingi kuli amazi gi migelera.

Danyeli 8:17

Kunangwa Gabirieli yaza nasingira ahimbi na inzi; ndaali nuvuti ligali, kandi ndaagwa hasi. Yambolera, “Mwana wu mundu, gakuduukiraa umanye cha malola yaga gavoora. Gaveeye kigira keheri chi lirova.”

Danyeli 8:19

Yambolera, “Ndakuvuulira mativuli gu vutima vwa Nyasaye kuli vulakave. Malola yaga gamanyiaa ing'inga ye keheri.

Habakuk 2:3

Ogang'ode, kigira ing'inga ikikiri kuduuka lwayaga gaava giligali. Navuzwa ing'inga yiza vwangu, kandi chanzizaa kukumanyia kilakave cha giligali. Galaloleka ndi kilaaza galaha, navuzwa ukilindiliri; gaveeye giligali yiki kilekoleka kandi sikilakalindagiliri mba.

Vikolwa 1:7

Navuzwa Yeso yavavolera, “Sigaveeye aginyu munyi kumanya zing'inga anoho madiku ga Baba yavika ho mwene mu zinguru zizie.

Vikolwa 17:31

Kigira umali kotovola lidiku lia alikalagira kivala nu vulungi, kuvitira ku mundu mulala wa yatovola. Yahaana ku avandu vosi lisuuviriza lwa lisimugukiza kutura mu vakuzu!”

1 Vatesalonike 5:1

Sihaveeye ho kivuni komung'odera kunyi, avaamitu viitu, makuva gizing'inga gi mihiga, lwa Mwami alirana mba.