Ayubu 42:6 - KITABU KITAKATIFU

⁶ Kunangwa, inzi mbeeye nizisoni ku goosi aga inzi mali kovora, kandi nzivakaa luguchi ni ligoke ukumanyia lieganira liange.”

Ayubu 42:6 ပူးပေါင်းရင်းမြစ်များ

Litanga 18:27

Aburahamu yativura, “Inzi mbeeye vuzwa kuli ligoke kandi luguchi lwi lirova. Yahova, yaanza ombere komoloma ku ivi kuli ndi.

1 Avami 21:27

Lwa Elija yamala komoloma, Ahabu yatandula zinguvu zizie, niyinavuula kandi niyiviika zinguvu zia magunia. Yasura kulia, naagona mu zinguvu zia magumia, nokogendagenda novovereri kandi mwoyo ni guukuzi.

Ezara 9:6

Inzi ndaavoora, “O, Nyasaye, inzi mbeeye ni zisoni kuginga mutwi gwange igulu imbiri woovo. Uvwoni vwitu vumali kuva vunyingi ligali, imbiri woovo.

Ayubu 2:8

Ayubu yazia niyikara mu ligoke, navugura kijonjo natanga kwiyagira.

Ayubu 30:19

Nyasaye usiuvi hasi mu vodohi, kandi mali kugwa kuli luguchi ni ligoke.”

Ayubu 42:5

Mu ing'inga yavita, ndaamanya vuzwa makuva ga vandu vandi vaali nivamali kombola. Navuzwa kalunu inzi mali kolola ivi ne emoni yange.

Ayubu 42:7

Inyima wa Yahova yaali niyakamara komoloma makuva yaga ku Ayubu, yavolera Elifazi umutemani ndi: “Inzi mbeeye nu vutima vonene ku ivi harara na valina vovo vaviri, kigira si mwavoora agaveeye malungi kigira inzi kuli mutumikiri wange Ayubu mba.

Ayubu 9:31

Nyasaye asiuvi mu vogo vwo vodohi vufunyaa, kandi zinguvu ziange zilambihilira.

Zaburi 51:17

O, Nyasaye kisiuviriru change keveeye mwoyo gwi liegehiza. Ivi siulasuula mwoyo gwovohoma kandi gwi lieganira.

Isaya 5:5

“Kalunu ndamuvolera aganzizaa kokora ku kizabibu change; Ndatuliza ho lungaga lwacho, kandi ndasambura lidigi liakinga zimbega ziacho ziosi, na ndaleka zinyama ziu muvulimu kulia nu kuduvagira hasi mizabibu.

Isaya 58:5

Lwa muhongaa lilia, mwisalirizaa aveene. Mwinaminyaa mitwi jinyu hasi kuli lulimu, kandi mwalahasia zinguvu zia magunia nukwuhula ku ligoke muduuki kogona ku. Agene yago nigo aga mulangaa lihonga lilia? Muganaganaa ndayanzizwa nagene yago goosi?

Jeremia 31:19

Kunyi kwasuula ivi, navuzwa nulwazana kwenya kwirane kuive. Inyima lwa waari nuwakakuha amageri, kwinaminya mitwi jiitu mu vovereri. Kwali muzisoni, kigira kwakora uvwoni nikuveeye avasoleri.’

Ezekieli 16:63

Nasamihi uvwoni vwinyu vwosi vwa mumali kokora, navuzwa nimuvwizulizi kandi namuve muzizoni ligali kali sinamutivuli ku kindu mba.” Yahova Wuvunyali umali kovora.

Ezekieli 20:43

Maku mulakizulizi vindu viosi vie zisoni via mwakora kandi kuli mweyonogonyia. Mulakave ni livihiririzwa aveene kigira vindu vidamanu viosi via mwakora.

Ezekieli 36:31

Maku mulakizulizi likora lienyu lidamanu kandi vikolwa vienyu vitali vilahi. Mulakave ni livihirirwa aveene kigira uvwoni vwinyu kandi kivihiri chiinyu.

Ezekieli 6:9

uwa valimenya mu lihaminywa. Wene yeyo vaala kanzizulizi nukumanya ndi inzi mali kuvaha mageri nukuvaviika muzisoni, kigira mioyo jaavo jitasuuvila, valeka inzi kandi vayanzilira vifananyi. Valakavihilizane aveene ku aveene kigira zimbi ni ivindu viezisoni via vamali kokora.

Danyeli 9:3

Ndasaara vudinyu ku Yahova Nyasaye, nimugoonya vugira lilia ni nziviki zinguvu zia magunia kandi ni nzikaye muligoke.

Kyavalevi 13:12

Niiva vulwaye vwo ovogere vulalaanda kandi vumale muviri gwosi kutura ku mutwi kuduuka ku virenge,

Matayo 11:21

“O, walaamwa ivi Korazini! O, walaamwa ivi, Bezisaida! Vilolekizu viakolwa mu munyi, viiva ni viakolwa mu Tiro na Sidoni, ngano avandu va madaala yago viganira ahene yaho niviviiki zinguvu zia magunia kandi ni viivaki iligoke.

Luka 10:13

“O, vayaye, kilaamo keveeye ku ivi Korazini! O, vayaye kilaamo keveeye ku ivi Bezisaida! Miyinzi minene jivilolekizu ijakolwa mu munyi, jilava nijakolwa mumadala ga Tiro na Sidoni, ngano avandu yavo vigamira kale, ni viviiki amagunia kandi nivikaye mu ligoke.

Joshua 7:6

Joshua harara na viimiliri va Isiraeli vatandula zinguvu ziavo mu vovereri, nivagwa hasi mamumama imbiri wi Lisandugu lie Lilagana, nivava ho kuduuka hamugorova, niviiyuhiyi uluguchi ku mitwi jaavo kumanyia ovovereri.