Ayubu 39:6 - KITABU KITAKATIFU

⁶ Ndaaziha changalangwe kuva yengo wazio, kandi ndazileka zimenye ku vilelemo viejumbi.

Ayubu 39:6 ပူးပေါင်းရင်းမြစ်များ

Ayubu 24:5

Kunangwa, avadaka venyeleriza viukulia mwigendanyama umwumu kuli zisukiri ziumuvulimu, navuzwa sihaveeye ho na havundu handi hoosi havanyala konyoora viukulia via avana vaavo mba.

Ayubu 39:7

Zielehaa ihale kutura ku madaala manene giliyoga, na siali ho numulala unyala kuzituga nukuzikola ziyinziri.

Zaburi 107:34

Yakola kivala cha marova magunamu kuva kuli changalangwe chijumbi, kigira uvuchamu vwa vandu vamenya mucho.

Jeremia 14:6

Zisukiri ziu mu vulimu zisingiraa ku zindongozi zie vigulu kandi zigamulaa mwika kuli vivwi. Zimoni zia zio si zilolaa vulahi mba, kigira si ziveeye ni chukulia mba.

Jeremia 17:6

Aveeye kuli uvulimu voveeye mu changalangwi, kandi sialalola uvulahi vwosi mba. Alamenya havundu haveeye ahumu mwigendanyama, mukivala chijumbi chu mundu atamenyaa mu.

Jeremia 2:24

Muveeye kuli isukiri yu muvulimu inyagura mwigendanyama, lwa eveeye mulienya kutumwa eheranaa mwika kuli imbuza! Nivwaha unyala kugigaya kutura ku lienya liu muviri gwayo? Isaza yoosi eveeye ni lienya nayo, si ilanyangana mba. Isukiri yiyi ilanyooleka ing'inga yoosi ya yenya kutuma.

Ezekieli 47:11

Navuzwa mazi gu muvidende ahimbi ku inyanza si nagalengele mba. Nagatigale yo kuli ijumbi.

Hosea 8:9

Avandu va Isiraeli vavoyavoya veng'ine kandi vaveeye kuli zihiiri zindi kandi kuli zibunda ziu muvulimu. Vamali kuzia nukwenya vokonyi kutura ku avandu va Asiria, kandi vamali kutunga zihiiri zindi kunangwa zivakingi.

Kwidzulitsa 29:23

Milimi jilava miere jokogotiza, ijafuumwa niligoke kandi jumbi. Kindu sikilatagwa anoho kwama mu mba kandi kali indiva silamera mumba. Kivala chienyu kilava kuli Sodoma na Gomora, cha Adima na Zeboiimu, icha Yahova yadiviza lwa yaali nu vutima vululu.