Ayubu 37:24 - KITABU KITAKATIFU

²⁴ Kulwayago, avandu vosi vamutizaa; kandi siahendera mwoyo mundu woosi uganaganaa aveeye mugeri mu liegingira lilie mba.”

Ayubu 37:24 ပူးပေါင်းရင်းမြစ်များ

Ayubu 5:13

Agumiraa avageri mu vogeri vwavo; Kandi agayaa lilohiza liavo liu vugadi ma lihelizwa vwangu.

Zaburi 130:4

Navuzwa ivi ukusamihaa uvwoni vwitu, kunangwa kunyi kuduuki kuva nu vuti vonene kuive.

Zaburi 33:8

O, munyi avandu vosi ku lirova mutie Yahova, muhaane luyali kuye. O, munyi avandu vi lirova.

Zaburi 40:4

Vaveeye nuvugasu avandu vasuuviraa mu Yahova, avatagirung'anaa nu kusigamira misambwa, kandi siviyungaa ku yavo avasigamiraa avanyasaye vuvugadi mba.

Kohelethu 9:11

Ndaamanyiriza kindu kindi ndi, mu kivala yiki, avandu vanyagura vwangu, sivaveeye vosi avagutaa mu zimbiru mba, kandi avandu vaveeye valuviriri sivagutaa mu vulwani ing'inga yoosi mba. Avandu vageri sivanyoolaa chukulia mba kandi avandu vilimanya sivanyoola vutugi kazozo mba. Avandu vinyaliza sivanenehizwa vuli ing'inga kuva igulu wa vandi mba. Inga indamanu yiza ku vuli mundu.

Isaya 5:21

O, vayaayi, kivi keveeye ku yavo aviiganaganaa ndi vaveeye avageri, kandi aviganaganaa ndi vaveeye nilimanya!

Jeremia 32:39

Ndavaha mwoyo mulala, kandi liiva lilala, vaduuki kutia inzi mihiga ni mihiga, ku vulahi vwavo aveene, kandi ku vulahi vwi visukululwi vaavo.

Jeremia 33:9

Jerusalemi ilava kuli kisenukiru chu vusangali, uvukumi kandi lizominywa, kandi zihiiri ziosi zie lirova zilava nu vuti kandi ni lidegera lwa zihulira kigira vindu vilahi via ngolera avandu va Jerusalemi kandi kigira ligasizwa liambaana ku lidaala yili.”

Jeremia 5:22

Inzi mbeeye Yahova; kigira ki simunyala kundia? Kigira ki si munyala kodegera imbiri wange mba? Ndaviika muyeke kuva kuli lwako lwi inyanza, love ludinyu ligali kali mazi gavuli kuvita. Kali viguvuli nivihinulanyia, amazi siganyala kuvita mba; kali inyanza nihuuma, navuzwa amazi si ganyala kuvunaga lwako yilu mba.

Hosea 3:5

Navuzwa ing'inga yiza lwa avandu va Isiraeli valakagirung'ane nukuzia ku Yahova Nyasaye wavo, kandi ku kisukururwi cha Daudi mwami wavo. Maku valatie Yahova kandi valakanyore vihaanwa vivie vilahi.

Jona 1:16

Yiki chakola aveeremi kutia Yahova ligali, kali nivahaana visiuviliru, nivalaga kumutumikira.

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Luka 10:21

Ing'inga zana yeyo, Yeso yizula uvusangari mu Roho Mutakatifu, niyizominya Nyasaye, navoora, “Baba, Mwami wi ligulu nilirova. Ngusandizaa ligali kigira ivi umali kuvisa ivindu yivi kuvageri kandi ku avilimanya, navuzwa uvuuliyi vihanzahanza. Yee, Baba, nindio wayanza yaga gakolwi kuli vulaliri vuvwo.

Varumi 2:4

Anoho hawundi uchayaa zimbavasi zizie, uvwikuzihizi kandi uvwikuziri vwivwe. Ivi siumanyi ndi Nyasaye nuwizimbavasi kigira yivu vwenya koleta kuivi ligerizaa kukwimilira onyoore lieganira.

1 Vakorintho 1:26

Avaamitu vange, kalunu mwizurizi kuli mwaali lwa Nyasaye yamulanga. Kolondekana ni zing'anagani zia vandu, ni vakekeeke ku munyi avamwali vageri, anoho, aviivulwa munyumba yu vwamihi.

1 Vakorintho 3:19

Ichi lirova yili liganaganaa kuva vogeri, keveeye uvusiru imbiri wa Nyasaye. Amang'oda Matakatifu gavoora, “Nyasaye agumiliraa avageri mu vogeri vwavo.”