Ayubu 37:23 - KITABU KITAKATIFU

²³ Nyasaye Wuvunyali siaveeye wakunyala kuduukila mba, siakudambizaa mu likalaga lilie lirungi mba.

Ayubu 37:23 ပူးပေါင်းရင်းမြစ်များ

Ayubu 11:7

Unyala konyoora vikolwa viokogenyia via Nyasaye? Unyala kumanya keheri chu Wanyala Viosi?

Ayubu 11:8

Voveeye igulu ligali kuvita mwigulu, unyala kokora ki? Voveeye musi ligali kuvita Kihadisi unyala kumanya ki?

Ayubu 12:13

Nyasaye aveeye no vogeri kandi ni zinguru, kandi aveeye nilimanya lia amakuva gu kwideera.

Ayubu 25:2

“Nyasaye aveeye wi zinguru kwamiiha; kuduuka vosi vamutie. Alombaa mirembe kuduuka hatakatifu hehe mwigulu.

Ayubu 26:14

Navuzwa, yaga gaveeye litanga vuzwa lie vikolwa vivie vie zinguru, yili ni limonya likekeeke vuzwa lia kuhulira mu makuva geege. Navuzwa, nivwaha unyala kumanya ligali ovonene vwi zinguru zia Nyasaye?

Ayubu 36:26

Kunyi sikunyala kumanya ligali ovonene vwa Nyasaye; kandi sikunyala kuvaliza mihiga ji livamwoyo lilie mba.

Ayubu 36:3

Limanyiriza liange liveeye livambalalu; ndatumikira cha inzi manyi kumanyia ndi Nyasaye, umulombi wange aveeye mulungi.

Ayubu 36:5

“Henza, Nyasaye aveeye wizingulu, sialegelizaa mundu vosi mba aveeye Wuvunyali ni zinguru zie limanyiriza.

Ayubu 37:19

Ukwigizi chakovoolera Nyasaye; zing'anagani zietu ziveeye vuzwa mu kisundi, sikoveeye nichakovora mba.

Ayubu 37:22

Uvwaku vulahi kuli izahabu vololekaa kutura ivaale, Nyasaye umali kuvikwa vukumi vwukutihiza.

Ayubu 8:3

Uganaganaa Nyasaye achaminyaa likalaga lirungi? Anoho uganaganaa Wuvunyali achaminyaa uvulungi?

Ayubu 9:19

Niiva ni ligerana lie zinguru Nyasaye aveeye ni zinguru, kumbita inzi. Niiva na makuva gi likalaga lirungi, nivwaha unyala kumuleeta mu kiyaalo?

Ayubu 9:4

Nyasaye aveeye mugeri kandi aveeye wi zinguru. Nivwaha unyala kuhing'ana na Nyasaye ma aguuti?

Zaburi 145:3

Yahova aveeye munene, kandi uwukwizominywa ligali; ovonene vwivwe vuviti limanyiriza lietu.

Zaburi 30:5

Uvutima vwivwe voveeye vuzwa ku ing'inga ngekeeke. Navuzwa uvulahi vwivwe vuhindiraa mihiga ni mihiga. Amaliga ganyala kwidoroka mu vudiku, navuzwa uvusangari vuuzaa mugamba.

Zaburi 62:11

Mali kuhulira haali kanyingi Nyasaye navoora, ndi zinguru ziveeye iziizie;

Zaburi 62:12

kandi ndi uvuyanzi uvutali nekeheri voveeye uvwivwe. Ivi umwene, O, Yahova, utunganga sa mulala amadanyi kolondekana ku vikolwa vivie.

Zaburi 65:6

Ivi usingirizaa vigulu nizinguru zizio. Ivi oveeye nizinguru zinene ligali.

Zaburi 66:3

Mu voole ku Nyasaye; “Vindu via okolaa viveeye viokogenyia! Zinguru zizio ziveeye zinene ligali! Kali avasigu vovo vinamaa imbiri woovo mu vuti.

Zaburi 93:1

Yahova, aveeye mwami. Wiviki uvukumi vonene ni zinguru zinene ligali. Usingirizi lirova vudinyu mu vogono vwalio kandi silinyala kusundwa kali hakuzu mba.

Zaburi 99:4

Ivi oveeye mwami wizingulu ligali uyanzaa agaveeye malungi; umali kusingiriza likalaga lirungi mu kivala cha Isiraeli; umali koleta vulungi kandi likalaga lia giligali vugira liyaanzilira.

Kohelethu 3:11

Yalomba vindu viosi vilahi mu ing'inga yavio; kandi ya viika limanya lie mihiga ni mihiga muziganagani ziu mundu, navuzwa mundu si yamanyiriza ga Nyasaye yakola kutura mulitanga kuduuka mulimalirika mba.

Kohelethu 7:24

Mundu anyala ndi kumanya kivuni chi livamwoyo. Yaga gaveeye madinyu ku kunyi kandi madinyu kumanyiriza.

Isaya 45:21

Hambi muleete makuva ginyu mu kiyaalo, mwenye zing'anagani kutura kuvandi. Nivwaha wavula amakuva gaali ganyala kwekoleka mumadiku ga kale? Siyaali inzi, Yahova Nyasaye ohonyia avandu veve? Siaveeye ho nu munyasaye wundi mba.

Isaya 63:9

Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.

Ezekieli 18:23

Mwami Munene Yahova ateeva ndi, “Uganagana inzi ndasangalira likuza liu mundu mudamanu? Awa! Ndakayanzi kolola niyiganiraa uvwoni vwivwe kandi amenye.

Ezekieli 18:32

Inzi sisangaliraa likuza liu mundu kali mulala mba. Mwiganiri uvwoni vwinyu na mumenye.” Yahova Wuvunyali avoora.

Ezekieli 33:11

Uvavoolere ndi ligali kuli inzi, Yahova Wuvunyali, mbeeye Nyasaye oveeye mwoyo, si sangala kolola mwoni nakuzaa mba. Ndakayanzi kolola naleki kokora vwoni kandi naveeye mwoyo. Avandu va Isiraeli, muleke uvudamanu vwamukolaa. Kigira ki mwenya kukuza?

Matayo 6:13

Utakuhila mu magerizu mba, navuzwa ukutulizi mu kigira uvwami, ni zinguru ni vivio, mihiga ni mihiga’

Luka 10:22

“Baba wange ombeeye vindu viosi. Sihaveeyeho numulala umanyi mwana nivwaha, natali Baba, kandi sihali nu umanyi Baba nivwaha, natali Mwana, kandi ku vosi wu Mwana atovoraa ku muvuulira.”

Varumi 11:33

O, Vutugi, vogeri, kandi vutugi vwa Nyasaye, voveeye vonene ligali. Oh vogeri vwivwe kandi limanya lilie linyingi, liveeye linene ligali. Aa nivwaha unyala kwivaala likalaga lilie! Nivwaha unyala kumanyiriza zinzira zizie!

Vahebraina 12:10

Avababa viitu vakuha mageri ku ing'inga ngekeeke kuli vayaanza. Navuzwa Nyasaye akohezaa amageri kuduuki kuva avasangi mu vutakatifu vwivwe.