Ayubu 37:22 - KITABU KITAKATIFU

²² Uvwaku vulahi kuli izahabu vololekaa kutura ivaale, Nyasaye umali kuvikwa vukumi vwukutihiza.

Ayubu 37:22 ပူးပေါင်းရင်းမြစ်များ

1 Kyetsinyinga 29:11

Ivi oveeye Munene kandi wi zinguru; wu vukumi, kandi wu vuguuti, wo kogenyia kandi wuvunyali. Ivindu viosi iviveeye mwigulu kandi mu lirova viveeye vivio, kandi ivi oveeye mwami oveeye igulu ligali ku vindu viosi.

Ayubu 37:21

“Na kalunu uvulavu mwigulu ovong'ereng'anaa; voveeye ovong'ereng'anu ligali kali sikunyala kohenza ku mba, kandi imbuza imali kweya malesi kutura mu ligulu.

Ayubu 37:23

Nyasaye Wuvunyali siaveeye wakunyala kuduukila mba, siakudambizaa mu likalaga lilie lirungi mba.

Ayubu 40:10

Niiva nindio, singira mu luyali kandi lizominywa liilio. Wiviki umwene vonene kandi vukumi.

Zaburi 104:1

Nzizominyaa Yahova Nyasaye nu mwoyo gwange gwosi! O, Yahova Nyasaye wange, ivi oveeye munene ligali! Oveeye wu vukumi kandi wu luyali;

Zaburi 145:5

Valamoloma ku vukumi vuvwo kandi ku vonene vuvwo, na inzi ndaganagana ku vikolwa viivwo viokogenyia.

Zaburi 29:4

Mwoyo gwa Yahova goveeye ni zinguru, kandi gwizuye uvukumi ovonene ligali.

Zaburi 66:5

Hambi mulole aga Nyasaye amali kokora, vikolwa vivie viveeye viokogenyia hagati ha avandu.

Zaburi 68:35

Nyasaye aveeye wukutihiza ligali lwa atulaa u Hatakatifu hehe Nyasaye wa Isiraeli! Ahaanaa zinguru nuvunyari ku vandu veve. Nyasaye yizominywi!

Zaburi 76:12

Agehizaa vayaayi va avami vigingiraa, kandi atihizaa avami vanene ligali.

Zaburi 89:8

O, Yahova, Nyasaye Wuvunyali, siaveeye ho numulala oveeye wizingulu kuli ivi mba, O, Yahova, ivi oveeye musuuvirifu mu vindu viosi.

Zaburi 93:1

Yahova, aveeye mwami. Wiviki uvukumi vonene ni zinguru zinene ligali. Usingirizi lirova vudinyu mu vogono vwalio kandi silinyala kusundwa kali hakuzu mba.

Tsing'ano 25:23

Makuva gavuzwa galetaa vutima kuli vukindu vuturaa Ivaale voletaa imbura.

Isaya 2:10

Valingira mu zimbangaywa zie vigulu kwivisa mu, anoho valayava malina kunangwa vagelizi kwiluka kutura ku vutima nukwivisa kutura kuzinguru zia Yahova, nuvukumi vwivwe.

Isaya 2:19

Avandu valakingiri mu zimbangaywa zia magina gi vigulu, kandi mu malina gu mu lirova kunangwa vahononoke kutura ku vutima vwa Yahova, kandi kwivisa kutura kuzinguru zizie nu vukumi vwivwe, lwa yaza kodegeriza lirova.

Mika 5:4

Lwa aliiza, alakamiihi avandu veve nizinguru zitulaa ku Yahova kandi nuvunyari vwa Yahova Nyasaye mwene. Avandu veve valakamenyee mu mirembe kigira vandu kutura mu lirova liosi valakamanya ovonene vwivwe, kandi alaleeta mirembe.

Nahum 1:3

Yahova siavugula vutima vwangu mba, navuzwa aveeye ni zinguru zinene ligali, kandi sialekaa vandu vadamanu kuzia vugira konyoora mageri mba. Havundu ha Yahova agendaa, kiihi kandi kihuzuzi viveeye ho; malesi gaveeye luguchi lutulaa mu vilenge vivie!

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.

Vahebraina 12:29

kigira Nyasaye wiitu aveeye muliru gusambaa nukudiviza ligali.

Yudasi 1:25

uyu oveeye Nyasaye yenyine Omuhonyi wiitu mu Mwami wiitu Yeso Kristo, vove kuye uvukumi, ovonene, ni zinguru nu vunyali kutura zing'inga ziosi ziavita, kandi kalunu, kandi kuduuka imihiga ni mihiga. Amini.