Ayubu 37:13 - KITABU KITAKATIFU

¹³ Nyasaye atumaa imbura kusama lirova; anyala kugituma kuhaana amageri ku vandu, anoho kuvamanyia vuyanzi vwivwe.

Ayubu 37:13 ပူးပေါင်းရင်းမြစ်များ

2 Samweli 21:10

Maku Rizipa, mukali mbikaa wa Saolo, mukaana wa Aia, yatumikira zinguvu zia magunia kwelombera umwene lidili ku lwanda ukwimiviri mikuzu yijo jaali, kandi namenya ho kutura ku litanga lie ligesa kuduuka ing'inga yi imbura yaatanga kukuba ku miviri zana. Ing'inga ya mbasu, yakunga amanyonyi gavuli kuuza, kujilia, kandi ha vudiku, yaajikinga kutura ku zinyama ziu muvulimu.

2 Samweli 21:14

Ahene yaho vaaviyavira mu kilindwa cha baba wa Saolo, mu lidaala lia Zela mu kivala cha Benjamini, kandi ni vakora ivindu viosi viu mwami yaali nalagi. Inyima wa yago, Nyasaye yavativulira lisaala liavo kigira kivala chavo.

1 Avami 18:41

Maku Elija yavolera mwami Ahabu, “Kalunu, zia na ulie chukulia. Mbulira lihiligana lie imbura enene.”

1 Avami 18:45

Mu ing'inga ngekeeke, ligulu liafumwa na malesi mamwamu ti. Imbuza yaatanga kuhuuza, kandi imbura enene yaatanga kukuba. Ahabuu yingira mu ligare lilie liu vulwani kandi natanga kwirana vwangu, ha Jezireeli.

Ezara 10:9

Ku madiku gavaga, ku lidiku lia 20 liu mweli gwa tisa, avasaza vosi avaari nivamenyi mu kivala chi Ivuyuda kandi Benjamini vaza mu Jerusalemi kandi vavugana mu mugizi imbiri wi Litembeli lia Nyasaye. Vaali ni lidegera kigira makuva yaga kandi kigira imbura inyingi yaali nikubaa.

Ayubu 36:31

Yiyi niyio inzira ya alihiziraa mu avandu, kandi ahaanaa kuvo viukulia vinyingi.

Ayubu 37:14

“Ayubu, kiring'ana hakekeke; uganagane ku agokogenyia ga Nyasaye akolaa.

Ayubu 37:6

Avooreraa likonza, gwa ku lirova! Kandi avolera lunyilira ni imbura, Kuba ni zinguru ligali.

Zaburi 65:10

Ukubizanga imbura inyingi mu milimi jilimiywi nukujisama na mazi, odotizaa amalova nulunyilira, kandi ugasizaa malova ku likora vitagwa vidoto kuviruka.

Joeli 2:23

“Muyanze, avandu va Jerusalemi musangare ku aga Yahova Nyasaye winyu amali kumukolera. Umuheeye imbura induukiru mu ing'inga yi litaga; amukubiziiyi imbura yu vukindu kandi imbura yi limera kuli zing'inga ziavita.