Ayubu 36:10 - KITABU KITAKATIFU

¹⁰ ‘Yigulaa amatu gaavo vahuliri amigizu nukuvalaga viirane kutura mu vwoni.’

Ayubu 36:10 ပူးပေါင်းရင်းမြစ်များ

2 Avami 17:13

Yahova yiganihiza Ivuyuda na Isiraeli kuvitira ku vaporofeti na vatumwa navoora, “Girung'ani kutura kuzinzira zienyu zindamanu. Gumiri malago gange ni miima jange kolondekana ni Lilaga liosi lia ndalaga avaguuga vinyu vahuliri kandi lia ndaha munyi kuvitira ku vatumikiri vange avaporofeti.”

Ayubu 36:15

Navuzwa Nyasaye yigizaa vandu kuvitira mu vusaliri vwavo; kandi atumikiraa kivi chavo kuvakola vaduuki kulola.

Ayubu 36:21

Ohenze vulahi ogelihi, utagirung'ana kokora uvudamanu mba; oheveywi uvusaliri kukwigalira kokora uvudamanu.

Zaburi 40:6

Ivi siwenya ivisiuviliru anoho ivihaanwa mba; siotevanga oheevwe zinyama ziukusambwa zing'ima ku vwali, anoho ivisiuviliru viukusamiha uvwoni. Mu vogono yivwo, wamba amatu kukuhulira.

Isaya 48:17

Nyasaye Mutakatifu wa vandu va Isiraeli, Yahova ahonyia munyi, avoora: “Inzi mbeeye Yahova Nyasaye winyu, uwenyaa kumwigiza kigira uvulahi vwinyu, kandi mwimiliraa kogenda kunzira idukanaa kogenda kuyo.

Isaya 48:8

Munyi simwahulira, kandi simwamanya kutura mu madiku gakale mba. Inzi ndaamanya ndi munyi muveeye avagaadi, kandi muveeye avibaali kutura mu liivulwa lienyu.

Isaya 50:5

Yahova Nyasaye umali kumba limanyiriza, kandi sinyala kwibaala kuye mba, noho sinyala kwirana inyima kutura kuye mba.

Hosea 14:1

Munyi avandu va Isiraeli, mwirane ku Nyasaye winyu. Munyi mumali kwikigatala nu kugwa kigira uvwoni vwinyu.

Jona 3:8

Avandu vosi kandi zinyama ziosi kuduuka viviiki zinguvu zia magunia. Avandu vosi, vaaniri ku Nyasaye nu mwoyo gwosi. Vagirung'ane sa mulala nokoleka miima midamanu, nivikolwa vidamanu.

Zefania 3:7

Ndasuuvira ndi avandu vange vanyara kutia inzi kandi vavugiliri konyoora mageri gange, kunangwa vavuli kwivilira miigizu ga ndavigiza. Navuzwa vatanga kokora vudamanu kali kuvita ing'inga yindi.”

Matayo 3:8

Gamudukira mukore ivikolwa vimanyia ndi mumali kwiganira.

Vikolwa 16:14

Mulala ku yavo avakuhulira yaali Lidia, kutura mu lidaala lia Ziatira, yaali mukoli wi viasara vie zinguvu zie rangi ya muzambarao. Yaali mukali uwaasigamiraa Nyasaye. Mwami yakunura mwoyo gwigwe kuhulira icha Paolo yavoola.

Vikolwa 17:30

Nyasaye yayivilira zing'inga ziavandu vavura, kumumanya, Navuzwa kalunu, alaangaa avandu vosi, havundu hoosi, viganiri.

Vikolwa 3:19

Kulwayago mwiganiri, kandi mwihaane ku Nyasaye, kunangwa aduuki kumusamiiha uvwoni vwinyu. Niiva mukora ndio,

Yakobo 4:8

Mwisuundi ahimbi ku Nyasaye naye alisuunda ahimbi ku munyi. Mwiganili munyi avoni; mutakase mioyo jinyu, munyi avagadaa.