Ayubu 35:5 - KITABU KITAKATIFU

⁵ “Henza igulu mwigulu na olole, kandi olole amalesi gaveeye igulu kuvita ivi!

Ayubu 35:5 ပူးပေါင်းရင်းမြစ်များ

Litanga 15:5

Yahova yavugula Aburamu naamuhira ichova namuvolera, “Henza mu ligulu ma uvalizi zing'ereng'ani niiva unyala. Ivi ulakave ni visukululwi vinyingi kuli zing'ereng'ani.”

1 Avami 8:27

“Navuzwa, ukaveeye unyala O, Yahova Nyasaye, komenya ligali mu lirova? Kali ligulu liosi siliveeye linene linyala kuduuka ivi omenye mulio, kunangwa Litembeli yili lia inzi mali kwumbaka linyala kuva linene likuduuka?

Ayubu 11:7

Unyala konyoora vikolwa viokogenyia via Nyasaye? Unyala kumanya keheri chu Wanyala Viosi?

Ayubu 11:8

Voveeye igulu ligali kuvita mwigulu, unyala kokora ki? Voveeye musi ligali kuvita Kihadisi unyala kumanya ki?

Ayubu 22:12

Nyasaye siamenyi igulu mwigulu ligali, na aheenzaa hasi ku zing'ereng'ani, kali niiva ziveeye igulu ligali?

Ayubu 35:4

Ndakayanzi kutivulira ivi harara na valina vovo.

Ayubu 36:26

Kunyi sikunyala kumanya ligali ovonene vwa Nyasaye; kandi sikunyala kuvaliza mihiga ji livamwoyo lilie mba.

Ayubu 37:16

Ivi wamanya kuli malesi geremaa muvwerefu? Ivi wamanya miyinzi jokogenyia juvusiza ja Nyasaye?

Isaya 55:8

Yahova avoora ndi: “Zing'anagani ziange siziveeye kuli zing'anagani zienyu mba, kandi zinzira ziange siziveeye kuli zinzira zienyu mba,

Isaya 55:9

kuli ligulu liveeye ihale ligali kutura ku lirova, nindio zinzira ziange ziveeye ihale kutura ku izienyu kandi zing'anagani ziange ziveeye ihale kutura ku zing'anagani zienyu.

Nahum 1:3

Yahova siavugula vutima vwangu mba, navuzwa aveeye ni zinguru zinene ligali, kandi sialekaa vandu vadamanu kuzia vugira konyoora mageri mba. Havundu ha Yahova agendaa, kiihi kandi kihuzuzi viveeye ho; malesi gaveeye luguchi lutulaa mu vilenge vivie!

1 Samweli 16:7

Navuzwa Yahova yamuvolera, “Utahenza ku vutambi kinga ku vulahi vwi ligondo lilie mba. Mali kumusuura, kigira inzi sindora kuli mundu alolaa mba. Umundu aheenzaa ku ligondo liukwiigulu, navuzwa inzi mbenzaa ku mwoyo.”