Ayubu 35:13 - KITABU KITAKATIFU

¹³ Ligali gaveeye vugira vokonyi ku yavo kwanira ku Yahova mbula vakonywe; Nyasaye Wuvunyali siavalolaa, anoho siavahuliraa mba.

Ayubu 35:13 ပူးပေါင်းရင်းမြစ်များ

Ayubu 15:31

Atasuuvira mu makuva gataveeye nikindu nu kwigaada mwene mba; kunangwa vudamanu vulava amadanyi geege.

Ayubu 30:20

O, Nyasaye, “Nzanira ku ivi, navuzwa ivi siundivuliraa mba; kandi lwa sala ku ivi kazozo si umbuliriza mba.

Zaburi 102:17

Alavugilira lisaala lia vadaka, kandi alahuliriza ku lianira liavo.

Zaburi 66:18

ndava wavisa uvwoni mu mwoyo gwange, ngano Yahova si yahulira lisaala liange mba.

Tsing'ano 15:29

Lwa vandu valungi vasaala Yahova ahuliraa, navuzwa alekaa yavo avaveeye vadamanu.

Tsing'ano 15:8

Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

Tsing'ano 28:9

Niiva siulatia malago ga Nyasaye, sialavugilira lisaala liilio mba.

Isaya 1:15

“Lwa mugingaa makono ginyu igulu mu lisaala, sindamuheenza mba. Kali ni musaala kuli ndi, inzi sindahuliriza kali hakuzu mba, kigira amakono ginyu gizuyi amasahi.

Jeremia 11:11

Kunangwa, kalunu, inzi Yahova, mbiganihizaa ndi, ndaleta lidiviza kuvo, kandi si valahononoka mba. Lwa vanira ku inzi kigira ovokonyi, si ndavahulira mba.

Hosea 7:14

Si vasaye ku inzi mugiligali mba, navuzwa muvogono yivwo vagwiza hasi aveene kandi nukulira kuli avandu vatamanyi Nyasaye. Lwa vasaala kigira vuswage ni iwaini, vetemaa aveene kuli avandu vatamanyi Nyasaye. Vamali kwibaala ku inzi!

Amosi 5:22

Lwa muletaa ku inzi vihaanwa vienyu viokusambwa, kandi vihaanwa vienyu viu vuswage, sindavivugilira mba; kali sindavugilira vihaanwa vienyu vie mirembe vie zinyama zinolu mba.

Mika 3:4

Ing'inga yiza iya mulisara ku Yahova, navuzwa sialimutivulira mba. Ku ing'inga yeyo, alakavisi mumoni mwimwe kutura ku munyi kigira uvudamanu vwa mumali kokora.”

Matayo 6:7

“Kandi lwa musaala, mutavungiza amakuva manyingi ga vuzwa kuli avandu vizihiiri avatamanyi Nyasaye. Yavo vaganagana ndi Nyasaye alavahulira kigira amakuva gaavo amanyingi.

Yohana 9:31

Kwamanya ndi Nyasaye siahuliraa avandu avoni mba, navuzwa ahuliraa mundu woosi umusigamiraa kandi okokora uvulariri vwivwe.

Yakobo 4:3

Lwa muteeva, simunyoolaa mba kigira musaala ni zing'anagani zindamanu muduuki kuvitumikira mu lieyaanziza lienyu.