Ayubu 34:33 - KITABU KITAKATIFU

³³ Kigira ivi usulaa aga Nyasaye akolaa, unyala kusuuvira alakola cha ivi wenyaa? Litovola ni liilio, si liveeye liange mba; okovolere kalunu cha uganagana?

Ayubu 34:33 ပူးပေါင်းရင်းမြစ်များ

Ayubu 15:31

Atasuuvira mu makuva gataveeye nikindu nu kwigaada mwene mba; kunangwa vudamanu vulava amadanyi geege.

Ayubu 18:4

Ivi wisalirizaa mwene mu vutima vuvwo, usuviraa lirova liralekwa kigira uvutima vuvwo? Uganaganaa Nyasaye alatuzaho ivigulu mu vogono vwavio ukwigutiza lienya liilio? Yee, anoho lwanda kutulizwa mu vogono vwalwo?

Ayubu 33:32

Navuzwa niiva oveeye nikindu chokovoora, ombolere; ndakavugiliyi nuvusangali ndi, ivi oveeye mu vulungi.

Ayubu 33:5

Ndivulira niiva unyala, lohiza makuva googo vulahi imbiri wange, yetegeke, usingiri imbiri wange.

Ayubu 34:11

Nyasaye ahaanaa madanyi ku vandu kugavakolaa kandi avakolera kuli gavadukiraa vakolelwe.

Ayubu 34:34

“Mundu woosi wilimanya alavugilira ligali; na vuli mundu oveeye novogeri uhuliraa inzi alavoora,

Ayubu 41:11

Nivwaha umali kumba ikindu kunangwa nduuki kumutunga? Choosi ekeveeye isi wi ligulu liosi nichange.

Ayubu 9:12

Ligali, Nyasaye avugulaa choosi cha yenya, na siaveeyeho nu mundu unyala kumugaya mba, siaveeyeho nunyala kuluvilira ku muteeva, “Okolaa ki?”

Zaburi 135:6

Yahova akolaa cha yaanza mwigulu kandi ku lirova; mu zinyanza kandi hasi mu luliva.

Zaburi 50:21

Munyi mwakora yaga goosi, na inzi si ndavoora kindu ku munyi mba, mwaganagana ndi inzi ndaali kuli munyi. Navuzwa kalunu, inzi mugondokeraa, kandi nu kuhaana likalaga imbiri winyu.

Tsing'ano 11:31

Avandu vaveeye valungi vanyoola madanyi gaavo mukivala yiki; kunangwa ove nilisuvira ndi vandu vachamu na voni valahevwa mageri.

Isaya 45:9

Yahova avoora, “O, kivi keveeye ku uyu uhing'anaa nu mulombi weve! Aveeye kuli lidohi lio kolonga inyingu mu makono gwu mulongi! Lidohi linyala koteeva mulongi, ‘Olomba kindiki?’ Anoho inyingu inyala kovoolera mulongi ndi, ‘Miyinzi jije sijiveeye milahi mba?’ ”

Jeremia 25:28

Niiva valasura kunwa iwaini yiyi kutura ku ivi, hene yaho uvavoolere ndi Yahova Wuvunyali umali kovora ndi kuduuka munwi iwaini yiyi.

Varumi 11:35

Anoho, nivwaha wamuha ku ikihaanwa, kunaye aduuki kumwiranyira ikihaanwa zana?”

Varumi 9:20

Navuzwa ligali ivi oveeye vwaha uluviliraa kwilanyira Nyasaye amativuli? Inyingu sinyala koteeva umulongi wayo, “Kigira ki wanomba kuli ndi?”

Vahebraina 11:26

Yatovola linyegwa kigira Kristo kuva lilahi ligali kuvita vutugi vwa Egebeti; kigira yahenzerera madanyi gaaza imbiri.

Vahebraina 2:2

Uvutumwa vwahaanwa ku vaguuga viitu ni zingelosi vwa loleka kuva vwi ligali kandi mundu woosi wavula kovolonda anoho kuvuhulira, yanyoora mageri agadukanaa naye.