Ayubu 34:20 - KITABU KITAKATIFU

²⁰ Vakuza vwangu mu vudiku hagati. Nyasaye avaduya ma vakuza; na avizingulu vatulizwa ho vugira zinguru ziu mundu.

Ayubu 34:20 ပူးပေါင်းရင်းမြစ်များ

Ayubu 12:19

Nyasaye agehizaa vasaalisi na vasaza vizingulu.

Ayubu 27:20

Vindu viukutihiza vilamulondelera nukumugumira kuli amazi manene gizuyi. Mu vudiku hagati, kihuzuzi kenene kilamuhila ihale.

Ayubu 34:25

Kigira amanya ichavakolaa, avatungaminyaa nukuvaduvulanyia muvudiku.

Ayubu 36:20

Utakayirwa uduuki ing'inga ya vandu vadivizwa mba.

Zaburi 73:19

Vaagwiyi nukwoneka nonoho; kandi vamali kugwa mu likuza liukutihiza ligali.

Isaya 30:13

Munyi muveeye na mahiolo. Muveeye kuli lidigi litambi ilimali kwadika nukusiavuka kutura igulu kuduuka hasi; nonoho mulagwa.

Isaya 37:36

Engelosi ya Yahova yazia hokososa ha vandu va Asiria ma ni yita avasikari 185,000. Mugambazuri lidiku lialonda ku, vosi vaali avakuzu.

Isaya 37:38

Lidiku lilala, lwa yaali nasigamira munyasaye mu litembeli liu munyasaye weve uwalangwa Nisiroki, avayaayi veve vaviri, Adirameleki na Sharezeri, vamwita nivivavi viavo, ma nivahalira mu kivala cha Ararati. Muyaayi wundi walangwa Esarihadoni - yamiha mu vogono vwivwe kuli mwami.

Isaya 40:23

Nyasaye yikizaa vana va vami kuva vuzwa, kandi akolaa avamihi vizingulu ku lirova kuva vuzwa.

Danyeli 2:34

Lwa waali nohenza kifananyi yiki, ligina linene liadika kutura ku lwanda vugira mundu kulidiira; liaduya vilenge vie kivia kandi zinduvatiru zie kifananyi yiki, kandi liavisionoranyia ligali.

Danyeli 5:30

Vudiku vwene yivwo, mwami Belishaza wa Babiloni yitwa.

Danyeli 8:25

Kigira aveeye mundu mugadi, alazizagilira kokora vulahi mu vugadi vwivwe. Alava ni lielola kandi aladiviza vandu vanyingi vugira lieganihiza. Kali alakachaye mwami munene ku vosi, navuzwa alakadivizwi vugira zinguru ziu mundu.

Zekaria 4:6

Maku engelosi yambolera kuhaana makuva yaga ku Zerubabeli kutura ku Yahova: “Ulanyaliza, na si gaveeye kigira vunyali vuvwo anoho kigira zinguru zizio mba, navuzwa gaveeye kigira Roho wange Yahova wamahi avoora.

Matayo 25:6

“Navuzwa vudiku hagati, liali ho ni lilangilizana linene ‘Henza! Nguyio oyo osereraa umwiha yaazaa! Muturi muzie kumwaganira!’

Luka 12:20

Navuzwa Nyasaye yamuvolera, ‘Musiru ivi vudiku vwa kalunu ndatuliza livamwoyo liilio. Kunangwa vindu via wavika vilava via vwaha?’ ”

Vikolwa 12:23

Nonoho engelosi wu Mwami Nyasaye yakuya Herodi, kigira siyaaha Nyasaye uvukumi yivwo mba. Zing'ende ziamulia nakuza.

1 Vatesalonike 5:2

Munyi aveene mumanya vulahi ndi Lidiku liu Mwami lilakaze kuli mwivi yaazaa vudiku.

2 Petro 2:3

Mu likayirwa liavo lio vuviiti vigizi vuvugadi yava vukala ku munnyi kigira amakuva gaavo gu vugadi. Mukalagi wavo umali kwetegeka kandi mudivizi wavo siagonaa mba.

1 Samweli 26:10

Daudi yaazizagilira kovora, “Ku Yahova oveeye mwoyo, inzi manya ligali Yahova mwene aliita Saolo, niiva ing'inga yi likuza lilie liduka, anoho akuziri mu vulwani.