Ayubu 34:19 - KITABU KITAKATIFU

¹⁹ Nyasaye siamanyiaa liyaanzilira ku avami vi vivala anoho kohendera avatugi mwoyo kuvita avadaka mba, kigira yava vosi vaveeye miyinzi ja makono geege.

Ayubu 34:19 ပူးပေါင်းရင်းမြစ်များ

2 Kyetsinyinga 19:7

Kunangwa kalunu, muhaane ku Yahova luyali, mwilindi ku goosi aga mukoraa, kigira Yahova Nyasaye wiitu sialiikuzira ku lichaminya uvulungi, anoho liyanzilira magondo mu likalaga, anoho livugula vikukula.”

Ayubu 10:3

Gaveeye vulahi ku ivi kuundambiza, nukuchaya mundu wa umali kolomba kandi nukuyaanzilila lilohiza lia vandu vachamu?

Ayubu 12:19

Nyasaye agehizaa vasaalisi na vasaza vizingulu.

Ayubu 12:21

Nyasaye aviikaa zisoni ku yavo avaveeye avanene, kandi aherizaa zinguru zia avamihi.

Ayubu 13:10

Ligali Nyasaye alamugondokera niiva mumanyia liyaanzilira vandu mu vwivisu.

Ayubu 13:8

Mulayanzilira kovoora agaveeye malungi imbiri wa Nyasaye? Kandi mulamoloma kumiveera mu kiyaalo?

Ayubu 31:15

Nyasaye mulala mwere wanomba munda mwa mama wange, kandi uwalomba mutumikiri wange. Oyo niyie walomba kunyi kwosi.

Ayubu 32:21

Sindayanzilira mundu kuvita wundi mba, anoho kutumikira amakuva gukwizominya mundu vuzwa muvugaadi mba.

Ayubu 34:18

Nyasaye akalagira avami na avamihi, lwa vaveeye avatakonya kindu anoho avachamu.

Ayubu 36:19

Uganaganaa lilira liilio lilakokonya kutura mu kivi? Anoho zinguru zizio ziosi zinyala kukokonya utuli mu kivi?

Kutwula 30:15

Mutugi sialatunga mbitilira mba, anoho kali mudaka sialatunga mabese makekeeke lwa vava nivatunga mabese yaga kigira livamwoyo liavo mba.

Tsing'ano 14:31

Mundu udambiza vadaka alegeliza Nyasaye wavalomba, navuzwa oyo oveeye ni zimbavasi ku vadaka ahaanaa luyali ku Yahova.

Tsing'ano 22:2

Mutugi harara nu mudaka vaveeye kindu kilala. Yahova yavalomba vosi.

Kohelethu 5:8

Utagenya lwa olola vwamihi nivudambizaa vadaka kandi ni vuvagayaa konyoola vulungi ni lienya liavo mba. Mwimiliri oveeye munene akingaa vuli mwimiliri wundi oveeye hasi kuye, na vimiliri yava vombi vakingwa nu mwimiliri oveeye igulu kuvo.

Isaya 3:14

Alakalagira avakulundu kandi aviimiliri vavandu veve. Alombaa vivuni: “Mumali kulanya mulimi gwa amazabibu, kandi zinyumba zienyu ziizuye vindu via mwalanya kutura ku vadaka.

Kyavalevi 19:15

“Muve vasuuvirifu kandi avalungi lwa muva nimuhaanaa likalaga mu viyaalo mutamanyia lieriza anoho liyaanzilira vadaka kandi mutatia vatugi mba.

Vikolwa 10:34

Petero yaatanga kovora: “Kalunu mali kolola ndi agiligali Nyasaye si yahulanyia avandu mba.

Varumi 2:11

Kigira Nyasaye siyerizaa mundu kali mulala mba.

1 Vakorintho 1:28

Nyasaye yatovola vindu vialegerizwa kandi viachaywa mu lirova aduuki kwononyia vindu via vandu vaganagana kuva vidukiru.

Vagalatia 2:6

Navuzwa ku yavo avaloleka kuva vaveeye aviimiliri vanene hagati ha vandu avasuuviraa, mboraa yaga kigira ovonene vwavo sivoveeye ni kivuni ku inzi mba. Nyasaye siakalagaa ku lihenza ligondo lie chova liu mundu mba. Aviimiliri yavo, si vaali ni kindu chokomeda ku Ivangeri ya nzilwazaa yiyi mba.

Vafeso 6:9

Munyi avami, muvakolere avatugwa vinyu vindu zana yivi kandi, munzira ndala nzere vugira kutumikira litihiza. Mwizurizi kumanya ndi munyi harara na avatugwa vinyu muveeye nu Mwami mulala mwigulu, ukalagiraa mundu sa mulala keleng'ani vugira liyanzilira liosi.

Kwidzulitsa 10:17

Kigira Yahova Nyasaye winyu aveeye Nyasaye wavanyasaye vosi; kandi mwami wa avami, Nyasaye munene, wizingulu kandi wukutihiza; uvula kumanyia liyaanzilira avandu valala kuvita avandi kandi siavugilira kuvugura viambeti mba.

Vakolosai 3:25

Uyu okolaa uvudamanu alanyoola uvuchamu vwivwe vwa yakola, kigira sihaveeyeho niliverera kutura ku Nyasaye mba.

Vahebraina 12:28

Kunangwa, gendi kusandizi kigira konyoora uvwami vutanyala kodengeyizwa. Gendi kusandizi ma kusigamiri Nyasaye munzira yu ku muyaanziza, niliegehiza nuvuti ligali,

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

1 Petro 1:17

Munyi mumulangaa Baba, lwa musaala ku Nyasaye, oyo ukalagiraa avandu vosi, kolondekana ku ne kegero kilala. Kunangwa mumenye mu lirova linu ni muhaanaa uluyali ku Nyasaye.